Click it and Unblock the Notifications
Just In
Don't Miss
-
T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര് -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
രാജ്യസഭാ തെരഞ്ഞെടുപ്പ് തുടങ്ങി.. ജയം ഉറപ്പാക്കി വീരേന്ദ്ര കുമാര്‍.. മാണി ഗ്രൂപ്പ് വിട്ട് നില്‍ക്കും
തിരുവനന്തപുരം: കേരളത്തില്‍ ഒഴിവ് വന്നിട്ടുള്ള രാജ്യസഭാ സീറ്റിലേക്കുള്ള തെരഞ്ഞെടുപ്പ് തുടങ്ങി. ഇടതു സ്ഥാനാര്‍ത്ഥിയായി ജെഡിയു അധ്യക്ഷന്‍ എപി വീരേന്ദ്ര കുമാറും യുഡിഎഫ് സ്ഥാനാര്‍ത്ഥിയായി കോണ്‍ഗ്രസിലെ ബി ബാബു പ്രസാദുമാണ് മത്സര രംഗത്തുള്ളത്. യുഡിഎഫില്‍ നിന്ന് വീരേന്ദ്ര കുമാര്‍ രാജിവെച്ചതോടെയാണ് കേരളത്തില്‍ സീറ്റ് ഒഴിവ് വന്നത്. പിന്നീട് ഇടതുപാളയത്തിലേക്ക് മറുകണ്ടം ചാടിയ വീരേന്ദ്ര കുമാറിനെ അതേ സ്ഥാനത്തേക്ക് മത്സരിപ്പിക്കാന്‍ എല്‍ഡിഎഫ് തിരുമാനിക്കുകയായിരുന്നു.
രാവിലെ ഒന്‍പത് മുതല്‍ വൈകീട്ട് നാല് വരെയാണ് വോട്ടെടുപ്പിനുള്ള സമയം. നിയമസഭാ സമുച്ചയത്തിലെ 740ാം നമ്പര്‍ മുറിയിലാണ് വോട്ടെടുപ്പ് നടക്കുന്നത്. കൃത്യം ഒന്‍പത് മണിക്ക് തന്നെ വോട്ടെടുപ്പ് ആരംഭിച്ചു. മുഖ്യമന്ത്രി പിണറായി വിജയനാണ് ആദ്യമെത്തി വോട്ട് രേഖപ്പെടുത്തിയത്. വൈകീട്ട് അഞ്ചിന് വോട്ടെണ്ണും. എല്‍ഡിഎഫിന് 90 അംഗങ്ങളുണ്ടെന്ന് ഇരിക്കെ 71 വോട്ടാണ് വീരേന്ദ്ര കുമാറിനാണ് ജയിക്കാന്‍ വേണ്ടത്. യുഡിഎഫില്‍ 41 പേരുടെ പിന്തുണ മാത്രമേ ഉള്ളൂ. കേരള കോണ്‍ഗ്രസിന്‍റെ ആറ് എംഎല്‍എമാര്‍ വോട്ടെടുപ്പില്‍ നിന്ന് വിട്ട് നില്‍ക്കും. ബിജെപി എംഎല്‍എ ആയ ഒ രാജഗോപാലും സ്വതന്ത്ര എംഎല്‍എയായ പിസി ജോര്‍ജ്ജും വോട്ട് രേഖപ്പെടുത്തില്ലെന്നാണ് നിലവില്‍ വ്യക്തമാക്കിരിക്കുന്നത്. അവധിയില്‍ ആയതിനാല്‍ മങ്കട എംഎല്‍എ അഹമ്മദ് കബീറും വോട്ട് ചെയ്യാന്‍ എത്തില്ലെന്ന് റിപ്പോര്‍ട്ടുണ്ട്.
