Click it and Unblock the Notifications
Just In
Don't Miss
-
ശ്വാസകോശത്തിന്റെ ആയുസ്സിന് ഭീഷണി: ഈ അപകട സൂചന അവഗണിക്കരുത് -
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
ക്വാറന്റീനില്‍ കഴിഞ്ഞ യുവാവ് അബോധാവസ്ഥയില്‍; കുഴഞ്ഞ് വീണ് മരിച്ചു
കോട്ടയം: ദുബായിയില്‍ നിന്നും തിരിച്ചെത്തി വീട്ടില്‍ നിരീക്ഷണത്തില്‍ കഴിഞ്ഞിരുന്ന യുവാവ് കുഴഞ്ഞ് വീണ് മരിച്ചു. കാണക്കാരി കല്ലാമ്പാറ മനോഭവനില്‍ മഞ്ചുനാഥ് (39) ആണ് മരണപ്പെട്ടത്. 21 ദുബായിയില്‍ നിന്നും നാട്ടിലെത്തിയ മഞ്ചുനാഥ് വീട്ടില്‍ ഒറ്റക്ക് ക്വാറന്റീനില്‍ കഴിയുകയായിരുന്നു.
വീട്ടില്‍ അബോധാവസ്ഥയില്‍ കണ്ടെത്തിയ മഞ്ചുനാഥിനെ ആഷുപത്രിയിലേക്ക് മാറ്റാന്‍ മണിക്കൂറുകള്‍ വൈകിയിരുന്നു. ഇന്നലെ വൈകിട്ടോടെ മെഡിക്കല്‍ കോളെജില്‍ എത്തിച്ച് രാത്രി തീവ്രപരിചരണ വിഭാഗത്തിലേക്ക് മാറ്റിയെങ്കിലും മരണപ്പെട്ടു. യുവാവിന്റെ സ്രവം കൊവിഡ് പരിശോധനക്കായി എടുത്തിരിക്കുകയാണ്.
ഇന്നലെ രാവിലെ 10 ന് സഹേദരന്‍ ഭക്ഷണവുമായി എത്തിയപ്പോഴാണ് നേരത്തെ നല്‍കിയ ഭക്ഷണം എടുക്കാത്തത് ശ്രദ്ധയില്‍പ്പെടുകയായിരുന്നു. തുടര്‍ന്ന് നടത്തിയ പരിശോധനയിലാണ് അദ്ദേഹത്തെ അബോധാവസ്ഥയില്‍ കണ്ടെത്തിയത്. ഉടന്‍തന്നെ കാണക്കാരി പ്രാഥമികാരോഗ്യ കേന്ദ്രത്തില്‍ എത്തിക്കുകയായിരുന്നു.
Recommended Video
ആരോഗ്യ വകുപ്പ് അധികൃതര്‍ വീട്ടിലെത്തിയെങ്കിലും യുവാവ് നിരീക്ഷണത്തില്‍ ആയതിനാല്‍ മെഡിക്കല്‍ കോളെജിലേക്ക് കൊണ്ട് പോകാന്‍ നിര്‍ദേശിക്കുകയായിരുന്നു. എന്നാല്‍ രാവിലെ അറിയിച്ചെങ്കിലും ആംബുലന്‍സ് എത്താന്‍ ഏറെ വൈകിയെന്നും ബന്ധുക്കള്‍ ആരോപിച്ചു.
കോട്ടയത്ത് ഇന്നലെ രണ്ട് പേര്‍ക്കായിരുന്നു കൊവിഡ് സ്ഥിരീകരിച്ചത്. ദില്ലിയില്‍ നിന്ന് ജൂണ്‍ 12 ന് എത്തി ഹോം ക്വാറന്റൈനില്‍ കഴിഞ്ഞിരുന്ന കറുകച്ചാല്‍ വെട്ടിക്കാവുങ്കല്‍ സ്വദേശിനി(46)ക്കും മുംബൈയില്‍ നിന്ന് ജൂണ്‍ 19 ന് എത്തി പഴയിടത്തെ ക്വാറന്റൈന്‍ കേന്ദ്രത്തില്‍ കഴിഞ്ഞിരുന്ന കരിക്കാട്ടൂര്‍ സ്വദേശി(31)ക്കുമാണ് രോഗം ബാധിച്ചത്. കറുകച്ചാല്‍ സ്വദേശിനിക്ക് രോഗലക്ഷണങ്ങള്‍ ഉണ്ടായിരുന്നില്ല. തുടര്‍ച്ചയായ ചുമ അനുഭവപ്പെട്ടതിനെ തുടര്‍ന്നാണ് കരിക്കാട്ടൂര്‍ സ്വദേശിയെ പരിശോധനയ്ക്ക് വിധേയനാക്കിയത്. ഇതോടെ രോഗം സ്ഥിരീകരിക്കുകയായിരുന്നു.
നിലവില്‍ 97 പേരാണ് കൊവിഡ് ബാധിതരായി ചികിത്സയിലുള്ളത്. ഇതില്‍ 34 പേര്‍ കോട്ടയം ജനറല്‍ ആശുപത്രിയിലും 30 പേര്‍ പാലാ ജനറല്‍ ആശുപത്രിയിലും 29 പേര്‍ കോട്ടയം മെഡിക്കല്‍ കോളേജ് ആശുപത്രിയിലും നാലു പേര്‍ എറണാകുളം മെഡിക്കല്‍ കോളേജ് ആശുപത്രിയിലുമാണ്. അതേസമയം കേരളത്തില്‍ ഇന്നലെ 123 പേര്‍ക്കാണ് കോവിഡ് ബാധ സ്ഥിരീകരിച്ചത്. പാലക്കാട് 24, ആലപ്പുഴ 18, പത്തനംതിട്ട 13, കൊല്ലം 13, എറണാകുളം 10, തൃശൂര്‍ 10, കണ്ണൂര്‍ 9, കോഴിക്കോട് 7, മലപ്പുറം 6, കാസര്‍കോട് 4, ഇടുക്കി 3, തിരുവനന്തപുരം 2, കോട്ടയം 2, വയനാട് 2 എന്നിങ്ങനെയാണ് പരിശോധനാ ഫലം പോസിറ്റീവായവരുടെ ജില്ല തിരിച്ചുള്ള കണക്ക്.
