കനത്ത മഴ തുടരുന്നു: അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി
തിരുവനന്തപുരം: കനത്ത മഴയുടെ പശ്ചാത്തലത്തില് സംസ്ഥാനത്തെ അഞ്ച് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് ചൊവ്വാഴ്ച അവധി പ്രഖ്യാപിച്ചു. തിരുവനന്തപുരം ജില്ലയിലെ പ്രൊഫഷണല് കോളേജുകള് ഉള്പ്പടെയുള്ള വിദ്യാഭ്യാസ സ്ഥാപനങ്ങള്ക്ക് ചൊവ്വാഴ്ച അവധി പ്രഖ്യാപിച്ചിരുന്നു. എന്നാല് നേരത്തെ നിശ്ചയിച്ച പ്രകാരമുള്ള പൊതുപരീക്ഷകള്ക്ക് മാറ്റമുണ്ടാകില്ലെന്ന് ജില്ലാ കളക്ടര് അറിയിച്ചു.
പത്തനംതിട്ട ജില്ലയില് റെഡ് അലര്ട്ട് പ്രഖ്യാപിച്ചിട്ടുള്ള സാഹചര്യത്തില് ആഗസ്റ്റ് ഒന്ന് ഉച്ചയ്ക്ക് ശേഷവും നാളെയും (ആഗസ്റ്റ് രണ്ട്) അങ്കണവാടികള്, പ്രൊഫഷണല് കോളേജുകള് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചെന്ന് ജില്ലാ കളക്ടര് അറിയിച്ചു. കേന്ദ്ര കാലാവസ്ഥ വകുപ്പിന്റെ പുതുക്കിയ മഴ സാധ്യത പ്രവചന പ്രകാരം ജില്ലയില് ഓഗസ്റ്റ് ഒന്ന് മുതല് 4 വരെ തീയതികളില് അതി ശക്തമായ മഴക്കുള്ള ഓറഞ്ച് അലേര്ട്ട് പ്രഖ്യാപിച്ചിരിക്കുകയാണ്.
ആലപ്പുഴ ജില്ലയില് റെഡ് അലര്ട്ട് പ്രഖ്യാപിച്ച സാഹചര്യത്തിലും പത്തനംതിട്ട ജില്ലയില് വ്യാപകമായി മഴ തുടരുന്നതിനാല് പമ്പ, മണിമല നദികളില് ജലനിരപ്പ് അപകട നിലക്ക് മുകളിലാണെന്നും കുട്ടനാട്, അപ്പര് കുട്ടനാട്, മേഖലകളില് ജലനിരപ്പ് ക്രമാതീതമായി വര്ദ്ധിക്കുവാന് സാധ്യതയുള്ളതായി അറിയിപ്പ് ലഭിച്ചിട്ടുള്ളതിനാല് നദികളുടെ കൈവഴികളിലെ ജലനിരപ്പ് വര്ദ്ധിക്കുന്ന സാഹചര്യത്തില് ഇരു കരകളിലെ നിവാസികളും പൊതുജനങ്ങളും ജാഗ്രത പുലര്ത്തേണ്ടതാണ്. ആലപ്പുഴ ജില്ലയിലെ പ്രാഫഷണല് കോളേജുകള് ഉള്പ്പടെ എല്ലാ വിദ്യാഭ്യാസ സ്ഥാപനങ്ങള്ക്കും കളക്ടര് അവധി പ്രഖ്യാപിച്ചിട്ടുണ്ട്.
കോട്ടയം ജില്ലയിലെ പ്രൊഫണല് കോളേജുകള്, അങ്കണവാടികള് ഉള്പ്പടെയുള്ള മുഴുവന് വിദ്യാഭ്യാസ സ്ഥാപനങ്ങള്ക്കും കളക്ടര് ചൊവ്വാഴ്ച അവധി പ്രഖ്യാപിച്ചു.
എറണാകുളം ജില്ലയില് റെഡ് അലര്ട്ട് പ്രഖ്യാപിച്ച സാഹചര്യത്തില് ജില്ലയിലെ പ്രൊഫഷണല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് 2022 ഓഗസ്റ്റ് 02 ചൊവ്വാഴ്ച്ച അവധി ആയിരിക്കുമെന്ന് ജില്ലാ കളക്ടര് അറിയിച്ചു. അതേസമയം, കോതമംഗലം താലൂക്കിലെ പൂയംകുട്ടി വെള്ളാരംകുത്തില് മലവെള്ളപാച്ചിലുണ്ടായ ആദിവാസി ഊര് റവന്യൂ ഉദ്യോഗസ്ഥര് സന്ദര്ശിച്ചു. ഞായര് വൈകിട്ടാണ് പ്രദേശത്തേക്കു വെള്ളം കുതിച്ചെത്തിയത്.
