കേന്ദ്രമന്ത്രി വി മുരളീധരന് ഇടപെട്ടു; മുതലപ്പൊഴിയില് പ്രശ്ന പരിഹാരത്തിന് കേന്ദ്രസംഘമെത്തി
തിരുവനന്തപുരം: നിരന്തര അപകടങ്ങളിലൂടെ മത്സ്യത്തൊഴിലാളികള്ക്ക് ഭീഷണിയുയര്ത്തുന്ന മുതലപ്പൊഴിയില് പ്രശ്ന പരിഹാരത്തിന് കേന്ദ്രസംഘമെത്തി. മത്സ്യത്തൊഴിലാളികള്ക്ക് ഭീഷണിയുയര്ത്തുന്ന സമിതിയിലെ സാങ്കേതിക വിദഗ്ധര് മത്സ്യത്തൊഴിലാളികളുമായും ഈ മേഖലയുമായി ബന്ധപ്പെട്ടവരുമായും സംസ്ഥാന സര്ക്കാരുമായി കൂടിയാലോചിച്ച് ശാശ്വതമായ പരിഹാരം ഉണ്ടാക്കുമെന്ന് കേന്ദ്ര വിദേശകാര്യ സഹമന്ത്രി വി മുരളീധരന് പറഞ്ഞു. വി മുരളീധരന്റെ നേതൃത്വത്തിലാണ് സമിതി സന്ദര്ശനം നടത്തിയത്.
'മുതലപ്പൊഴിയില് നടക്കുന്ന മന്ത്രിതല ചര്ച്ച സ്വാഗതം ചെയ്യുന്നു. മന്ത്രിമാര് ഈ വിഷയം പഠിക്കുന്നതും നല്ല കാര്യമാണെന്ന് മുരളീധരന് പറഞ്ഞു. നാല് മത്സ്യത്തൊഴിലാളികള് കടല്ക്ഷോഭത്തില് മരിക്കാനിടയായ സാഹചര്യം വി മുരളീധരന് കേന്ദ്ര ഫിഷറീസ് മന്ത്രിയുടെ ശ്രദ്ധയില്പെടുത്തിയിരുന്നു. ഇതിനു പിന്നാലെയാണ് വിദഗ്ധ സംഘമെത്തുന്നത്. ഫിഷറീസ് ഡവലപ്മെന്റ് കമ്മീഷണര്, അസിസ്റ്റന്റ് കമ്മീഷണര് ഉള്പ്പെടുന്നതാണ് മൂന്നംഗ വിദഗ്ധ സംഘം.
അതേസമയം, മുതലപ്പൊഴി മത്സ്യബന്ധന തുറമുഖത്ത് അടിക്കടിയുണ്ടാകുന്ന അപകടങ്ങള് ഒഴിവാക്കുന്നതിനു ശാശ്വത പരിഹാരത്തിന് അടിയന്തര നടപടി സ്വീകരിക്കുമെന്നു ഫിഷറീസ് മന്ത്രി സജി ചെറിയാന് അറിയിച്ചു. ജൂലൈ 10 ന് മുതലപ്പൊഴിയില് അപകടത്തില്പ്പെട്ടു മരിച്ച നാലു മത്സ്യത്തൊഴിലാളികളുടെ കുടുംബങ്ങളെ സര്ക്കാര് സംരക്ഷിക്കുമെന്നും മന്ത്രി പറഞ്ഞു. അപകടത്തിന്റെ പശ്ചാത്തലത്തില് അടിയന്തരമായി സ്വീകരിക്കേണ്ട നടപടികള് തീരുമാനിക്കാന് ചേര്ന്ന മന്ത്രിതല യോഗത്തിലെ നിര്ദേശങ്ങള് സംബന്ധിച്ചു മുഖ്യമന്ത്രിയുമായി നടത്തിയ ചര്ച്ചയ്ക്കു ശേഷം മാധ്യമങ്ങളോടു സംസാരിക്കുകയായിരുന്നു അദ്ദേഹം.
മുതലപ്പൊഴിയിലെ ഡ്രഡ്ജിങ് സംബന്ധിച്ച് അദാനി പോര്ട്ടുമായി ഉണ്ടാക്കിയ കരാര് പ്രകാരമുള്ള നടപടികള് സമയബന്ധിതമായി നടപ്പാക്കുന്നുണ്ടെന്ന് ഉറപ്പാക്കുമെന്ന് അദ്ദേഹം പറഞ്ഞു. തുറമുഖത്തെ കല്ലും മണ്ണും നീക്കം ചെയ്ത് ബേസിനിലും ചാനലിലും പൊഴിയിലും കരാര് പ്രകാരമുള്ള ശരിയായ ആഴം ഉറപ്പാക്കും. ഇക്കാര്യത്തില് വിട്ടുവീഴ്ചയുണ്ടാകില്ല. ഡ്രഡ്ജിങ് സംബന്ധിച്ച് ഫിഷറീസ്, തുറമുഖ വകുപ്പ് മന്ത്രിമാരും തിരുവനന്തപുരം ജില്ലയില്നിന്നുള്ള മൂന്നു മന്ത്രിമാരും ഉള്പ്പെട്ട സമിതി ജൂലൈ 18നു രാവിലെ 10ന് അദാനി പോര്ട്ട് ഉദ്യോഗസ്ഥരുമായും ബന്ധപ്പെട്ട വകുപ്പുകളിലെ ഉദ്യോഗസ്ഥരുമായും ചര്ച്ച നടത്തുമെന്നും മന്ത്രി അറിയിച്ചു.
Click it and Unblock the Notifications
Sign in with Google