Click it and Unblock the Notifications
Just In
Don't Miss
-
സര്വ്വദുരിതങ്ങളും നീക്കുന്ന സങ്കടഹര ചതുര്ത്ഥി വ്രതം; ഗണേശ ആരാധനയ്ക്ക് വിശേഷ ഫലം -
കോൾ ഇന്ത്യ ഓഹരി 15% കുതിക്കും, ഇതാണ് കാരണം, ഓഹരി വാങ്ങാൻ ബ്രോക്കറേജ് നിർദ്ദേശം -
IPL 2024:ഫിഫ്റ്റി, 1 വിക്കറ്റ്, 3 ക്യാച്ച്; പക്ഷെ അക്ഷര് കളിയിലെ താരമായില്ല! റിഷഭിനായി ഒതുക്കി? -
സൂക്ഷിച്ചാൽ ദുഖിക്കേണ്ട! സെക്കൻഡ് ഹാൻഡ് ഫോൺ വാങ്ങുന്നവർ ശ്രദ്ധിക്കേണ്ട കാര്യങ്ങൾ -
ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്? -
ഇന്ത്യയിലെ ഏറ്റവും മികച്ച സൂര്യോദ കാഴ്ചകൾ.. ഇതിലൊന്ന് ഏറ്റവും കൂടുതൽ കണ്ടത് മലയാളികളായിരിക്കും
ബിജെപിയെ തടഞ്ഞതില്‍ മുഖ്യപങ്ക് ലീഗിന്; നിയമസഭയില്‍ കുഞ്ഞാലിക്കുട്ടി നയിക്കും, തിരുത്തലിന് തയ്യാര്‍
മലപ്പുറം: കേരളത്തില്‍ ബിജെപിയുടെ മുന്നേറ്റം തടയുന്നതില്‍ മുസ്ലിം ലീഗ് മുഖ്യപങ്കാണ് നിര്‍വഹിച്ചതെന്ന് പാര്‍ട്ടി നേതാക്കള്‍. മഞ്ചേശ്വരത്തും പാലക്കാടും അക്കൗണ്ട് തുറക്കാനുള്ള ബിജെപി നീക്കം മുസ്ലിം ലീഗിന്റെ കൃത്യമായ ഇടപെടലിലൂടെ തടയാന്‍ സാധിച്ചു എന്നും നേതാക്കള്‍ അവകാശപ്പെട്ടു. ലീഗ് ഉന്നതാധികാര സമിതി യോഗത്തിന് ശേഷം മാധ്യമങ്ങളോട് സംസാരിക്കുകയായിരുന്നു സംസ്ഥാന അധ്യക്ഷന്‍ പാണക്കാട് ഹൈദരലി തങ്ങള്‍ ഉള്‍പ്പെടെയുള്ളവര്‍.
ഇടത് തരംഗത്തിനിടയിലും മുസ്ലിം ലീഗ് മലപ്പുറം ജില്ലയില്‍ മികച്ച പ്രകടനം കാഴ്ചവച്ചു. 7 മണ്ഡങ്ങളില്‍ ലീഗ് സ്ഥാനാര്‍ഥികളുടെ ഭൂരിപക്ഷം കൂടി. വള്ളിക്കുന്ന്, കോട്ടക്കല്‍, തിരൂരങ്ങാടി, ഏറനാട്, തിരൂര്‍, മങ്കട, കൊണ്ടോട്ടി എന്നീ മണ്ഡലങ്ങളില്‍ മികച്ച പ്രകടനമാണ് ലീഗ് കാഴ്ചവച്ചത്. ഈ മണ്ഡലങ്ങളില്‍ സിപിഎമ്മിന്റെ വോട്ട് ഷെയര്‍ കുറയ്ക്കാന്‍ സാധിച്ചുവെന്നും ഇടി മുഹമ്മദ് ബഷീര്‍ പറഞ്ഞു.
യുഡിഎഫിന് തിരിച്ചടിയുണ്ടായപ്പോഴും മുസ്ലിം ലീഗ് അതിന്റെ കോട്ടകള്‍ നിലനിര്‍ത്തി. ഇനിയും വിശദമായ ചര്‍ച്ചകള്‍ നടത്തും. പാര്‍ട്ടി ആത്മ പരിശോധനയ്ക്കും തിരുത്തലുകള്‍ക്കും തയ്യാറാണ്. വസ്തുതകള്‍ കാണാതെ അതിശയോക്തി കലര്‍ത്തി പ്രതികരിക്കുന്നത് കാണുന്നു. വിമര്‍ശനം പരിഗണിക്കുന്നു. വലിയ പ്രകടനം പാര്‍ട്ടി നടത്തി എന്ന് അവകാശപ്പെടുന്നില്ല. എങ്കിലും ഭദ്രമായ പ്രകടനം നടത്തിയിട്ടുണ്ട്. ബിജെപി എല്ലാ തരത്തിലും ശക്തമായ പ്രചാരണമാണ് മഞ്ചേശ്വരത്ത് നടത്തിയത്. എന്നിട്ടും അത് പരാജയപ്പെടുത്താന്‍ തങ്ങള്‍ക്ക് സാധിച്ചുവെന്നും ഇടി മുഹമ്മദ് ബഷീര്‍ പറഞ്ഞു.
Recommended Video
അതേസമയം, മുസ്ലിം ലീഗിന്റെ നിയമസഭാ കക്ഷി നേതാവായി പികെ കുഞ്ഞാലിക്കുട്ടിയെ തിരഞ്ഞെടുത്തു. എംകെ മുനീര്‍ ആയിരിക്കും ഉപനേതാവ്. സെക്രട്ടറി കെപിഎ മജീദ്, വിപ്പ് പികെ ബഷീര്‍, ട്രഷറര്‍ എന്‍എ നെല്ലിക്കുന്ന് എന്നിവരായിരിക്കും നിയമസഭയില്‍ പാര്‍ട്ടിയെ നയിക്കുക.
