വഴങ്ങാതെ ഗവർണ്ണർ: കണ്ണുംപൂട്ടി ഓർഡിനന്സില് ഒപ്പിടില്ല, പഠിക്കാന് സമയം വേണം
തിരുവനന്തപുരം: ഓർഡിനന്സ് വിഷയത്തില് സർക്കാരുമായുള്ള പോര് തുടർന്ന് ഗവർണ്ണർ ആരിഫ് മുഹമ്മദ് ഖാന്. സംസ്ഥാനത്ത് ഓർഡിനന്സ് ഭരണം നല്ലതിനല്ലെന്നാണ് അദ്ദേഹം അഭിപ്രായപ്പെടുന്നത്. ല്ലാ ഓര്ഡിനന്സുകളിലും കണ്ണുമടച്ച് ഒപ്പിടാനാകില്ല. വിശദമായി പരിശോധിക്കാന് സമയം വേണം. ചിലകാര്യങ്ങളില് വ്യക്തമായ വിശദീകരണം വേണം. സംസ്ഥാനത്ത് ഓർഡിനന്സ് രാജ് അംഗീകരിക്കില്ലെന്നും ഗവർണ്ണർ വ്യക്തമാക്കി.
ഗവർണ്ണറുടെ അധികാരം കുറക്കാൻ സർക്കാർ ശ്രമമെന്നതിനെ കുറിച്ച് അറിയില്ല. പക്ഷെ അടിയന്തര സാഹചര്യങ്ങളിലാണ് സർക്കാർ ഓർഡിനൻസ് പുറത്തിറക്കേണ്ടത്. ഓർഡിനന്സിലൂടെ മാത്രം ഭരിക്കാനാണെങ്കില് ഇവിടെ നിയമസഭകള് എന്തിനാണ്. സുപ്രീംകോടതി തന്നെ കൃത്യമായി ഇക്കാര്യത്തിൽ നിലപാട് പറഞ്ഞിട്ടുണ്ട്. പൂർണ്ണ മനസ്സോടെയല്ലാതെ ഞാൻ ഒന്നും ചെയ്യില്ല. ബജറ്റ് ചർച്ചക്കായായിരുന്നു കഴിഞ്ഞ സഭാ സമ്മേളനം എന്നത് തന്നോട് പറഞ്ഞിട്ടില്ല.തന്നോട് പറഞ്ഞിരുന്നുവെങ്കിൽ മറുപടി നൽകുമായിരുന്നു. ഓർഡിനൻസില് ഒപ്പിടണമെങ്കില് മുഴുവനായി മനസ്സിലാക്കേണ്ടതുണ്ടെന്നും അദ്ദേഹം അഭിപ്രായപ്പെട്ടു.
ഗവർണ്ണറുടെ ഒപ്പില്ലെങ്കില് ലോകായുക്ത ഭേദഗതിയടക്കം 11 ഓര്ഡിനന്സുകള് ഇന്ന് അസാധുവാകും എന്നിരിക്കേയാണ് ഗവർണ്ണർ നിലപാട് കടുപ്പിച്ചത്. ഡല്ഹിയിലുള്ള ആരിഫ് മുഹമ്മദ് ഖാനെ ഇന്നലെ ചീഫ് സെക്രട്ടറി നേരിട്ട് കണ്ട് അനുനയത്തിന് ശ്രമിച്ചെങ്കിലും അദ്ദേഹം വഴങ്ങിയില്ല. ഡിജിറ്റില് ഒപ്പിന് സാധ്യതയുണ്ടെങ്കിലും ഗവർണ്ണർ അതിനും തയ്യാറായില്ല. ഓര്ഡിനന്സില് ഒപ്പിടണമെന്നും വിസി നിയമനത്തില് ഗവര്ണറുടെ അധികാരം കുറയ്ക്കാന് സര്ക്കാര് ശ്രമിച്ചില്ലെന്നും ചീഫ് സെക്രട്ടറി ഗവർണ്ണറെ അറിയിച്ചിട്ടുണ്ട്.
ഗവർണ്ണർ കടുംപിടുത്തം തുടരുകയാണെങ്കില് വിസി നിയമനത്തിനുള്ള സേര്ച്ച് കമ്മിറ്റിയില് ഗവര്ണറുടെ അധികാരം ഇല്ലാതാക്കാന് ഉള്ള ഓര്ഡിനന്സില് നിന്നും സര്ക്കാര് പിന്നോട്ട് പോകാനും സാധ്യത ഉണ്ട്. ലോകായുക്തയുമായി ബന്ധപ്പെട്ട ഓർഡിനന്സാണ് സർക്കാറിന് ഏറെ പ്രധാനപ്പെട്ടത്. ഓർഡിനന്സ് അസാധുവായാല് പഴയ ലോകായുക്ത നിയമം പ്രാബല്യത്തിലും വരും. ദുരിതാശ്വാസ ഫണ്ട് വകമാറ്റിയതില് മുഖ്യമന്ത്രിക്കെതിരെ ലോകായുക്തയിലുള്ള കേസ് കൂടുതല് നിര്ണ്ണായകമാകുകയും ചെയ്യും. ഈ കേസില് വാദം പൂർത്തിയായി വിധി പറയാനായി മാറ്റി വെച്ചിരിക്കുകയാണ്.
-
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര് -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
ഉടൻ ശസ്ത്രക്രിയക്ക് വിധേയമാകണമെന്നാണ് ഡോക്ടർ അറിയിച്ചത്;രോഗാവസ്ഥ പങ്കുവെച്ച് നടൻ കണ്ണൻ സാഗർ -
സ്വര്ണവില റെക്കോഡ് തിരുത്തിയെഴുതും.. വിചാരിച്ചതിലും വേഗത്തില് തന്നെ..! അവലോകനം ഇങ്ങനെ -
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
"യുദ്ധം പെട്ടെന്ന് അവസാനിക്കുമെന്ന് തോന്നുന്നില്ല, പെട്രോളും ഗ്യാസും ഡീസലും പഴയത് പോലെ കൊടുക്കില്ല" -
ബെംഗളൂരുവിലെ ഹെബ്ബാൾ മുതൽ സിൽക്ക് ബോർഡ് വരെ തുരങ്കപാത; 16.74 കി.മീ ദൈർഘ്യം, ചിലവ് 17,698 കോടി, വൈകുമോ? -
ബിജെപിയുടെ മൂന്നാംഘട്ട സ്ഥാനാർത്ഥി പട്ടിക പ്രഖ്യാപിച്ചു; കൃഷ്ണകുമാറിനെ ഒഴിവാക്കി, വിവേക് ഗോപൻ അരുവിക്കരയിൽ -
'ഞാൻ എഴുതിയ മോഹൻലാലിന്റെ പേരിലെ പുസ്തക പ്രകാശത്തിന് ക്ഷണിച്ചില്ല, പരിപാടി അലങ്കോലമായി'; ശാന്തിവിള ദിനേശ്
Click it and Unblock the Notifications
Sign in with Google