കൊവിഡ് മൂന്നാം തരംഗം: കുട്ടികൾക്കായി 'കുരുന്ന്-കരുതല്' വിദഗ്ധ പരിശീലന പരിപാടി ആരംഭിച്ചതായി ആരോഗ്യമന്ത്രി
തിരുവനന്തപുരം: കൊവിഡ് രണ്ടാം തരംഗത്തിൽ സംസ്ഥാനത്ത് പ്രതിദിന കൊവിഡ് കേസുകൾ പത്തായിരത്തിൽ തന്നെ നിൽക്കുകയാണ്. അതിനിടെ കൊവിഡ് മൂന്നാം തരംഗത്തെ കുറിച്ചുളള ആശങ്കകളും ഉയരുന്നു. മൂന്നാം തരംഗം കുട്ടികളെ ആയിരിക്കാം കൂടുതലായി ബാധിക്കുക എന്നുളള റിപ്പോർട്ടുകളുണ്ട്. ഈ സാഹചര്യത്തിൽ കോവിഡ് മൂന്നാം തരംഗം മുന്നില് കണ്ട് കുട്ടികളുടേയും നവജാത ശിശുക്കളുടേയും തീവ്ര പരിചരണം ഉറപ്പാക്കുന്നതിന് വേണ്ടി 'കുരുന്ന്-കരുതല്' വിദഗ്ധ പരിശീലന പരിപാടി ആരംഭിച്ചതായി ആരോഗ്യമന്ത്രി വീണ ജോർജ് അറിയിച്ചു.
Recommended Video
മെഡിക്കല് കോളേജുകള് കേന്ദ്രമാക്കി, അവിടത്തെ ശിശുരോഗ വിഭാഗത്തില് അതാത് ജില്ലകളിലും അനുബന്ധ ജില്ലകളിലുമുള്ള ശിശുരോഗ വിദഗ്ധര്ക്കും നഴ്സുമാര്ക്കുമുള്ള ഒരു ഓണ്സൈറ്റ് പരിശീലന പരിപാടിയാണ് 'കുരുന്ന്-കരുതല്'. കുട്ടികളിലെ കോവിഡും കോവിഡാനന്തര പ്രശ്നങ്ങളും പരിഹരിക്കുന്നതിനായി സംസ്ഥാനത്തെ ആശുപത്രികള് സജ്ജമാക്കി വരുന്നുണ്ടെന്നും ആരോഗ്യമന്ത്രി വ്യക്തമാക്കി.
ചികിത്സയ്ക്ക് അധികമായി ആവശ്യമായി വരാവുന്ന കുട്ടികളുടെ കിടക്കകള്, അത്യാവശ്യമായ ഓക്സിജന് സംവിധാനങ്ങള്, വെന്റിലേറ്ററുകള്, നിരീക്ഷണ ഉപകരണങ്ങള്, എന്നിവ ദ്രുതഗതിയില് ആശുപത്രികളില് എത്തിക്കാനുള്ള പ്രവര്ത്തനങ്ങള് നടന്നു വരികയാണ്. ഈ സാഹചര്യത്തില് ആരോഗ്യ പ്രവര്ത്തകരെ കുട്ടികളുടെ അത്യാഹിത തീവ്ര പരിചരണ വിഭാഗങ്ങളിലെ ചികിത്സക്കായി സജ്ജരാക്കുന്നതിനാണ് കുരുന്ന്-കരുതല് ആവിഷ്ക്കരിച്ചിട്ടുള്ളതെന്നും വീണ ജോർജ് വ്യക്തമാക്കി.
ചൈനീസ് കമ്മ്യൂണിസ്റ്റ് പാർട്ടിയുടെ നൂറാം വാർഷികം: ചൈനീസ് എംബസ്സിക്ക് മുന്നിൽ പ്രതിഷേധം
ഇതിന്റെ ആദ്യഘട്ട പരിശീലനപരിപാടി തിരുവനന്തപുരം മെഡിക്കല് കോളേജ് എസ്.എ.ടി. ആശുപത്രിയില് ആരംഭിച്ചു. മൂന്നു ദിവസം നീളുന്ന ഈ പരിശീലന പരിപാടിയില് അത്യാഹിതവിഭാഗം, തീവ്രപരിചരണ വിഭാഗം, നവജാത ശിശു വിഭാഗം എന്നീ മേഖലകളില് അവശ്യമായ നൈപുണ്യം നേടിയെടുക്കാന് സാധിക്കും. തുടര്ന്ന് മറ്റ് ജില്ലകളിലെ മെഡിക്കല് കോളേജുകളിലെ ശിശുരോഗ വിഭാഗത്തിലെ വിദഗ്ധരുടെ നേതൃത്വത്തില് അതത് ജില്ലകളിലെ പരിശീലന പരിപാടി നടക്കുന്നതാണ് എന്നും ആരോഗ്യമന്ത്രി ഫേസ്ബുക്കിൽ അറിയിച്ചു.
റോക്കിഭായ് യാഷിന്റെ ഗൃഹപ്രവേശം: വിശാലമായ വീട്ടില് കുടുംബത്തോടൊപ്പം താരം- ചിത്രങ്ങള് കാണാം
Click it and Unblock the Notifications
Sign in with Google