മലപ്പുറത്ത് വഴിതെറ്റിയെത്തിയ യുവതിയെ രണ്ടുപേര് പീഡിപ്പിച്ചു; ശേഷം ഓട്ടോ ഡ്രൈവറും... 3 പേര് പിടിയില്
മലപ്പുറം: ഭിന്നശേഷിക്കാരിയായ യുവതിയെ മൂന്ന് പേര് കൂട്ടബലാല്സംഗത്തിനിരയാക്കിയെന്ന് പരാതി. പരപ്പനങ്ങാടി സ്വദേശികളായ മൂന്ന് പേരെ പേരാമ്പ്ര പോലീസ് പിടികൂടി. യുവതിയെ പിന്നീട് കണ്ടെത്തിയത് കാസര്കോടാണ്. വിശദമായി കാര്യങ്ങള് ചോദിച്ചറിഞ്ഞ വേളയിലാണ് ചിലര് പീഡിപ്പിച്ചുവെന്ന് അറിഞ്ഞത്. തുടര്ന്ന് സൈബര് പോലീസിന്റെ സഹായത്തോടെ നടത്തിയ അന്വേഷണത്തില് മൂന്ന് പേരെ കസ്റ്റഡിയിലെടുക്കുകയായിരുന്നു.
കോഴിക്കോട് പേരാമ്പ്ര സ്വദേശിയാണ് യുവതി. ബന്ധുവീട്ടിലേക്ക് പുറപ്പെട്ടതായിരുന്നു. അബദ്ധത്തില് പരപ്പനങ്ങാടിയിലെത്തി. ഇവിടെ ഒറ്റയ്ക്ക് നില്ക്കുന്ന വേളയില് ചിലര് സഹായിക്കാമെന്ന് പറഞ്ഞ് എത്തുകയായിരുന്നു. റെയില്വെ സ്റ്റേഷന്റെ അടുത്തുള്ള കെട്ടിടത്തിലെത്തിച്ചാണ് ഇവര് പീഡിപ്പിച്ചതത്രെ. ശേഷം ഒരു ഓട്ടോ ഡ്രൈവര്ക്ക് കൈമാറി. റെയില്വെ സ്റ്റേഷനിലെത്തിക്കാമെന്ന് പറഞ്ഞാണ് ഓട്ടോ ഡ്രൈവര് കൊണ്ടുപോയത്. ഇയാളും പിന്നീട് പീഡിപ്പിച്ചു. ശേഷം വഴിയില് ഇറക്കിവിട്ടു.
കോണ്ഗ്രസില് ചേരുമെന്ന പ്രചാരണം തെറ്റെന്ന് നടി തൃഷ; വിവാഹ ചോദ്യങ്ങള്ക്കും മറുപടി
യുവതി റെയില്വെ സ്റ്റേഷനില് നിന്ന് ട്രെയിന് കയറി കാസര്കോട് എത്തി. ഈ വേളയിലാണ് പോലീസിന്റെ ശ്രദ്ധയില്പ്പെടുന്നത്. തുടര്ന്നാണ് നടന്ന സംഭവങ്ങള് പുറത്തായത്. പോലീസ് യുവതിയെ പേരാമ്പ്രയിലെത്തിച്ചു. പെണ്കുട്ടിയുടെ മൊബൈലിന്റെ ടവര് ലൊക്കേഷന് പരിശോധിച്ചാണ് പ്രതികളെ പോലീസ് കണ്ടെത്തിയത്. പെണ്കുട്ടി പോയി എന്ന് പറയുന്ന സ്ഥലങ്ങളില് മൊബൈല് ടവര് ലൊക്കേഷന് ലഭിച്ചിട്ടുണ്ട്.
വൈദ്യ പരിശോധനയ്ക്ക് വിധേയമാക്കുകയും ചെയ്തു. പേരാമ്പ്ര പോലീസാണ് മൂന്ന് പേരെ കസ്റ്റഡിയിലെടുത്തത്. പരപ്പനങ്ങളാടി നെടുവ സ്വദേശികളായ മുനീര്, പ്രജീഷ്, സജീര് എന്നിവരാണ് കസ്റ്റഡിയില്. ഇതില് സജീര് ഓട്ടോ ഡ്രൈവറാണ്. പ്രതികളുടെ അറസ്റ്റ് വൈകാതെ രേഖപ്പെടുത്തുമെന്ന് പോലീസ് അറിയിച്ചു.