തിരുമേനിയെ മാറ്റിനിര്ത്തിയാല് അത് അനീതിയാകും; പഴയിടത്തെ സന്ദര്ശിച്ച് വിഎന് വാസവന്
കോട്ടയം: സംസ്ഥാന സ്കൂള് കലോത്സവത്തിലെ ഭക്ഷണ വിവാദത്തിന്റെ പശ്ചാത്തലത്തില് പഴയിടം മോഹനന് നമ്പൂതിരിയുടെ വീട് സന്ദര്ശിച്ച് മന്ത്രി വി എന് വാസവന്. സി പി ഐം എം ആംരംഭിച്ച ഗൃഹ സന്ദര്ശനത്തിന്റെ ഭാഗമായാണ് വി എന് വാസവന് പഴയിടം മോഹനന് നമ്പൂതിരിയുടെ വീട്ടിലെത്തിയത്. സര്ക്കാര് പഴയിടം മോഹനന് നമ്പൂതിരിക്കൊപ്പമാണ് എന്ന് അദ്ദേഹത്തിന് പിന്തുണ അറിയിച്ച് കൊണ്ട് വി എന് വാസന് വ്യക്തമാക്കി.
പഴയിടം മോഹനന് നമ്പൂതിരി മനുഷ്യ നന്മയും ധാര്മികതയും ഉയര്ത്തി പിടിക്കുന്ന ആളാണ് എന്ന് വി എന് വാസവന് കൂട്ടിച്ചേര്ത്തു. മഹാമാരിയുടെ കാലത്ത് സന്മനസ്സ് കാണിച്ച പഴയിടം നമ്പൂതിരിയെ തങ്ങള്ക്ക് മാറ്റി നിര്ത്താനാകില്ല എന്നും അങ്ങനെ ചെയ്താല് അത് വലിയ അനീതിയാകും എന്നും വി എന് വാസവന് പറഞ്ഞു. നിരവധി സന്ദര്ഭങ്ങളില് പഴയിടം തങ്ങള് അഭ്യര്ത്ഥിച്ച് പ്രകാരം പലര്ക്കായി സഹായി നല്കിയിട്ടുണ്ട് എന്നും വി എന് വാസവന് അനുസ്മരിച്ചു.
പഴയിടത്തിന്റേത് നന്മ നിറഞ്ഞ മനസാണ്. പാവപ്പെട്ടവരുടെ വിവാഹത്തിന് ഭക്ഷണം നല്കിയിട്ടുണ്ട് അദ്ദേഹം. സ്കൂള് കലോത്സവത്തിലെ ഭക്ഷണവിവാദത്തില് പഴയിടം മോഹനന് നമ്പൂതിരിക്കുണ്ടായ മനപ്രയാസത്തില് താനും പങ്ക് ചേരുന്നു എന്നും മമന്ത്രി പറഞ്ഞു. വിവാദത്തിന്റെ സമയത്ത് തന്നെ പഴയിടം മോഹനന് നമ്പൂതിരിയെ വിളിച്ച് പിന്തുണ അറിയിച്ചിരുന്നു എന്നും എന്നും വി എന് വാസവന് വ്യക്തമാക്കി.
അതേസമയം വി എന് വാസവന്റെ സന്ദര്ശം ഒരു ജ്യേഷ്ഠ സഹോദരന്റെ സന്ദര്ശനമായാണ് കാണുന്നത് എന്ന് പഴയിടം മോഹനന് നമ്പൂതിരിയും പ്രതികരിച്ചു. സര്ക്കാരിന്റെ പ്രതിനിധിയായിട്ടല്ല വാസവന്റെ സന്ദര്ശനത്തെ കാണുന്നത് എന്നും അദ്ദേഹം പറഞ്ഞു. തനിക്ക് ചെറിയ ആശങ്കകളുണ്ടായിരുന്നു എന്നും അതിനെ കുറിച്ച് പറഞ്ഞ് കഴിഞ്ഞു എന്നും പഴയിടം പറഞ്ഞു. എന്നാല് തീരുമാനത്തിലേക്കെത്താന് കുറച്ച് സമയമെടുക്കും എന്നും അദ്ദേഹം വ്യക്തമാക്കി.
അതേസമയം വി എന് വാസവന്റെ സന്ദര്ശനത്തോട് അനുബന്ധിച്ച് പഴയിടം തന്റെ വീട്ടില് ഭക്ഷണമൊരുക്കിയിരുന്നു. എന്നാല് ഗൃഹസന്ദര്ശനത്തിനിടെ ഓരോ വീടും കയറിയിറങ്ങേണ്ടി വന്നപ്പോള് മുന് നിശ്ചയപ്രകാരമല്ലാതെ മറ്റൊരു വീട്ടില് നിന്ന് ഭക്ഷണം കഴിക്കേണ്ടി വന്നു എന്ന് വി എന് വാസവന് പറഞ്ഞു. പഴയിടത്തിന്റെ വീട്ടില് നിന്ന് ഭക്ഷണം കഴിക്കാനായിരുന്നു പദ്ധതി എന്നും അദ്ദേഹം പറഞ്ഞു.
എന്നാല് അത് കുഴപ്പമില്ലെന്നും ഇലയിട്ട് എല്ലാം ഒരുക്കി വെച്ചിരിക്കുകയായിരുന്നു എന്നും പഴയിടം മോഹനന് നമ്പൂതിരി വി എന് വാസനോട് പറഞ്ഞു. അതേസമയം കലോത്സവത്തിന് ഇനി ഭക്ഷണം ഒരുക്കില്ലെന്ന് പഴയിടം പറഞ്ഞതിനെ കുറിച്ച് മന്ത്രിയോട് സൂചിപ്പിച്ചപ്പോള് ഏത് നല്ല കാര്യത്തിന്റെ മുന്പിലും അദ്ദേഹം വരും എന്നും ഒരിക്കലും സമൂഹത്തോട് പുറം തിരിഞ്ഞ് നില്ക്കുന്നയാളല്ല തിരുമേനി എന്നുമായിരുന്നു വി എന് വാസവന്റെ മറുപടി.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google