'യുജിസി ചട്ടമല്ല, സർവ്വകലാശാല നിയമവുമല്ല, ഇത് 'ദേവൻ രാമചന്ദ്രൻ നിയമം'; വിമർശിച്ച് ജയരാജൻ
കണ്ണൂർ: സാങ്കേതിക വൈസ് ചാന്സലറുടെ ചുമതല ഡോ സിസ തോമസിന് തുടരാമെന്ന വിധിയിൽ ജസ്റ്റിസ് ദേവൻ രാമചന്ദ്രനെതിരെ രൂക്ഷവിമർശവുമായി സി പി എം കണ്ണൂർ ജില്ലാ സെക്രട്ടറി എംവി ജയരാജൻ. നിയമനം അംഗീകരിച്ച ദേവൻ രാമചന്ദ്രന്റെ വിധി യു ജി സി ചട്ടപ്രകാരവുമല്ല, സാങ്കേതിക സർവ്വകലാശാല നിയമമനുസരിച്ചുമല്ലെന്ന് അദ്ദേഹം വിമർശിച്ചു. യു ജി സി ചട്ടത്തിൽ താൽക്കാലിക വി സി നിയമനത്തിന് വ്യവസ്ഥയില്ലാത്തതിനാൽ സർവ്വകലാശാല നിയമമാണ് പരിഗണിക്കേണ്ടത്. ഇതൊന്നും കണക്കാക്കാതെയുള്ള ഗവർണറുടെ തീരുമാനത്തിന് ഹൈക്കോടതി കൂട്ടുനിന്നത് ഞെട്ടിക്കുന്നുവെന്നും ജയരാജൻ ഫേസ്ബുക്കിൽ കുറിച്ചു. പോസ്റ്റിന്റെ പൂർണരൂപം വായിക്കാം
'യു ജി സി ചട്ടമല്ല, സർവ്വകലാശാല നിയമവുമല്ല, ഇത് 'ദേവൻ രാമചന്ദ്രൻ നിയമം'
കേരള സാങ്കേതിക സർവ്വകലാശാല താൽക്കാലിക വി.സി.യായി ശ്രീമതി സിസ തോമസിന്റെ നിയമനം അംഗീകരിച്ച ദേവൻ രാമചന്ദ്രന്റെ വിധി യു ജി സി ചട്ടപ്രകാരവുമല്ല, സാങ്കേതിക സർവ്വകലാശാല നിയമമനുസരിച്ചുമല്ല. എന്ത് നിയമമാണ് വിധിക്കടിസ്ഥാനം എന്ന ചോദ്യം ഉയരുകയാണ്. യോഗ്യതയില്ലാത്ത സിസ തോമസിന്റെ നിയമനം അംഗീകരിച്ചതിലൂടെ ദേവൻ രാമചന്ദ്രൻ നടപ്പാക്കിയത് അദ്ദേഹത്തിന്റെ നിയമമാണ്. യു ജി സി ചട്ടമനുസരിച്ച് വി സിയാകാൻ പ്രൊഫസർ പദവിയിൽ 10 വർഷത്തെ പരിചയം വേണം. സിസ തോമസിന് 9 വർഷത്തെ പരിചയം മാത്രമേയുള്ളൂ. സിസ തോമസ് സീനിയറുമല്ല. താൽക്കാലിക വി സി ക്ക് സ്ഥിരം വി സിക്കുള്ള അതേ യോഗ്യതയാണ് വേണ്ടത്. അഡ്ഹോക്ക് ജഡ്ജി നിയമനത്തിന് ജഡ്ജിയുടെ അതേ യോഗ്യതയാണെന്നതുപോലെ.
യു ജി സി ചട്ടത്തിൽ താൽക്കാലിക വി സി നിയമനത്തിന് വ്യവസ്ഥയില്ലാത്തതിനാൽ സർവ്വകലാശാല നിയമമാണ് പരിഗണിക്കേണ്ടത്. ഇതൊന്നും കണക്കാക്കാതെയുള്ള ഗവർണറുടെ തീരുമാനത്തിന് ഹൈക്കോടതി കൂട്ടുനിന്നത് ഞെട്ടിക്കുന്നു.എന്തിനും ഏതിനും യു ജി സി ചട്ടമനുസരിച്ച് കാര്യങ്ങൾ ചെയ്യണമെന്ന് കോടതിയിൽ ഹരജി കൊടുക്കുന്നവർ പോലും ജസ്റ്റിസ് ദേവൻ രാമചന്ദ്രന്റെ വിധിയിലെ സുപ്രധാന നിരീക്ഷണം വായിച്ചുനോക്കണം. സീനിയോറിറ്റി പ്രകാരം സിസ തോമസിന് യു ജി സി ചട്ടപ്രകാരമുള്ള യോഗ്യതയില്ലെങ്കിലും സീനിയർമാരും യോഗ്യതയുള്ളവരുമായ മറ്റുള്ളവർ തയ്യാറാവാത്തതിനാലും സർവ്വകലാശാലാ ആസ്ഥാനത്തിന് അടുത്തുള്ള ആളായതിനാലും സിസ തോമസിന്റെ നിയമനം അംഗീകരിക്കുന്നു എന്നാണ് ജഡ്ജി പറയുന്നത്.
ഹൈക്കോടതി മറ്റ് സീനിയർമാരായ ആളുകളോട് രേഖാമൂലം സന്നദ്ധമാണോ എന്ന് അന്വേഷിച്ചിരുന്നുവോ? കോടതി ഗവർണർ പറയുന്ന കാര്യമല്ലല്ലോ നോക്കേണ്ടത്, മുമ്പിൽ വരുന്ന തെളിവുകളല്ലേ. ഇക്കാര്യവും പരിശോധിച്ചില്ല. സർവ്വകലാശാലാ ആസ്ഥാനത്തിന് സമീപമുള്ള ഒരാളെ വി.സി. ആക്കാമെങ്കിൽ ഹൈക്കോടതി സ്ഥിതിചെയ്യുന്ന എറണാകുളത്തിനടുത്തുള്ളവരാവേണ്ടേ ജഡ്ജിമാരാകെ. ഇത്തരം ചോദ്യങ്ങൾക്കൊന്നും ഉത്തരമില്ല. ഒരു കാര്യം വ്യക്തമാണ്. താൽക്കാലിക വി.സി. നിയമനം ദേവൻ രാമചന്ദ്രന്റെ നിയമമനുസരിച്ചാണ് അംഗീകരിക്കപ്പെട്ടത്!
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google