കേരളത്തില് കാലവര്ഷം നേരത്തെയെത്തും; വിവിധ ജില്ലകളില് യെല്ലോ അലര്ട്ട്, കനത്ത മഴ
തിരുവനന്തപുരം: കാലവര്ഷം ഞായറാഴ്ചയോടെ ബംഗാള് ഉള്ക്കടലിലും ആന്ഡമാന് കടലിലും എത്തുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. കേരളത്തിലും ഇത്തവണ കാലവര്ഷം നേരത്തെ എത്തിയേക്കാനുള്ള സാധ്യതയുണ്ട്. അടുച്ച അഞ്ച് ദിവസം കേരളത്തില് ശക്തമായ മഴയ്ക്ക് സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രം അറിയിക്കുന്നു.
തെക്കുപടിഞ്ഞാറന് മണ്സൂണ് നേരത്തെ എത്തുമെന്ന പ്രവചനങ്ങളാണ് ഇപ്പോള് പുറത്തുവരുന്നത്. കാലവര്ം മേയ് 15 ഓട് കൂടി രൂപപ്പെട്ടേക്കുമെന്നാണ് കാലാവസ്ഥ വകുപ്പിന്റെ പ്രവചനം. തെക്ക് കിഴക്കന് ബംഗാള് ഉള്ക്കടലിലും ആന്ഡമാന് കടലിലും മേയ് 15ഓട് കൂടി കാലവര്ഷം എത്തിച്ചേരാനുള്ള സാധ്യതയുണ്ടെന്നാണ് കാലാവസ്ഥ നിരീക്ഷണ കേന്ദ്രം അറിയിക്കുന്നത്. ഇതിനെ തുടര്ന്ന് കേരളത്തില് അടുത്ത അഞ്ച് ദിവസം വ്യാപകമായ ഇടിമിന്നലോട് കൂടിയെ മഴ തുടരും.
മഴയുടെ പശ്ചാത്തലത്തില് വിവിധ ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. ഇന്ന് ഇടുക്കി, കാസര്കോട് ജില്ലകളിലാണ് യെല്ലോ അലര്ട്ട്. നാളെ എറണാകുളം കാസര്കോട് ജില്ലകളിലും 14ന് ഇടുക്കി ജില്ലയിലും യെല്ലോ അലര്ട്ട് പ്രഖ്യാപിച്ചിട്ടുണ്ട്. മുന്നറിയിപ്പ് പ്രഖ്യാപിച്ച ദിവസങ്ങളില് മഴ ശക്തമായിരിക്കുമെന്നാണ് പ്രവചനം. എന്നീ ജില്ലകളില് കേന്ദ്ര കാലാവസ്ഥ വകുപ്പ് മഞ്ഞ അലേര്ട്ട് പ്രഖ്യാപിച്ചിരിക്കുന്നു.ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
അതേസമയം, ആന്ധ്രാപ്രാദേശ് തീരത്തിന് മുകളില് സ്ഥിതി ചെയ്യുന്ന ശക്തി കുറഞ്ഞ ന്യുനമര്ദ്ദത്തിന്റെ സ്വാധീനമുള്ളതിനാല് ബംഗാള് ഉള്ക്കടലില് മത്സ്യബന്ധനം നിരോധിച്ചു. ഇനിയൊരു അറിയിപ്പ് ലഭിക്കുന്നത് വരെ യാതൊരു കാരണവശാലും ബംഗാള് ഉള്ക്കടലിലേക്ക് മത്സ്യബന്ധനത്തിനായി പോകരുതെന്നും നിലവില് ബംഗാള് ഉള്ക്കടലില് മത്സ്യബന്ധനത്തില് ഏര്പ്പെട്ടിട്ടുള്ളവര് എത്രയും വേഗം സുരക്ഷിത തീരത്തേക്ക് എത്തണമെന്നും തിരുവനന്തപുരം ജില്ലാ കളക്ടര് ഡോ. നവ്ജ്യോത് ഖോസ അറിയിച്ചു. അതേസമയം, കേരള - കര്ണാടക - ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ലെന്നും അറിയിപ്പില് പറയുന്നു.
അതേസമയം, കാറ്റും മഴയും ശക്തമാകുമ്പോൾ വൈദ്യുതി കമ്പികളും പോസ്റ്റുകളും പൊട്ടിവീഴാനുള്ള സാധ്യത കൂടുതലാണ്. ഇത്തരത്തിൽ ഏതെങ്കിലും അപകടം ശ്രദ്ധയിൽ പെട്ടാൽ ഉടനെ തന്നെ കെഎസ്ഇബിയുടെ 1912 എന്ന കൺട്രോൾ റൂമിലോ 1077 എന്ന നമ്പറിൽ ജില്ലാ ദുരന്ത നിവാരണ അതോറിറ്റിയുടെ കൺട്രോൾ റൂമിലോ വിവരം അറിയിക്കുക.
Click it and Unblock the Notifications
Sign in with Google