കട്ടൗട്ട് താഴെയിറക്കി; പുള്ളാവൂരിലെ മെസി ആരാധകര്ക്ക് സല്യൂട്ടടിച്ച് എംബി രാജേഷ്
കോഴിക്കോട്: പുള്ളവൂരില് സ്ഥാപിച്ച മെസിയുടെ കട്ടൗട്ട് നീക്കം ചെയ്ത അര്ജന്റീനിയന് ആരാധകരെ അഭിനന്ദിച്ച് മന്ത്രി എം ബി രാജേഷ്. കട്ടൗട്ടുകള് നീക്കം ചെയ്ത പുള്ളാവൂരിലെ എല്ലാ ആരാധകര്ക്കും അഭിനന്ദനങ്ങള് അറിയിക്കുന്നെന്ന് എം ബി രാജേഷ് അറിയിച്ചു. ലോകകപ്പില് ജപ്പാന് ടീമും ജാപ്പനീസ് ആരാധകരും സൃഷ്ടിച്ച മാതൃക നമുക്കും പിന്തുടരാനാകണം.
കളി കഴിഞ്ഞാല് സ്റ്റേഡിയമാകെ ശുചിയാക്കി ആരാധകരും, ഡ്രസിംഗ് റൂമുള്പ്പെടെ വൃത്തിയാക്കി താരങ്ങളും ലോകത്തിന്റെ മനംനിറച്ചു. പുറത്തായ മത്സരത്തില് പോലും ഡ്രസിംഗ് റൂം വൃത്തിയാക്കിയാണ് താരങ്ങള് സ്റ്റേഡിയം വിട്ടത്. സമൂഹ്യപ്രതിബദ്ധതയോടെയുള്ള ഈ ആഘോഷവും ആരാധനയും നമുക്കും പിന്തുടരാമെന്ന് എം ബി രാജേഷ് ഫേസ്ബുക്കില് പങ്കുവച്ച കുറിപ്പില് വ്യക്തമാക്കി. എം ബ്ി രാജേഷിന്റെ വാക്കുകളിലേക്ക്.
പുള്ളാവൂരിലെ മെസി ആരാധകരെ.. സല്യൂട്ട്..
ലോകമാകെ ശ്രദ്ധിച്ച പുള്ളാവൂര് പുഴയിലെ മെസിയുടെ കട്ടൗട്ട് ആരാധകര് നീക്കം ചെയ്തു. ഇതിന് പിന്നാലെ നെയ്മറുടെയും റൊണാള്ഡോയുടെയും കട്ടൗട്ടുകളും ഇന്ന് ഉച്ചയോടെ തന്നെ നീക്കം ചെയ്തെന്നാണ് മനസിലാക്കുന്നത്. കട്ടൗട്ടുകള് നീക്കം ചെയ്ത പുള്ളാവൂരിലെ എല്ലാ ആരാധകര്ക്കും അഭിനന്ദനങ്ങള്. സംസ്ഥാനമെങ്ങുമുള്ള എല്ലാ ആരാധകരും ഇതുപോലെ ബോര്ഡുകള് നീക്കം ചെയ്ത് സഹകരിക്കണമെന്ന് അഭ്യര്ഥിക്കുകയാണ്.
ലോകകപ്പില് ജപ്പാന് ടീമും ജാപ്പനീസ് ആരാധകരും സൃഷ്ടിച്ച മാതൃക നമുക്കും പിന്തുടരാനാകണം. കളി കഴിഞ്ഞാല് സ്റ്റേഡിയമാകെ ശുചിയാക്കി ആരാധകരും, ഡ്രസിംഗ് റൂമുള്പ്പെടെ വൃത്തിയാക്കി താരങ്ങളും ലോകത്തിന്റെ മനംനിറച്ചു. പുറത്തായ മത്സരത്തില് പോലും ഡ്രസിംഗ് റൂം വൃത്തിയാക്കിയാണ് താരങ്ങള് സ്റ്റേഡിയം വിട്ടത്. സമൂഹ്യപ്രതിബദ്ധതയോടെയുള്ള ഈ ആഘോഷവും ആരാധനയും നമുക്കും പിന്തുടരാം.
ബോര്ഡുകള് നീക്കം ചെയ്യാനുള്ള ആഹ്വാനത്തെ, രാഷ്ട്രീയ പാര്ട്ടികളുടെ പ്രചാരണത്തിനും ഈ നിബന്ധന ബാധകമാണോ എന്ന മറുചോദ്യവുമായാണ് ചിലര് നേരിട്ടത്. കേരളത്തിലെ പൊതുസ്ഥലത്ത് സ്ഥാപിക്കുന്ന എല്ലാ ബോര്ഡുകള്ക്കും ഈ നിബന്ധന ബാധകമാണെന്ന് വിനയപൂര്വം വ്യക്തമാക്കട്ടെ. ബഹുമാനപ്പെട്ട മുഖ്യമന്ത്രി പിണറായി വിജയന് ധര്മ്മടത്ത് ജനവിധി തേടിയപ്പോള് സ്വീകരിച്ച മാതൃക ഏവരും മനസിലാക്കേണ്ടതാണ്.