രണ്ടു മണിക്കൂറോളം നീണ്ട മലവെള്ളപാച്ചിലില് ഊരിലെ ഒരു വീടിനകത്തു വെള്ളം കയറി. അമ്പനാട്ട് ദേവകിയുടെ വീട്ടിലാണു വെള്ളം കയറിയത്. മറ്റു രണ്ടു വീടുകളുടെ മുറ്റംവരെ വെള്ളമെത്തി. നിലവില് പ്രദേശത്ത് നിന്നു വെള്ളം പൂര്ണമായും ഇറങ്ങിയിട്ടുണ്ട്. വനത്തിനുള്ളില് ഉരുള് പൊട്ടിയെന്ന സംശയം നേരത്തെ ഉയര്ന്നിരുന്നു. എന്നാല് ഇതുവരെ അക്കാര്യം സ്ഥിരീകരിച്ചിട്ടില്ല. മറ്റു നാശനഷ്ടങ്ങളൊന്നും ഇതുവരെ റിപ്പോര്ട്ട് ചെയ്തിട്ടില്ല.
അതേസമയം, മഴ കനക്കുന്ന സാഹചര്യത്തില് സംസ്ഥാന പോലീസ് മേധാവി അനില് കാന്ത് എല്ലാ ജില്ലാ പോലീസ് മേധാവിമാര്ക്കും ജാഗ്രതാനിര്ദ്ദേശം നല്കി. അടിയന്തര സാഹചര്യം നേരിടുന്നതിനായി എല്ലാ ജില്ലയിലും കണ്ട്രോള് റൂം ആരംഭിക്കാനും നിര്ദേശിച്ചിട്ടുണ്ട്.
കുഞ്ഞിക്ക അന്നും ഇന്നും മാസാണ് മോനെ; ഞെട്ടിച്ച ഫോട്ടോസ്, വൈറലോട് വൈറല്
അടിയന്തര സാഹചര്യം നേരിടാന് തയ്യാറായിരിക്കാന് എല്ലാ പോലീസ് സ്റ്റേഷനുകളിലെയും ദുരന്തനിവാരണ സംഘങ്ങള്ക്ക് നിര്ദ്ദേശം നല്കി. ജില്ലാ പോലീസ് മേധാവിമാര് ജില്ലാ കളക്ടര്മാരുമായും ജില്ലാതല ദുരന്തനിവാരണ സമിതിയുമായി നിരന്തരം സമ്പര്ക്കം പുലര്ത്തും. ജെ സി ബി, ബോട്ടുകള്, മറ്റു ജീവന്രക്ഷാ ഉപകരണങ്ങള് എന്നിവ എല്ലാ പോലീസ് സ്റ്റേഷനുകളിലും തയ്യാറാക്കി വെയ്ക്കും. തീരപ്രദേശങ്ങളില് സുരക്ഷാ ബോട്ടുകള് ഉള്പ്പെടെയുള്ള സംവിധാനങ്ങള് ഒരുക്കാന് തീരദേശ പോലീസ് സ്റ്റേഷനുകളോട് ആവശ്യപ്പെട്ടിട്ടുണ്ട്. എമര്ജന്സി റെസ്പോണ്സ് നമ്പരായ 112 ലേയ്ക്ക് വരുന്ന എല്ലാ കോളുകളും 24 മണിക്കൂറും അടിയന്തിര പ്രാധാന്യത്തോടെ കൈകാര്യം ചെയ്യും.
Recommended Video
മണ്ണിടിച്ചില് പോലെയുള്ള അപകടങ്ങള് സംഭവിക്കാനിടയുള്ള സ്ഥലങ്ങളില് പ്രത്യേക ജാഗ്രത പുലര്ത്തും. അവശ്യഘട്ടങ്ങളില് പോലീസിന്റെ എല്ലാ വിഭാഗങ്ങളുടെയും സേവനം പൊതുജനങ്ങള്ക്ക് താമസംവിനാ ലഭ്യമാക്കാന് യൂണിറ്റ് മേധാവിമാര് നടപടി സ്വീകരിക്കും. റോഡരികില് അപകടകരമായി നില്ക്കുന്ന മരങ്ങള് മുറിച്ച് മാറ്റാന് ഫയര്ഫോഴ്സുമായി ചേര്ന്ന് നടപടി സ്വീകരിക്കും. അപകടമേഖലകളില് നിന്ന് ജനങ്ങളെ അതിവേഗം മാറ്റി പാര്പ്പിക്കുന്നതിന് പോലീസ് സഹായം ഉറപ്പാക്കും. ദുരിതാശ്വാസ ക്യാമ്പുകള് തുറക്കുന്ന മുറയ്ക്ക് അന്തേവാസികളുടെ സുരക്ഷ ഉറപ്പാക്കുന്നതിന് വനിതാ പോലീസ് ഉള്പ്പെടെയുളളവരുടെ സേവനം ലഭ്യമാക്കും.
പോലീസ് വിന്യാസത്തിന്റെ ചുമതലയുള്ള നോഡല് ഓഫീസറായി സായുധ പോലീസ് ബറ്റാലിയന് വിഭാഗം എഡിജിപി എം.ആര്.അജിത്കുമാറിനെയും ദുരന്തനിവാരണ പ്രവര്ത്തനങ്ങളുടെ നോഡല് ഓഫീസറായി ക്രമസമാധാനവിഭാഗം എഡിജിപി വിജയ് എസ്.സാക്കറെയെയും നിയോഗിച്ചിട്ടുണ്ട്.
Click it and Unblock the Notifications
Sign in with Google