Click it and Unblock the Notifications
Just In
Don't Miss
-
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്‌റ്റ് ഓഫീസ് പദ്ധതി -
കൈ ശോഷിച്ചു വന്നു, അവന് ജീവിതം അവസാനിപ്പിക്കാന് തോന്നി; അര്ജുന്റെ അസുഖത്തെക്കുറിച്ച് അമ്മ -
ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ -
സ്നേഹം ഒരാള്ക്ക് മാത്രം: നമ്മളെ സ്നേഹിക്കാത്തവരെ മനസ്സില് നിന്നും മായ്ക്കാന് ചില മാര്ഗ്ഗങ്ങള് -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
സിപിഎം കേന്ദ്ര കമ്മിറ്റിയംഗം എംസി ജോസഫൈന്‍ സംസ്ഥാന വനിതാ കമ്മീഷന്‍ അധ്യക്ഷ,എംഎസ് താരയും കമ്മീഷനില്‍
സിപിഐഎം കേന്ദ്ര കമ്മിറ്റിയംഗവും ജനാധിപത്യ മഹിളാ അസോസിയേഷന്‍ അഖിലേന്ത്യാ ഉപാധ്യക്ഷയുമായ ജോസഫൈന്‍ വൈപ്പിന്‍ മുരുക്കുംപാടം സ്വദേശിനിയാണ്.
തിരുവനന്തപുരം: സംസ്ഥാന വനിതാ കമ്മീഷന്‍ അധ്യക്ഷയായി എംസി ജോസഫൈനെ നിയമിച്ച് സര്‍ക്കാര്‍ ഉത്തരവിറങ്ങി. നിലവിലെ അധ്യക്ഷ കെസി റോസക്കുട്ടി സ്ഥാനമൊഴിഞ്ഞതിനെ തുടര്‍ന്നാണ് പുതിയ നിയമനം. സിപിഐഎം കേന്ദ്ര കമ്മിറ്റിയംഗവും ജനാധിപത്യ മഹിളാ അസോസിയേഷന്‍ അഖിലേന്ത്യാ ഉപാധ്യക്ഷയുമായ ജോസഫൈന്‍ വൈപ്പിന്‍ മുരുക്കുംപാടം സ്വദേശിനിയാണ്.
എറണാകുളം മഹാരാജാസ് കോളേജില്‍ നിന്നും മലയാളത്തില്‍ ബിരുദാനന്തര ബിരുദം നേടിയ ജോസഫൈന്‍, വിശാല കൊച്ചി വികസന അതോറിറ്റി, സംസ്ഥാന വനിത വികസന കോര്‍പ്പറേഷന്‍ എന്നിവയുടെ അധ്യക്ഷയുമായിരുന്നു. അങ്കമാലി,കൊച്ചി എന്നിവിടങ്ങളില്‍ നിന്ന് നിയമസഭയിലേക്കും ഇടുക്കിയില്‍ നിന്ന് ലോക്‌സഭയിലേക്കും മത്സരിച്ചിട്ടുണ്ട്.
അങ്കമാലിയില്‍ താമസിക്കുന്ന ജോസഫൈന്‍ ദേശാഭിമാനി ഡയറക്ടര്‍ ബോര്‍ഡ് അംഗമാണ്. ട്രേഡ് യൂണിയന്‍ പ്രവര്‍ത്തകനായ പിഎ മത്തായിയാണ് ഭര്‍ത്താവ്. കൊല്ലത്തെ അഭിഭാഷക എംഎസ് താരയെ വനിതാ കമ്മീഷന്‍ അംഗമായും നിയമിച്ചിട്ടുണ്ട്. കരുനാഗപ്പള്ളി എംഎല്‍എയും സിപിഐയുടെ മുതിര്‍ന്ന നേതാവുമായിരുന്ന ബിഎം ശെരീഫിന്റെ മകളായ താര, സിപിഐ കൊല്ലം ജില്ലാ കമ്മിറ്റിയംഗമാണ്. പ്രമീള ദേവി, ഷിജി ഷിജു, ലിസി ജോസ് എന്നിവരാണ് കമ്മീഷനില്‍ നിലവിലുള്ള മറ്റ് അംഗങ്ങള്‍.
