പിസി ജോര്ജിനെതിരെ എന്തുകൊണ്ട് കേസെടുക്കുന്നില്ല? പോലീസ് റിപ്പോര്ട്ട് തേടി കോടതി
തൊടുപുഴ: ബിജെപി നേതാവ് പിസി ജോര്ജിനെതിരെ സമര്പ്പിച്ച ഹര്ജിയില് പോലീസില് നിന്ന് കോടതി റിപ്പോര്ട്ട് തേടി. തൊടുപുഴയില് കഴിഞ്ഞ മാസം നടത്തിയ വവാദ പ്രസംഗമാണ് കോടതി ഇടപെടലിന് കാരണം. പിസി ജോര്ജിനെതിരെ കേസെടുക്കാത്ത കാര്യം സ്വകാര്യ അന്യായം സമര്പ്പിച്ച വ്യക്തി ചൂണ്ടിക്കാടിയിരുന്നു. ഒരാഴ്ച്ചയ്ക്കകം റിപ്പോര്ട്ട് സമര്പ്പിക്കാനാണ് തൊടുപുഴ മജിസ്ട്രേറ്റ് കോടതി നിര്ദേശിച്ചത്.
ആര്എസ്എസ് സഹയാത്രികനായ അജിത് കൃഷ്ണന് സെക്രട്ടറിയായ എച്ച്ആര്ഡിഡിഎസ് ഇന്ത്യ എന്ന സംഘടന തൊടുപുഴയില് കഴിഞ്ഞ മാസം അടിയന്താരവസ്ഥ അനുസ്മരണ പരിപാടി സംഘടിപ്പിച്ചിരുന്നു. ഇതില് പങ്കെടുത്ത് സംസാരിക്കവെയാണ് പിസി ജോര്ജിന്റെ വിവാദ പ്രസംഗം. നേരത്തെ നടത്തിയ വിദ്വേഷ പ്രസംഗം നിയമനടപടികളില് എത്തിയിരിക്കെയാണ് വീണ്ടും പിസി ജോര്ജ് വിവാദ പ്രസംഗം നടത്തിയത്.
മുസ്ലിം അല്ലാത്തവര്ക്ക് ജീവിക്കാന് അവകാശമില്ലെന്ന് ചിന്തിക്കുന്ന തലമുറയെ മുസ്ലിം സമുദായം വളര്ത്തുന്നു. ഭാരതത്തോട് സ്നേഹമില്ലാത്ത ഒരാളും ഇവിടെ ജീവിക്കരുത്. പാകിസ്താന് ക്രിക്കറ്റ് താരങ്ങളുടെ വിക്കറ്റ് പോകുമ്പോള് അല്ലാഹു അക്ബര് എന്ന് വിളിക്കുകയാണ്. നെഹ്രു മുസ്ലിമായിരുന്നു. അദ്ദേഹത്തിന്റെ പിതാവും മുസ്ലിമായിരുന്നു. നെഹ്രു വീട്ടില് നമസ്കരിച്ചിരുന്നു. ഇതിനെതിരെ കേസെടുത്താല് കോടതിയില് തീര്ത്തോളാം.... തുടങ്ങി വേദിയിലും പുറത്തുമായി പിസി ജോര്ജ് നടത്തിയ പ്രതികരണങ്ങളാണ് പരാതിക്ക് ആധാരം.
യൂത്ത് ലീഗ് ഉള്പ്പെടെ വിവിധ സംഘടനകളും വ്യക്തികളും പിസി ജോര്ജിനെതിരെ തൊടുപുഴ പോലീസില് പരാതി നല്കിയിരുന്നു. പ്രസംഗത്തിന്റെ വീഡിയോ പരിശോധിച്ച ശേഷം നടപടി സ്വീകരിക്കുമെന്നാണ് പോലീസ് പറഞ്ഞിരുന്നത്. എന്നാല് ആഴ്ചകള് പിന്നിട്ടിട്ടും നടപടി എടുക്കാത്തതിനെ തുടര്ന്നാണ് തൊടുപുഴ മജിസ്ട്രേറ്റ് കോടതിയില് സ്വകാര്യ അന്യായം സമര്പ്പിച്ചത്.
ഈ ഹര്ജി മജിസ്ട്രേറ്റ് കോടതി അടുത്ത ബുധനാഴ്ച പരിഗണിക്കും. ഈ വേളയില് പോലീസ് പ്രതികരണം അറിയിക്കേണ്ടി വരും. എന്തുകൊണ്ട് പിസി ജോര്ജിനെതിരെ ഇതുവരെ നടപടിയെടുത്തില്ല, വീഡിയോ പരിശോധിച്ചോ, പരാതിക്കാരുടെ ആവശ്യം, പ്രാഥമി അന്വേഷണം തുടങ്ങിയ കാര്യങ്ങളെല്ലാം പോലീസ് വിശദീകരിക്കേണ്ടി വരും. അതേസമയം, സംഭവത്തില് മുഖം രക്ഷിക്കാന് പോലീസ് വൈകാതെ കേസെടുക്കാന് സാധ്യതയുണ്ട് എന്നും കേള്ക്കുന്നു.