വോട്ടെടുപ്പ് കഴിഞ്ഞയുടന് എല്ലാ ബോര്ഡുകളും ശേഖരിച്ച്, സംസ്കരിച്ച് പൂച്ചെട്ടികളും ബക്കറ്റും പോലെയുള്ള വസ്തുക്കളാക്കിമാറ്റി, മണ്ഡലത്തിലെ ക്ലബ്ബുകളിലും വിദ്യാലയങ്ങളിലും വിതരണം ചെയ്തു. എറണാകുളത്ത് നടന്ന സിപിഐഎം സംസ്ഥാന സമ്മേളനത്തിലും കണ്ണൂരില് നടന്ന പാര്ട്ടി കോണ്ഗ്രസിലുമുള്പ്പെടെ പരിപാടികള് കഴിഞ്ഞയുടന് ബോര്ഡുകള് നീക്കം ചെയ്തത് വാര്ത്തകളായി വന്നതും ഓര്മ്മപ്പെടുത്തട്ടെ. എല്ലാം പൂര്ണമാണെന്നല്ല, ഈ നല്ല ചുവടുവെപ്പുകള് രാഷ്ട്രീയ പാര്ട്ടികളും സ്വീകരിച്ചിട്ടുണ്ടെന്ന് ഓര്മ്മിപ്പെടുത്തുകയാണ്. ഈ സംസ്കാരം വ്യാപിപ്പിക്കണം. രാഷ്ട്രീയ പാര്ട്ടികള് മാത്രമല്ല, കൂട്ടായ്മകളും സംഘടനകളും ഈ രീതി പാലിക്കാന് മുന്നോട്ടുവരണമെന്നും അഭ്യര്ഥിക്കുകയാണ്.
-
'കറുപ്പിന്റെ ഭീകരത കണ്ടാൽ പെറ്റ തള്ള പോലും സഹിക്കില്ല'; ആ കളിയാക്കൽ..ആർഎൽവി രാമകൃഷ്ണൻ -
സ്വർണത്തിന് വീഴാനുള്ള പ്ലാനൊന്നും അല്ല..പവൻ വിലയിൽ 40,000ത്തിൻ്റെ വർധനവ് ഉണ്ടാകും..പ്രവചനം -
ദിലീപിനെ വിട്ടിറങ്ങിയത് പത്ത് പൈസയില്ലാതെ, ഇന്ന് മഞ്ജു ഒരു സിനിമയ്ക്ക് വാങ്ങുന്നത്! കയ്യിൽ വമ്പൻ ബ്രാൻഡുകളും -
‘നാല് മന്ത്രിമാർ തോൽക്കും’- 80 സീറ്റ് ഉറപ്പെന്ന് യുഡിഎഫ് ജില്ലാ കമ്മിറ്റികളുടെ റിപ്പോർട്ട് -
ഗജകേസരി യോഗം അക്ഷയ തൃതീയയിൽ; സ്വർണം വാങ്ങും, ഈ രാശിക്കാർക്ക് ബമ്പർ നേട്ടം, പണം ഒഴുകും! -
'മഞ്ചേശ്വരത്ത് ബിജെപി ജയിക്കാതിരിക്കാൻ നിലപാട് എടുത്തു, നേമത്ത് പിന്തുണ ശിവൻകുട്ടിക്ക്'; എസ്ഡിപിഐ -
വൈദ്യുതി ബില്ല് കണ്ട് ഷോക്കടിച്ചോ? സ്മാർട്ട് മീറ്ററിലെ ഈ രഹസ്യ വിദ്യയിലൂടെ ബില്ല് പകുതിയായി കുറയ്ക്കാം! -
തമിഴ്നാട്ടിൽ വിജയ്ക്കും ടിവികെയ്ക്കും ഒരു സ്വാധീനവുമില്ലെന്ന് ശരത് കുമാർ; 'പോരാട്ടം അവർ തമ്മിൽ' -
കുടുംബസ്വത്ത് അനുഭവയോഗത്തില് വരും, വസ്തു,വാഹനാദികള് സമ്പാദിക്കും, കച്ചവടക്കാര്ക്കു ലാഭം വര്ധിക്കും, നാൾഫലം -
ചരിത്രത്തിലാദ്യമായി ബീഹാറിന് ബിജെപി മുഖ്യമന്ത്രി, സാമ്രാട്ട് ചൗധരിയുടെ സത്യപ്രതിജ്ഞ ബുധനാഴ്ച -
ഏഴ് വർഷത്തിന് ശേഷം ഇറാനിൽ നിന്ന് ഇന്ത്യയിലേക്ക് എണ്ണയെത്തി; 15 കപ്പലുകൾ ഹോർമുസിൽ കുടുങ്ങി കിടക്കുന്നു -
പ്രായം തോൽക്കും, നിങ്ങൾ തിളങ്ങും; യുവത്വം തിരിച്ചുകിട്ടാൻ ഇതാ 5 വഴികൾ!
Click it and Unblock the Notifications
Sign in with Google