നിയമസഭ തിരഞ്ഞെടുപ്പില് അഞ്ച് സീറ്റുകള് വേണമെന്ന് എല്ഡിഎഫിനോട് ഗൗരിയമ്മ
തിരുവനന്തപുരം: നിയമസഭ തിരഞ്ഞെടുപ്പില് അഞ്ച് സീറ്റുകള് വേണമെന്ന് ഗൗരിയമ്മ. ജെഎസ്എസിന്റെ സീറ്റുകള് സംബന്ധിച്ച ഉഭയ കക്ഷി ചര്ച്ചക്ക് എത്തിയപ്പോഴായിരുന്നു ഗൗരിയമ്മ എല്ഡിഎഫിനോട് സീറ്റ് ആവശ്യപ്പെട്ടത്. 22 വര്ഷത്തിനു ശേഷമാണ് ഗൗരിയമ്മ എകെജി സെന്ററില് എത്തുന്നത്.
അഞ്ച് സീറ്റ് ആവശ്യപെട്ടപോള് നാല് സീറ്റ് നല്കാനാകില്ല എന്ന നിലപാടാണ് നേതാക്കള് അറിയിച്ചതെന്നാണ് റിപ്പോര്ട്ട്. സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്, പിണറായി വിജയന്, മുന്നണി കണ്വീനര് വൈക്കം വിശ്വന് എന്നിരുമായിട്ടാണ് ഗൗരിയമ്മ ചര്ച്ച നടത്തിയത്.
അടൂര്, ചേര്ത്തല, വര്ക്കല, ഇരവിപ്പുറം മൂവാറ്റുപുഴ സീറ്റുകളാണ് ഗൗരിയമ്മ ചോദിച്ചത്. തിരഞ്ഞെടുപ്പില് ജെഎസ്എസ് എല്ഡിഎഫിന്റെ ഘടക കക്ഷിയായി മത്സരിക്കും. സാറ്റിന്റെ കാര്യത്തില് കടുംപിടുത്തമില്ലെന്നും ഗൗരിയമ്മ നേരത്തെ പറഞ്ഞിരുന്നു. പാര്ട്ടിയില് നിന്നും പുറത്തു പോയതിനു ശേഷം രണ്ടാം തവണയാണ് ഗൗരിയമ്മ എകെജി സെന്ററില് എത്തുന്നത്.