കരുത്തനായ വ്യക്തിത്വം, കോടിയേരിയുടെ വിയോഗത്തില് അനുശോചിച്ച് എംകെ സ്റ്റാലിന്
ചെന്നൈ: മുതിര്ന്ന സിപിഎം നേതാവും മു സംസ്ഥാന സെക്രട്ടറിയുമായ കോടിയേരി ബാലകൃഷ്ണന്റെ വിയോഗത്തില് പ്രതികരിച്ച് തമിഴ്നാട് മുഖ്യമന്ത്രി എംകെ സ്റ്റാലിന്. കരുത്തനായ വ്യക്തിത്വമായിരുന്നു കോടിയേരിയുടേതെന്ന് സ്റ്റാലിന് പറഞ്ഞു. അടിയന്തരാവസ്ഥാ കാലത്ത് കോടിയേരി ജയിലില് കിടന്ന കാര്യം സ്റ്റാലിന് അനുസ്മരിച്ചു.
അപ്പോളോ ആശുപത്രിയിലെത്തി ആദരാഞ്ജലികള് അര്പ്പിച്ചതായും സ്റ്റാലിന് ഫേസ്ബുക്ക് പോസ്റ്റില് കുറിച്ചു. തമിഴ്നാട് ഗവര്ണര് ആര്എന് രവിയും അപ്പോളോ ആശുപത്രിയിലെത്തിയിരുന്നു. സിപിഎം സംസ്ഥാന സെക്രട്ടറി എംവി ഗോവിന്ദനും അപ്പോളോയിലെത്തിയിരുന്നു.
IMAGE CREDIT: MK STALIN FB PAGE
അതേസമയം കോടിയേരി ബാലകൃഷ്ണനോടുള്ള ആദരസൂചകമായി നാല് മണ്ഡലങ്ങളിലെ സ്ഥാപനങ്ങള് നാളെ അടച്ചിടും. മാഹി തലശ്ശേരി, ധര്മടം, കണ്ണൂര്, മണ്ഡലങ്ങളിലെ സ്ഥാപനങ്ങളാണ് നാളെ അടച്ചിടുന്നത്. മുതിര്ന്ന നേതാവ് വിഎസ് അച്യുതാനന്ദനും മരണത്തില് അനുശോചിച്ചു. വിഎസ്സിന്റെ മകന് അരുണ് കുമാറാണ് അനുശോചനം അറിയിച്ചത്.
ഞെട്ടലും വേദനയും ഉളവാക്കുന്ന ആ വാര്ത്ത ശ്രവിച്ചുകഴിഞ്ഞു. സഖാവ് കോടിയേരി നമ്മെ വിട്ടുപോയിരിക്കുന്നു. ആദ്യം ചെയ്തത് അച്ഛനോട് വിവരം പറയുകയാണ്. ഒരു നിമിഷം നിശബ്ദനായിരുന്ന അച്ഛന്റെ കണ്ണുകളില് ഒരു നനവ് എനിക്ക് വ്യക്തമായി കാണാനായി. അനുശോചനം അറിയിക്കണം എന്നു മാത്രം പറയുകയും ചെയ്തു.
അച്ഛന്റെ അനുശോചനം യശഃശരീരനായ കോടിയേരിയുടെ കുടുംബാംഗങ്ങളെ അറിയിക്കുകയല്ലാതെ മറ്റൊന്നും ഇത്തരുണത്തില് ചെയ്യാനില്ലല്ലോ എന്ന വേദന മനസ്സില് കനംതൂക്കുന്നു. അച്ഛനോട് ഏറ്റവും ആദരവും സ്നേഹവും പുലര്ത്തിയ നേതാവായിരുന്നു, കോടിയേരി ബാലകൃഷ്ണന്. പ്രതിപക്ഷ നേതാവായിരുന്ന കാലത്തും മുഖ്യമന്ത്രിയായിരുന്ന കാലത്തും അച്ഛനുമായി സൂക്ഷ്മമായ ഹൃദയബന്ധം പുലര്ത്തിയിരുന്ന മഹാനായ കമ്യൂണിസ്റ്റ് നേതാവിന്റെ വിയോഗത്തില് എന്റെ അനുശോചനംകൂടി അറിയിക്കുകയാണ്.
സൗമ്യമായ പെരുമാറ്റവും അചഞ്ചലമായ ജനക്ഷേമ തല്പ്പരതയും കൊണ്ട് ഏവര്ക്കും പ്രിയങ്കരനായിരുന്നു കോടിയേരി ബാലകൃഷ്ണനെന്ന് കേരള ഗവര്ണര് ആരിഫ് മുഹമ്മദ് ഖാന് അനുസ്മരിച്ചു.
-
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന്
Click it and Unblock the Notifications
Sign in with Google