ജുനൈദിന്റെ മരണത്തിന് പിന്നില് അസ്വാഭാവികതയുണ്ടോ? പൊലീസ് പറയുന്നതിങ്ങനെ, 'മദ്യപിച്ചിരുന്നു'
മലപ്പുറം: വ്ലോഗറും സോഷ്യല് മീഡിയ ഇന്ഫ്ളുവന്സറുമായ ജുനൈദിന്റെ മരണത്തില് അസ്വാഭാവികത ഇല്ലെന്ന് പൊലീസ്. ജുനൈദ് മദ്യപിച്ചിരുന്നു എന്ന് കണ്ടെത്തിയതിന് പിന്നാലെയാണ് മരണത്തിലെ അസ്വാഭാവികത എന്ന വാദം പൊലീസ് തള്ളിയത്. മഞ്ചേരി വഴിക്കടവ് സ്വദേശിയായ ജുനൈദ് ഇന്നലെയായിരുന്നു വാഹനാപകടത്തില് മരിച്ചത്. രണ്ടാഴ്ച മുന്പ് യുവതിയെ പ്രണയം നടിച്ച് വിവാഹ വാഗ്ദാനം നല്കി പീഡിപ്പിച്ചെന്ന കേസില് ജുനൈദിനെ പൊലീസ് അറസ്റ്റ് ചെയ്തിരുന്നു.
സോഷ്യല് മീഡിയ വഴി പരിചയപ്പെട്ട യുവതിയെ പ്രണയം നടിച്ച് വിവാഹ വാഗ്ദാനം നല്കി പീഡിപ്പിച്ചെന്ന കേസില് ആയിരുന്നു മലപ്പുറം പൊലീസ് മാര്ച്ച് 1 ന് ജുനൈദിനെ അറസ്റ്റ് ചെയ്തത്. ഈ കേസ് ഒത്തുതീര്പ്പാക്കിയതാണ് എന്നാണ് പൊലീസ് പറയുന്നത്. കേസിന്റെ പശ്ചാത്തലത്തില് ആണ് ജുനൈദിന്റെ മരണത്തില് അസ്വാഭാവികത എന്ന ആരോപണം ഉയര്ന്നത്. വെള്ളിയാഴ്ച വൈകീട്ട് ആറ് മണിയോടെയായിരുന്നു ജുനൈദ് അപകടത്തില്പ്പെട്ടത്.
ജുനൈദ് സഞ്ചരിച്ച ബൈക്ക് മഞ്ചേരി മരത്താണിയില് വെച്ച് അപകടത്തില്പ്പെടുകയായിരുന്നു. മഞ്ചേരി കാരക്കുന്ന് മരത്താണി വളവില് റോഡരികിലെ മണ്കൂനയില് തട്ടി ബൈക്ക് മറിഞ്ഞായിരുന്നു അപകടം. റോഡരികില് രക്തം വാര്ന്ന നിലയില് കിടന്ന ജുനൈദിനെ ബസ് ജീവനക്കാരാണ് കണ്ടത്. ജുനൈദിന്റെ തലയുടെ പിന്ഭാഗത്തേറ്റ മുറിവില് നിന്ന് രക്തം വാര്ന്നാണ് മരണപ്പെടുന്നത്.
ജുനൈദ് അമിത വേഗതയിലാണ് ബൈക്ക് ഓടിച്ചിരുന്നതെന്നും ഹെല്മെറ്റ് ധരിച്ചിരുന്നില്ലെന്നും സൂചനയുണ്ട്. അതേസമയം ജുനൈദ് മദ്യപിച്ചതാണ് വാഹനാപകടത്തിന് കാരണമെന്നാണ് പൊലീസിന്റെ നിഗമനം. പോസ്റ്റുമോര്ട്ടത്തില് ആല്ക്കഹോളിന്റെ സാന്നിധ്യം കണ്ടെത്തിയിട്ടുണ്ട് എന്നും രക്ത സാമ്പിള് വിദഗ്ധ പരിശോധനക്കയക്കും എന്നും പൊലീസ് അറിയിച്ചു. ജുനൈദ് അലക്ഷ്യമായി വാഹനമോടിച്ചതായി പൊലീസ് കണ്ട്രോള് റൂമില് പരാതി ലഭിച്ചിരുന്നു.
അപകടത്തിന് തൊട്ടുമുന്പായിരുന്നു ഇത്. സ്ഥലത്തെ സി സി ടി വി ദൃശ്യങ്ങളും പൊലീസ് പരിശോധിച്ചിരുന്നു. മഞ്ചേരിയില് നിന്ന് വഴിക്കടവ് ഭാഗത്തേക്ക് വരികയായിരുന്നു ജുനൈദ്. വഴിക്കടവ് ആലപ്പൊയില് ചോയത്തല ഹംസയുടെ മകനാണ് 32 കാരനായ ജുനൈദ്. ഇന്സ്റ്റഗ്രാം റീല്സില് പാട്ടുകളുടെ വരികള്ക്കൊപ്പിച്ച് സ്ലോ മോഷന് ഡാന്സ് കളിച്ച് കൊണ്ടാണ് ജുനൈദ് ശ്രദ്ധിക്കപ്പെടുന്നത്.
ഇന്സ്റ്റഗ്രാമില് 44000 ത്തോളം ഫോളോവേഴ്സ് ഉള്ള താരമായിരുന്നു ജുനൈദ്. ആദ്യകാലങ്ങളില് നിരവധി പരിഹാസങ്ങള് ഏറ്റുവാങ്ങിയിരുന്നെങ്കിലും പിന്നീട് ജുനൈദിന്റെ റീല്സിന് മികച്ച അഭിപ്രായം ലഭിച്ചിരുന്നു.
-
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര് -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
ഉടൻ ശസ്ത്രക്രിയക്ക് വിധേയമാകണമെന്നാണ് ഡോക്ടർ അറിയിച്ചത്;രോഗാവസ്ഥ പങ്കുവെച്ച് നടൻ കണ്ണൻ സാഗർ -
സ്വര്ണവില റെക്കോഡ് തിരുത്തിയെഴുതും.. വിചാരിച്ചതിലും വേഗത്തില് തന്നെ..! അവലോകനം ഇങ്ങനെ -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
"യുദ്ധം പെട്ടെന്ന് അവസാനിക്കുമെന്ന് തോന്നുന്നില്ല, പെട്രോളും ഗ്യാസും ഡീസലും പഴയത് പോലെ കൊടുക്കില്ല" -
ബെംഗളൂരുവിലെ ഹെബ്ബാൾ മുതൽ സിൽക്ക് ബോർഡ് വരെ തുരങ്കപാത; 16.74 കി.മീ ദൈർഘ്യം, ചിലവ് 17,698 കോടി, വൈകുമോ? -
ബിജെപിയുടെ മൂന്നാംഘട്ട സ്ഥാനാർത്ഥി പട്ടിക പ്രഖ്യാപിച്ചു; കൃഷ്ണകുമാറിനെ ഒഴിവാക്കി, വിവേക് ഗോപൻ അരുവിക്കരയിൽ -
'ഞാൻ എഴുതിയ മോഹൻലാലിന്റെ പേരിലെ പുസ്തക പ്രകാശത്തിന് ക്ഷണിച്ചില്ല, പരിപാടി അലങ്കോലമായി'; ശാന്തിവിള ദിനേശ്
Click it and Unblock the Notifications
Sign in with Google