പിസി ജോര്ജിന്റെ ജാമ്യം റദ്ദാക്കണം എന്നാവശ്യപ്പെട്ട് സര്ക്കാര് കഴിഞ്ഞ ദിവസം ഹൈക്കോടതിയെ സമീപിച്ചിരുന്നു. എറണാകുളം വെണ്ണലയില് പിസി ജോര്ജ് നടത്തിയ പ്രസംഗവുമായി ബന്ധപ്പെട്ട് പാലാരിവട്ടം പോലീസ് കേസെടുക്കുകയും കോടതി ജാമ്യം നല്കുകയും ചെയ്തിരുന്നു. ഇത്തരം വിദ്വേഷ പ്രസംഗങ്ങള് ആവര്ത്തിക്കരുത് എന്ന ഉപാധിയോടെയാണ് ജാമ്യം അനുവദിച്ചിരുന്നത്. എന്നാല് പിസി ജോര്ജ് വീണ്ടും സമാനമായ പ്രസംഗം നടത്തിയെന്ന കേസ് വന്നു.
കോട്ടയം, തിരുവനന്തപുരം, ഇടുക്കി, എറണാകുളം എന്നീ ജില്ലകളിലെല്ലാം പിസി ജോര്ജിനെതിരെ വിവാദ പ്രസംഗത്തിന് പരാതിയുണ്ട്. സര്ക്കാരിന്റെ ഹര്ജിയില് പിസി ജോര്ജിന് ഹൈക്കോടതി നോട്ടീസ് അയച്ചിരിക്കുകയാണ്. അദ്ദേഹത്തിന്റെ പ്രതികരണം കൂടി കേട്ട ശേഷം ഹൈക്കോടതി എടുക്കുന്ന നിലപാട് നിര്ണായകമാകും. ജാമ്യം റദ്ദാക്കിയാല് വീണ്ടും അറസ്റ്റ് ചെയ്ത് റിമാന്റ് ചെയ്യുന്നതിലേക്ക് എത്തും.
-
സ്വര്ണവില കുറഞ്ഞു; 74000 രൂപയ്ക്ക് എട്ട് ഗ്രാം വാങ്ങാം, ആഭരണത്തിന് ഈ സ്വര്ണം മതി, പവന് വില -
പലതരം സുഖഭോഗങ്ങള് അനുഭവിക്കാന് അവസരം, ഭാര്യയുടെ ആഗ്രഹങ്ങള് നിറവേറ്റും, ജോലിയിൽ പ്രമോഷൻ, നാൾഫലം -
രാധിക ശരത് കുമാറിനെ പ്രതാപ് പോത്തൻ ഉപേക്ഷിക്കാൻ കാരണം, രണ്ടാം വിവാഹത്തിൽ നടിക്ക് സംഭവിച്ചത്; ആലപ്പി അഷ്റഫ് -
സന്തോഷ് പണ്ഡിറ്റിന് ഒരു മാസം വരുന്ന ചെലവ് ഇത്ര; കണക്ക് പങ്കുവെച്ച് താരം -
കൊച്ചിയിൽ ഇനി യാത്ര എളുപ്പം; വൈറ്റില ജംഗ്ഷന്റെ വടക്കുഭാഗത്ത് ബസ് സ്റ്റാൻഡ്, ഒരുങ്ങുന്നത് വമ്പൻ പ്ലാൻ..! -
മുസ്ലിം ലീഗില് പൊട്ടിത്തെറി; പാണക്കാട്ടെ തീരുമാനം ചോദ്യം ചെയ്ത് രണ്ടത്താണി, 'തങ്ങളെ കരുവാക്കി' -
വടകരയിൽ എൽഡിഎഫ് സ്ഥാനാർത്ഥിയായി എംകെ ഭാസ്കരൻ; എതിരാളി രമയോ വേണുവോ? കടുത്ത പോരാട്ടം ഉറപ്പ് -
സ്വർണ വില പവന് 23,000 രൂപ വരെ ഇടിയും;അക്ഷയ തൃതീയക്ക് സ്വർണം വാങ്ങിക്കൂട്ടാം? പിന്നെ വിറ്റ് കാശാക്കാം -
പ്രവാസികള്ക്ക് ആരോഗ്യ പരിരക്ഷ; 1 കോടി വരെ കവറേജുമായി നോര്ക്ക കെയര്, അവസാന തിയ്യതി അറിയാം -
ഒരു ഗ്രാമിന് 1.15 ലക്ഷം, പവന് 9.2 ലക്ഷം! മാന്ദ്യം കഴിഞ്ഞാല് സ്വര്ണവില കുതിക്കുമെന്ന് കിയോസാക്കി -
പെരമ്പൂരില് എസി ഓഫീസ്; വിജയ്ക്ക് മറ്റൊരു വെല്ലുവിളി, സംഗീതയുടെ ആസ്തി പരസ്യമാക്കുമോ -
അഹാന കൃഷ്ണയ്ക്ക് മോഹൻലാലിൻ്റെ അതേ കഴിവുണ്ട്..പാർവതിയും അഹാനയും വലിയ താരങ്ങളാകേണ്ടവർ';അപ്പ ഹാജ
Click it and Unblock the Notifications
Sign in with Google