പത്തനംതിട്ട ജില്ലയെ സീറോ സിക്ക പ്രദേശമാക്കുകയാണ് ലക്ഷ്യം: ജില്ലാ കളക്ടര്
പത്തനംതിട്ട: ജില്ലയെ സീറോ സിക്ക രോഗബാധിത പ്രദേശമാക്കുകയാണ് ലക്ഷ്യമെന്ന് ജില്ലാ കളക്ടര് ഡോ.ദിവ്യ എസ്.അയ്യര് പറഞ്ഞു. സിക്ക രോഗബാധ പ്രതിരോധ പ്രവര്ത്തനങ്ങളെക്കുറിച്ച് ചര്ച്ച ചെയ്യാന് വിവിധ വകുപ്പുകളെ ഉള്ക്കൊള്ളിച്ച് നടത്തിയ യോഗത്തില് സംസാരിക്കുകയായിരുന്നു കളക്ടര്.
നിലവില് ജില്ലയില് സിക്ക രോഗബാധ ആര്ക്കുംതന്നെ റിപ്പോര്ട്ട് ചെയ്തിട്ടില്ല. സിക്ക പ്രതിരോധത്തിലൂടെ മറ്റു പ്രാണിജന്യ രോഗങ്ങളെയും ഒരു പരിധിവരെ പ്രതിരോധിക്കാന് സാധിക്കും. എല്ലാ വകുപ്പുകളും ഒരുമിച്ചു പ്രവര്ത്തിച്ചാല് മാത്രമേ പ്രതിരോധ പ്രവര്ത്തനങ്ങള് വിജയകരമാക്കാന് സാധിക്കുകയുള്ളു. സിക്ക പ്രതിരോധ പ്രവര്ത്തനങ്ങള് കാര്യക്ഷമമായ നടത്താന് വാര്ഡ്തല ജാഗ്രതാ സമിതികള് ശക്തിപ്പെടുത്തണം. എല്ലാ ജനപ്രതിനിധികളെയും കൂടി ഉള്ക്കൊള്ളിച്ചു കൊണ്ട് പ്രവര്ത്തനങ്ങള് നടത്തണം. തോട്ടങ്ങള്, കെട്ടിട നിര്മ്മാണ സ്ഥലങ്ങള്, ആക്രി കടകള്, അടഞ്ഞു കിടക്കുന്ന വീടുകള് തുടങ്ങിയ സ്ഥലങ്ങളില് പ്രത്യേക ശ്രദ്ധ കേന്ദ്രീകരിച്ചു മുന്നോട്ട് പോകണം. ഗര്ഭിണികള്ക്ക് സിക്ക രോഗ പ്രതിരോധത്തില് ഏറ്റവും പ്രാധാന്യം നല്കണം.
കുടുംബശ്രീ പ്രവര്ത്തകരും പ്രതിരോധ പ്രവര്ത്തനങ്ങളുടെ ഭാഗമാകണം. തൊഴിലുറപ്പ് തൊഴിലാളികള്ക്കിടയിലും പണി സ്ഥലങ്ങളിലും ബോധവത്കരണ ക്യാമ്പയിനുകള് സംഘടിപ്പിക്കണം. ഉറവിട നശീകരണം വളരെ പ്രധാനമായതിനാല് തന്നെ അവ നടക്കുന്നുണ്ടെന്ന് ഉറപ്പുവരുത്തണം. സിക്ക പ്രതിരോധത്തില് ഹരിതകര്മ്മസേനയുടെ പ്രവര്ത്തനങ്ങളും ഉര്ജ്ജിതമാക്കണം. കൊതുക് നശീകരണത്തിനു ധൂമസന്ധ്യ പോലെയുള്ള ആയുര്വേദ പ്രതിരോധ രീതികള് ഫലം കാണുന്നുണ്ട്. അതുകൊണ്ടു തന്നെ അത്തരം പ്രവര്ത്തികള് പ്രോത്സാഹിപ്പിക്കണം. ജില്ലയിലെ ഐസിഡിഎസ് പ്രവര്ത്തകരും സിക്ക പ്രതിരോധത്തില് പങ്കാളികളാകണം. എസ്.പി.സി, എന്.സി.സി എന്നിവരുടെ പങ്കാളിത്തവും ഉറപ്പുവരുത്തണം. കുട്ടികള്ക്കായി കൂടുതല് ബോധവത്കരണ പരിപാടികള് സംഘടിപ്പിക്കണം.
