കോഴിക്കോട് ടിപ്പർ ലോറിയിടിച്ച് അദ്ധ്യാപികയായ അമ്മയും മകളും മരിച്ചു; നാട്ടുകാർ റോഡ് ഉപരോധിക്കുന്നു...
ബുധനാഴ്ച രാവിലെ ഒമ്പത് മണിയോടെ മുക്കം കടവ് പാലത്തിന് സമീപം പാഴൂർ തോട്ടം പള്ളിക്കടുത്താണ് അപകടമുണ്ടായത്.
കോഴിക്കോട്: മുക്കത്ത് ടിപ്പർ ലോറിയും സ്കൂട്ടറും കൂട്ടിയിടിച്ച് അദ്ധ്യാപികയായ അമ്മയും മകളും മരിച്ചു. മുക്കം ആനയാംകുന്ന് മുണ്ടയാട്ട് മജീദ് മാസ്റ്ററുടെ ഭാര്യ ഷീബ(43), മകൾ ഹിഫ്ത(13) എന്നിവരാണ് മരിച്ചത്. ജൂൺ 14 ബുധനാഴ്ച രാവിലെയായിരുന്നു അപകടം.
ബുധനാഴ്ച രാവിലെ ഒമ്പത് മണിയോടെ മുക്കം കടവ് പാലത്തിന് സമീപം പാഴൂർ തോട്ടം പള്ളിക്കടുത്താണ് അപകടമുണ്ടായത്. മുക്കം ഓർഫനേജ് എൽപി സ്കൂളിൽ അദ്ധ്യാപികയായ ഷീബയും മകളും സ്കൂട്ടറിൽ സ്കൂളിലേക്ക് പോകുന്നതിനിടെയാണ് എതിരെ വന്ന ടിപ്പർ ലോറി ഇടിച്ചുതെറിപ്പിച്ചത്.
ഇടിയുടെ ആഘാതത്തിൽ റോഡിലേക്ക് തെറിച്ചുവീണ ഷീബയും മകൾ ഹിഫ്തയും സംഭവസ്ഥലത്ത് വെച്ച് തന്നെ മരണപ്പെട്ടതായി നാട്ടുകാർ പറഞ്ഞു. സ്കൂൾ സമയങ്ങളിൽ ടിപ്പർ ലോറികൾക്ക് റോഡിലിറങ്ങുന്നതിന് വിലക്ക് നിലവിലുള്ളപ്പോഴാണ് അപകടമുണ്ടായത്. അപകടത്തിന് പിന്നാലെ ഇതുവഴിയെത്തിയ മറ്റു ലോറികൾ നാട്ടുകാർ തടയുകയും റോഡ് ഉപരോധിക്കുകയും ചെയ്തു.
Click it and Unblock the Notifications
Sign in with Google