കൊച്ചിയില് നിന്ന് വീണ്ടും ഹൃദയം കോഴിക്കോട്ടേക്ക്; ആംബുലന്സിന് വഴിയൊരുക്കാന് ഒരുങ്ങി കേരളം
കൊച്ചി: എറണാകുളം രാജഗിരി ആശുപത്രിയില് വച്ച് മസ്തിഷ്ക മരണം സംഭവിച്ച കോട്ടയം വടവത്തൂര് കളത്തില്പടി ചിറത്തിലത്ത് ഏദന്സിലെ നേവിസിന്റെ (25) ഹൃദയവും വഹിച്ച് കൊണ്ടുള്ള വാഹനം കോഴിക്കോട് മെട്രോ ഇന്റര്നാഷണല് ആശുപത്രിയിലേക്ക് പോകുകയാണെന്ന് ആരോഗ്യമന്ത്രി വീണ ജോര്ജ് അറിയിച്ചു. ഈ സാഹചര്യത്തില് ഗതാഗത ക്രമീകരണത്തിനായി എല്ലാവരും സഹകരിക്കമെന്ന് ആരോഗ്യമന്ത്രി വ്യക്തമാക്കി.
ഹൃദയം കോഴിക്കോട് എത്തിച്ച് ചികിത്സയിലുള്ള എത്രയും പെട്ടെന്ന് തന്നെ രോഗിയില് വച്ച് പിടിപ്പിക്കണം. ഓരോ നിമിഷവും പ്രധാനമാണ്. അവയവദാന പ്രക്രിയയ്ക്കും സുഗമമായ യാത്രയ്ക്കും വേണ്ട ക്രമീകരണങ്ങളെല്ലാം സര്ക്കാര് ഒരുക്കിയിട്ടുണ്ട്. ഇക്കാര്യം ബഹു. മുഖ്യമന്ത്രിയുടെ ശ്രദ്ധയില്പ്പെടുത്തി. മുഖ്യമന്ത്രിയുടെ നിര്ദേശാനുസരണം പോലീസ് ഉദ്യോഗസ്ഥര് ഗതാഗത ക്രമീകരണമൊരുക്കുന്നുണ്ട്. എങ്കിലും എല്ലാവരും വഴിയൊരുക്കി ഈ വാഹനത്തെ കടത്തി വിടേണ്ടതാണെന്ന് ആരോഗ്യമന്ത്രി വ്യക്തമാക്കി.
ഫ്രാന്സില് അക്കൗണ്ടിംഗ് മാസ്റ്ററിന് പഠിക്കുകയായിരുന്നു നേവിസ്. കോവിഡ് കാരണം ഇപ്പോള് ഓണ്ലൈനായാണ് ക്ലാസ്. കഴിഞ്ഞ 16നാണ് സംഭവമുണ്ടായത്. രാത്രിയുള്ള പഠനം കഴിഞ്ഞിട്ട് ഉണരാന് വൈകിയിരുന്നു. എട്ടാം ക്ലാസില് പഠിക്കുന്ന സഹോദരി വിസ്മയ വിളിച്ചുണര്ത്താന് ചെന്നപ്പോള് അബോധാവസ്ഥയില് കിടന്നിരുന്നു. ഉടന് തന്നെ കോട്ടയം കാരിത്താസ് ആശുപത്രിയില് എത്തിക്കുകയായിരുന്നു. രക്തത്തിലെ പഞ്ചസാരയുടെ അളവ് ക്രമാതീതമായി താഴ്ന്നതുമൂലമുള്ള പ്രശ്നമായിരുന്നു.
ആരോഗ്യ നിലയില് വലിയ മാറ്റം വരാത്തതിനാല് 20-ാം തീയതി എറണാകുളം രാജഗിരി ആശുപത്രിയില് എത്തിച്ചു. ഇന്നലെ മസ്തിഷ്ക മരണം സ്ഥിരീകരിച്ചതോടെ നേവിസിന്റെ അച്ഛനും അമ്മയും സ്വമേധയാ അവയവദാനത്തിന് മുന്നോട്ട് വരികയായിരുന്നു. ഹൃദയം, കരള്, കൈകള്, രണ്ട് വൃക്കകള്, കണ്ണുകള് എന്നിവയാണ് ദാനം ചെയ്തത്. കേരള സര്ക്കാരിന്റെ മരണാന്തര അവയവദാന പദ്ധതിയായ മൃതസഞ്ജീവനി (കെ.എന്.ഒ.എസ്.) വഴിയാണ് അവയവദാന പ്രക്രിയ നടത്തിയത്.
ഏറെ വിഷമ ഘട്ടത്തിലും അവയവദാനത്തിന് മുന്നോട്ട് വന്ന അച്ഛന് സാജന് മാത്യുവിനേയും അമ്മ ഷെറിനേയും സഹോദരന് എല്വിസിനേയും സര്ക്കാരിന്റെ എല്ലാ ആദരവും അറിയിക്കുന്നെന്ന് ആരോഗ്യമന്ത്രി വ്യക്തമാക്കി.
നേവിസിന്റെ എട്ട് അവയവങ്ങള് ബന്ധുക്കള് ദാനം ചെയ്തു. ഹൃദയം, കരള്, കൈകള്, രണ്ട് വൃക്കകള്, രണ്ട് കണ്ണുകള് എന്നിവയാണ് ദാനം ചെയ്തത്. ഹൃദയം കോഴിക്കോട് മെട്രോ ഇന്റര്നാഷണല് ആശുപത്രിയില് ചികിത്സയിലുള്ള രോഗിക്കാണ് നല്കുന്നത്. കെ.എന്.ഒ.എസ്. നോഡല് ഓഫീസര് ഡോ. നോബിള് ഗ്രേഷ്യസിന്റെ നേതൃത്വത്തിലുള്ള സംഘമാണ് അവയവദാന പ്രക്രിയ പൂര്ത്തീകരിക്കുന്നത്.
Recommended Video
ഇതിന് മുമ്പും എറണാകുളത്ത് നിന്ന് ഹൃദയം കോഴിക്കോട്ടേക്ക് എത്തിച്ചിരുന്നു. അന്ന് കൊച്ചിയില് വച്ച് മസ്തിഷ്ക മരണം സംഭവിച്ച ഇടുക്കി സ്വദേശിയുടെ ഹൃദയമാണ് കോഴിക്കോട് എത്തിച്ച് മറ്റൊരു രോഗിക്ക് നല്കിയത്. അന്ന് നെടുമ്പാശേരിയില് നിന്ന് വിമാനമാര്ഗമാണ് ഹൃദയം കോഴിക്കോടേക്ക് എത്തിച്ചത്.
-
സ്വർണം മലയാളികൾക്ക് വേണ്ട; സ്വർണം വാങ്ങാൻ ആളില്ല; ആഭരണങ്ങൾക്ക് ഡിസ്കൗണ്ട് നൽകിയിട്ടും രക്ഷയില്ലാതെ വ്യാപാരികൾ -
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം
Click it and Unblock the Notifications
Sign in with Google