പൊതുജനങ്ങളുടെയും കുടുംബങ്ങളുടെയും സഹകരണമുണ്ടെങ്കില് മാത്രമേ പ്രതിരോധ പ്രവര്ത്തങ്ങള് വിജയകരമായി പൂര്ത്തിയാകുകയുള്ളു. അതിനാല് അവരുടെ പങ്കാളിത്തം ഉറപ്പാക്കണമെന്നും കളക്ടര് വിവിധ വകുപ്പുകള്ക്കു നിര്ദേശം നല്കി. ജില്ലയില് സീറോ സിക്ക ആക്ഷന് പ്ലാന് തയ്യാറാക്കി ഉടന് തന്നെ സര്ക്കാരിലേക്കു സമര്പ്പിക്കുമെന്നും കളക്ടര് പറഞ്ഞു.
ജില്ലാ മെഡിക്കല് ഓഫീസര് (ആരോഗ്യം) ഡോ. എ.എല് ഷീജ, എന്എച്ച്എം ഡിപിഎം ഡോ. സി.എസ് നന്ദിനി, ജില്ലാ മെഡിക്കല് ഓഫീസര് (ഹോമിയോ) ഡോ.ബിജുകുമാര്, ഡിഡിപി കെ.ആര് സുമേഷ്, ശുചിത്വ മിഷന് ജില്ലാ കോ ഓര്ഡിനേറ്റര് കെ.ഇ വിനോദ്കുമാര്, കുടുംബശ്രീ ജില്ലാ മിഷന് കോ ഓര്ഡിനേറ്റര് എ. മണികണ്ഠന്, വിവിധ വകുപ്പ് മേധാവികള് തുടങ്ങിയവര് യോഗത്തില് പങ്കെടുത്തു.
Recommended Video
-
പിടിവിട്ട് ട്രംപ്; ഇറാന്റെ പ്രതിരോധം അമ്പരിപ്പിക്കുന്നത്; യൂറോപ്യന് സഖ്യകക്ഷികള് പോലും പിന്തുണച്ചില്ല -
ബെംഗളൂരുവില്നിന്ന് അയര്ലന്ഡിലേക്ക് സ്ഥലംമാറ്റം; ശമ്പളത്തിലും വലിയ വ്യത്യാസം: താരതമ്യവുമായി ടെക്കി -
വിജയ് തിരിച്ചടി നേരിടും? കാലം ഉത്തരം നല്കുമെന്ന് രജനികാന്ത്; തമിഴ്നാട്ടില് 1996 ആവര്ത്തിക്കുമോ -
ശത്രുതയ്ക്ക് കാരണം ഇതാണ്',ദിലീപ് പറഞ്ഞത്.. 'മഞ്ജുവിനേയും കാവ്യയേയും വിവാഹം ചെയ്തത് മറ്റൊരു കാരണം' -
അഞ്ജലി നായരും വീണാ നായരും ലക്ഷ്മി പ്രിയയും ഉമ്മൻ ചാണ്ടിയുടെ മരുമകനും, കളം പിടിക്കാൻ ട്വന്റി 20 -
യുഎഇ തകര്ക്കുകയാണോ ഇറാന്റെ ലക്ഷ്യം; ഫുജൈറയിലും ഷാഹിലും ഡ്രോണ്, ഖത്തറിന്റെ ആവശ്യം തള്ളി -
പൃഥ്വിരാജ് ബോംബേയിൽ ഷൂട്ടിംഗുമായ നടന്നാൽ പോര,ഇടക്ക് നാട്ടിൽ വന്ന് അമ്മയെ കെട്ടിപിടിക്കുകയൊക്കെ വേണം';മേജർ രവി -
ജനവിധി തേടി ജന്മ നാട്ടിലേക്ക്; കലാപരിപാടികളില് നിന്നും അര്ദ്ധ വിരാമം: കുറിപ്പുമായി രമേഷ് പിഷാരടി -
മൊണാലിയുടെ വിവാഹത്തില് രാഷ്ട്രപതി ഇടപെടണം, ഒളിപ്പിച്ചത് കേരള സര്ക്കാരെന്ന് സുപ്രീംകോടതി അഭിഭാഷക -
ജലീലിന്റെ പഴയ 'ലീലകൾ' ജനങ്ങൾ മറന്നിട്ടില്ല;'മലപ്പുറം വിരുദ്ധ' പ്രചാരണങ്ങൾക്ക് ചൂട്ടുപിടിച്ചയാൾ';സന്ദീപ് വാര്യർ -
രാജ്യസഭാ തിരഞ്ഞെടുപ്പിൽ വമ്പൻ ജയവുമായി എൻഡിഎ; വോട്ട് മറിച്ച് പ്രതിപക്ഷം -
എങ്ങനെ കോടീശ്വരനാകാം?;ലുലു ഗ്രൂപ്പ് ചെയർമാൻ എംഎ യൂസഫലി പറയുന്നു ..യുവാക്കൾക്കുള്ള ടിപ്പുകളും
Click it and Unblock the Notifications
Sign in with Google