'അപവാദ പ്രചരണത്തിന് പിന്നില് വാര്ത്താവതരണത്തിലെ നാക്കു പിഴയൊന്നുമല്ല'; രൂക്ഷവിമര്ശനവുമായി കെകെ രമ
കോഴിക്കോട്: മാധ്യമ പ്രവര്ത്തകര്ക്കെതിരെ നടക്കുന്ന സിപിഎം സൈബര് ആക്രമണത്തിനെതിരെ രൂക്ഷമായി പ്രതികരിച്ച് ആര്എംപി നേതാവ് കെകെ രമ. മനോരമ ന്യൂസ് മാധ്യമ പ്രവര്ത്തക നിഷ പുരുഷോത്തമനെതിരേയും എഷ്യാനെറ്റ് ന്യൂസ് റിപ്പോര്ട്ടര് കെജി കമലേഷിനെതിരേയും നടക്കുന്ന വ്യക്തിപരമായ ആക്രമണം അത്യന്തം ഹീനമാണെന്ന് രമ കുറ്റപ്പെടുത്തി.
താഴെ തട്ടിലുള്ള അനുഭാവികളല്ല ഉത്തരവാദപ്പെട്ട നേതൃത്വത്തില് ഇരിക്കുന്നവര് തന്നെയാണ് ഇതിന് നേതൃത്വം നല്കുന്നതെന്നും കെകെ രമ ആരോപിച്ചു. വനിതാ മാധ്യമ പ്രവര്ത്തകരെ അടക്കം വ്യക്തിഹത്യ നടത്തി സാമൂഹ്യ മാധ്യമങ്ങളില് അപമാനിക്കുന്ന സൈബര് പോരാളികള്ക്കെതിരെ കര്ശന നിലപാട് സ്വീകരിക്കണമെന്ന് കേരള പത്ര പ്രവര്ത്തക യൂണിയന് ആവശ്യപ്പെട്ടിട്ടുണ്ട്.
അത്യന്തം ഹീനം
മനോരമയിലെ മാധ്യമപ്രവര്ത്തക നിഷ പുരുഷോത്തമനെതിരെയും ഏഷ്യാനെറ്റിലെ കമലേഷിനെതിരെയെന്ന വിധത്തില് അദ്ദേഹത്തിന്റെ ജീവിതപങ്കാളി കൂടിയായ മാദ്ധ്യമ പ്രവര്ത്തക പ്രജുലയുടെ പേര് ചേര്ത്തും CPM ന്റെ സൈബര് വിഭാഗം അത്യന്തം ഹീനമായ ആക്രമണമാണ് നടത്തിക്കൊണ്ടിരിക്കുന്നത്. ഏതെങ്കിലും താഴേത്തട്ടിലുള്ള അനുഭാവികളല്ല ഉത്തരവാദപ്പെട്ട നേതൃസ്ഥാനത്തിരിക്കുന്നവര് തന്നെയാണ് ഇതിന് നേതൃത്വം നല്കുന്നത്.
സ്ത്രീത്വത്തെ അവഹേളിക്കുക
ദേശാഭിമാനി ജീവനക്കാരനായ വിനീത് വി.യു അതില് പ്രധാനിയാണ്. നിഷയുടെ സ്ത്രീത്വത്തെത്തന്നെ അവഹേളിക്കുന്ന ആ പോസ്റ്റ് കുടുംബം, വൈവാഹിക ജീവിതം, അതില് സ്ത്രീയുടെ റോള് എന്നിവയെക്കുറിച്ചുള്ള അങ്ങേയറ്റം യഥാസ്ഥിതിക നിലപാടുകള് കൂടി വച്ചു പുലര്ത്തുന്നുണ്ട്.
ഷംസീര്
ഇതാദ്യമായല്ല നിഷ ഇത്തരമൊരാക്രമണത്തിന് വിധേയയാകുന്നത്. ചാനല് ചര്ച്ചയ്ക്കിടെ 'നിഷയൊക്കെ തിരുവനന്തപുരത്ത് വന്നിട്ട് എടുക്കുന്ന പണി എന്താണ് എന്ന് ഞങ്ങള്ക്കറിയാം.' എന്ന നിലയില് ദുഃസൂചനകളോടെ സാംസാരിച്ചത് MLA യും യുവജന നേതാവുമായ ഷംസീറാണ്.
നാക്കു പിഴയല്ല
'ഞാനെടുക്കുന്ന പണിയെന്താണ് ? പറയൂ ' എന്ന് ധീരമായി ചോദിച്ച , തിരുവനന്തപുരത്ത് മാത്രമല്ല , കണ്ണൂരും ഞാന് വന്നിട്ടുണ്ടെന്നും അതെന്റെ സ്വാതന്ത്ര്യമാണെന്ന് പറഞ്ഞ സ്ഥൈര്യമാണ് നിഷ.ഇങ്ങനെ നേതൃത്വം തന്നെ മുന്നിട്ടിറങ്ങിയ ഈ അപവാദ പ്രചരണത്തിന്റെ യഥാര്ത്ഥ കാരണം കഴിഞ്ഞ ദിവസങ്ങളിലെ വാര്ത്താവതരണത്തിലെ നാക്കു പിഴയൊന്നുമല്ല.
പ്രതിഛായ നിര്മ്മാണം
മാധ്യമങ്ങളെപ്പോലും കയ്യിലെടുത്ത് കോവിഡ് പ്രതിരോധത്തിന്റ മറവില് ഭരണവും മുഖ്യമന്ത്രിയും നടത്തുന്ന 'പ്രതിഛായ നിര്മ്മാണം ' ചോദ്യം ചെയ്യപ്പെടുന്നതിലെ , പരാജയപ്പെടുന്നതിലെ അമര്ഷമാണ് മാധ്യമപ്രവര്ത്തകര്ക്കെതിരായ അപവാദ പ്രചരണങ്ങളായി പുറത്തു വരുന്നത്.
ജനാധിപത്യ കേരളം
സ്വര്ണ്ണക്കടത്തും കണ്സള്ട്ടന്സി രാജും PSC ഉദ്യോഗാര്ത്ഥികളോടുള്ള മനുഷ്യത്വരാഹിത്യമടക്കം പൊതുജനം തിരിച്ചറിഞ്ഞതിന്റെ ജാള്യതയാണ് ഈ രോഷം.ഫാന്സ് അസോസിയേഷന്റെ നിലവാരത്തിലുള്ള വെട്ടുകിളിക്കൂട്ടമായി ഇജങ മാറിയിരിക്കുന്നു.അതെന്തായാലും സ്ത്രീകളെന്ന നിലയില് നിഷയും പ്രജുലയുമടക്കം നേരിട്ട സിപിഎം സൈബര് ആക്രമണത്തില് ശക്തമായി പ്രതിഷേധിക്കേണ്ടതുണ്ട്, ജനാധിപത്യ കേരളം.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google