റെക്കോര്ഡുകള് തിരുത്തി തുലാവര്ഷ മഴ; 45 ദിവസത്തിനുള്ളില് കേരളത്തില് ലഭിച്ചത് 833.8 മില്ലിമീറ്റര് മഴ
തിരുവനന്തപുരം: തുലാവര്ഷത്തില് സംസ്ഥാനത്ത് ലഭിച്ചത് റെക്കോര്ഡ് മഴ. സംസ്ഥാനത്ത് ഒക്ടോബര് 1 മുതല് നവംബര് 15 വരെ കേരളത്തില് ലഭിച്ചത് 833.8 മില്ലി മീറ്റര് മഴയെന്ന് റിപ്പോര്ട്ട്. 2010 ല് 822.9 മഴയാണ് ലഭിച്ചതെങ്കില് ഈ വര്ഷം ആ റോക്കോര്ഡ് മറി കടന്നിരിക്കുകയാണ്.
ഒക്ടോബര് 1 മുതല് ഡിസംബര് 31 വരെ നീണ്ടു നില്ക്കുന്ന തുലാവര്ഷത്തില് 45 ദിവസത്തിനുള്ളിലാണ് ഇത്തവണ ഇത്ര കൂടുതല് മഴ ലഭിച്ചിരിക്കുന്നത്. കേന്ദ്ര കാലാവസ്ഥ വകുപ്പിന്റെ 121 വര്ഷത്തെ കണക്കുകള് പ്രകാരം തുലാവര്ഷ മഴയില് 800 മില്ലി മീറ്ററില് കൂടുതല് ലഭിച്ചത് ഇതിന് മുമ്പ് 2010ലും 1977ലും ആണ്. 1977ല് 809.1 മില്ലി മീറ്റര് മഴയാണ് ലഭിച്ചത്.
അതേസമയം, സംസ്ഥാനത്ത് കനത്ത മഴ തുടരുകയാണ്. മഴ തുടരുന്ന സാഹതര്യത്തില് വിവിധ ജില്ലകളില് ഓറഞ്ച് അലര്ട്ട് പ്രഖ്യാപിച്ചിരിക്കുകയാണ്. കൂടാതെ മത്സ്യത്തൊഴിലാളികള്ക്കും ജാഗ്രത നിര്ദ്ദേശം പുറപ്പെടുവിച്ചിട്ടുണ്ട്. കേരള - ലക്ഷദ്വീപ് തീരത്ത് നവംബര് 15 നും, വടക്കന് കേരള തീരത്ത് നവംബര് 16 വരെയും, കര്ണാടക തീരത്ത് നവംബര് 15 മുതല് 18 വരെയും മത്സ്യബന്ധനത്തിന് പോകരുതെന്ന് കാലാവസ്ഥ നിരീക്ഷണ കേന്ദ്രം അറിയിക്കുന്നു.
മണിക്കൂറില് 40 മുതല് 50 കി. മീ വരെ വേഗതയിലും ചിലവസരങ്ങളില് 60 കി. മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ട് എന്നും കേന്ദ്ര കാലാവസ്ഥ വകുപ്പ് അറിയിച്ചു. 17-11-2021 മുതല് 19-11-2021വരെ: മധ്യ പടിഞ്ഞാറ് , അതിനോട് ചേര്ന്ന് കിടക്കുന്ന തെക്ക് -പടിഞ്ഞാറന് ബംഗാള് ഉള്ക്കടല്, തെക്കന് ആന്ധ്രപ്രദേശ്, വടക്കന് തമിഴ്നാട് തീരം എന്നിവിടങ്ങളില് മണിക്കൂറില് 40 മുതല് 50 കി.മീ വരെ വേഗതയിലും ചില അവസരങ്ങളില് 60 കി. മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യത എന്ന് കേന്ദ്ര കാലാവസ്ഥ വകുപ്പ് അറിയിച്ചു.
16-11-2021 മുതല് 17-11-2021വരെ മധ്യ കിഴക്കന്, അതിനോട് ചേര്ന്ന് കിടക്കുന്ന തെക്ക് -കിഴക്കന് അറബിക്കടല് എന്നിവിടങ്ങളില് മണിക്കൂറില് 40 മുതല് 50 കി.മീ വരെ വേഗതയിലും ചില അവസരങ്ങളില് 60 കി. മീ വരെ വേഗതയിലും വീശിയടിച്ചേക്കാവുന്ന ശക്തമായ കാറ്റിനും മോശം കാലാവസ്ഥയ്ക്കും സാധ്യത എന്ന് കേന്ദ്ര കാലാവസ്ഥ വകുപ്പ് അറിയിച്ചു. മേല് പറഞ്ഞ ദിവസങ്ങളില് പ്രസ്തുത പ്രദേശങ്ങളില് മത്സ്യബന്ധനത്തിന് പോകാന് പാടുള്ളല്ല.
15-11-2021: ഗള്ഫ് ഓഫ് മാന്നാര് പ്രദേശങ്ങളില് മണിക്കൂറില് 35 മുതല് 45 കി. മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിന് സാധ്യതയുള്ളതിനാല് മത്സ്യ തൊഴിലാളികള് മത്സ്യ ബന്ധനത്തിന് ഏര്പ്പെടുമ്പോള് വളരെയധികം ജാഗ്രത പാലിക്കേണ്ടതാണ്.
വടക്കു ആന്ഡമാന് കടലില് ഉള്ള ന്യൂനമര്ദ്ദം പടിഞ്ഞാറ്-വടക്കു പടിഞ്ഞാറ് ദിശയില് സഞ്ചരിച്ചു അടുത്ത 48 മണിക്കൂറിനുള്ളില് ശക്തി പ്രാപിച്ചു ശക്തമായ ന്യൂനമര്ദ്ദം ആകാന് സാധ്യത. തുടര്ന്ന് പടിഞ്ഞാറ് - വടക്കു പടിഞ്ഞാറ് ദിശയില് സഞ്ചരിച്ചു നവംബര് 18 ഓടെ മധ്യ പടിഞ്ഞാറ് -തെക്കു പടിഞ്ഞാറ് ബംഗാള് ഉള്ക്കടലില് എത്തി തെക്ക് ആന്ധ്രാ പ്രദേശ്- വടക്കു തമിഴ് നാട് തീരത്ത് കരയില് പ്രവേശിക്കാന് സാധ്യത.
തെക്ക് കിഴക്കന് അറബികടലിലെ ചക്രവാതചുഴിയും കര്ണാടക - തമിഴ്നാടിനു മുകളില് നിലനിന്നിരുന്ന ചക്രവാതചുഴിയും ഒരുമിച്ച് ചേര്ന്നു വടക്കന് കേരളത്തിനും കര്ണാടകക്കും സമീപം മധ്യ കിഴക്കന്-തെക്കു കിഴക്കന് അറബിക്കടലില് ചക്രവാതചുഴിയായി നിലനില്ക്കുന്നു. അടുത്ത 24 മണിക്കൂറുനുള്ളില് ഇത് ഗോവ - മഹാരാഷ്ട്ര തീരത്ത് ന്യുന മര്ദ്ദമായി ശക്തി പ്രാപിക്കാന് സാധ്യത. തുടര്ന്ന് പടിഞ്ഞാറ്-വടക്കു പടിഞ്ഞാറ് ദിശയില് സഞ്ചരിച്ചു അടുത്ത 48 മണിക്കൂറില് ശക്തി പ്രാപിക്കാന് സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രം അറിയിക്കുന്നു.
Click it and Unblock the Notifications
Sign in with Google