പാറമടക്കുളത്തില് മുങ്ങിയ ലോറി പുറത്തെടുത്തു; ഡ്രൈവറുടെ മൃതദേഹം ക്യാബിനില് കുടുങ്ങിയ നിലയില്
കോട്ടയം: മറിയപ്പള്ളിയില് പാറമടക്കുളത്തിലേക്ക് വീണ് കാണാതായ ലോറി ഡ്രൈവറുടെ മൃതദേഹം കണ്ടെത്തി. ലോറി കുളത്തില് നിന്ന് പുറത്തെടുത്തപ്പോഴാണ് ഡ്രൈവറുടെ മൃതദേഹം ലഭിച്ചത്. തിരുവനന്തപുരം കരുമാനൂര് പാറശാല സ്വദേശി എസ് എസ് ഭവനില് ബി അജികുമാര് (48) ആണ് മരിച്ചത്. ലോറിയുടെ ക്യാബിനില് കുടുങ്ങിയ നിലയിലായിരുന്നു മൃതദേഹം നിന്നിരുന്നത്. പാറമടക്കുളത്തില് മുങ്ങിപ്പോയ ലോറി ശനിയാഴ്ച വൈകിട്ട് നാല് മണിയോടെ രണ്ട് ക്രെയിന് ഉപയോഗിച്ചാണ് ഉയര്ത്തിയെടുത്തത്.
വെള്ളിയാഴ്ച രാത്രി 9.15ന് മുട്ടം പാറമടക്കുളത്തിലാണു 10 ടണ്ണോളം വളം കയറ്റി വന്ന ലോറി വീണത്. പുലര്ച്ചെ 12.30ന് അഗ്നിരക്ഷാസേനയുടെ മുങ്ങല് വിദഗ്ധര് നടത്തിയ തിരച്ചിലില് ലോറി കണ്ടെത്തി. എന്നാല് ഡ്രൈവര് ലോറിക്കുള്ളിലുണ്ടോ എന്ന് ഉറപ്പാക്കാനായിരുന്നില്ല. പ്രദേശത്തെ വളം ഡിപ്പോയില്നിന്നു യൂറിയ, ഫാക്ടം ഫോസ്, പൊട്ടാഷ് എന്നിവ കയറ്റി ആലപ്പുഴ ചേപ്പാടിലേക്കു പോവുകയായിരുന്ന ലോറിയാണ് അപകടത്തില്പ്പെട്ടത്. വളവ് തിരിയുന്നതിനിടെ മണല് തിട്ടയിടിഞ്ഞ് 60 അടിയോളം താഴ്ചയുള്ള പാറമടയില് വീഴുകയായിരുന്നു.
അപകടം നടക്കുമ്പോള് ഡ്രൈവര് മാത്രമേ ലോറിയില് ഉണ്ടായിരുന്നുള്ളൂ. ശബ്ദം കേട്ട സമീപവാസികളാണ് അപകടസ്ഥലത്തേക്ക് ആദ്യമെത്തിയത്. ചിങ്ങവനം പൊലീസും അഗ്നിരക്ഷാ സേനയും എത്തിയപ്പോഴേക്കും ലോറി താഴ്ചയിലേക്ക് പോയി. അഗ്നിരക്ഷാ സേന റബര് ഡിങ്കിയുടെ സഹായത്തോടെ രാത്രി വൈകിയും തിരച്ചില് നടത്തിയിരുന്നു. ചെളിയും പുല്ലും നിറഞ്ഞ നിലയിലുള്ള കുളത്തിന്റെ ആഴം അളക്കാനുള്ള ശ്രമവും നടത്തി. ഇതിനിടെ ലോറി ഉയര്ത്തുന്നതിനായി ക്രെയിന് എത്തിച്ചു.
പാറക്കുളത്തിനു സമീപത്തെ ഇടുങ്ങിയ റോഡ്, മണ്ണുമാന്തി യന്ത്രം ഉപയോഗിച്ചു സമീപത്തെ മതില് ഇടിച്ചു വഴി വലുതാക്കിയ ശേഷമാണ് ക്രെയിന് ഉപയോഗിച്ച് രക്ഷാപ്രവര്ത്തനം നടത്തിയത്. ചെളിയും ലോറിയുടെ ഭാരവും കാരണം ക്രെയിന് ഉപയോഗിക്കുന്ന വടം പലതവണ പൊട്ടിയത് രക്ഷാപ്രവര്ത്തനം ദുഷ്കരമാക്കി.
സംഭവം അറിഞ്ഞ് ചിങ്ങവനം സ്റ്റേഷന് ഹൗസ് ഓഫിസര് ടി.ആര്.ജിജു, എസ്ഐ ജോണ്സണ് എന്നിവര് സ്ഥലത്തെത്തിയിരുന്നു. മന്ത്രി വി എന് വാസവന്, തിരുവഞ്ചൂര് രാധാകൃഷ്ണന് എം എല് എ, ജില്ലാ കളക്ടര് പി കെ ജയശ്രീ, നഗരസഭ ചെയര്പഴ്സന് ബിന്സി സെബാസ്റ്റ്യന് തുടങ്ങിയവര് സ്ഥലത്തെത്തി രക്ഷാപ്രവര്ത്തനത്തിന് നേതൃത്വം നല്കി. വൈകിട്ട് 5 ന് ലോഡ് കയറ്റാന് എത്തിയ ഡ്രൈവര്ക്ക് ശാരീരിക അസ്വസ്ഥത ഉണ്ടായിരുന്നെന്ന് ഏജന്സി ഉടമ എം ആര് രാജേന്ദ്രക്കുറുപ്പ് പറഞ്ഞു.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google