മുസ്ലീങ്ങളുടെ കടയിൽ നിന്ന് സാധനങ്ങൾ വാങ്ങരുത്; വര്ഗീയ പരാമർശവുമായി വൈദികൻ, പ്രതിഷേധിച്ച് കന്യാസ്ത്രീകൾ
കോട്ടയം: കുര്ബാനയ്ക്കിടെ വര്ഗീയ പരാമര്ശം നടത്തിയ വൈദികനെതിരെ പ്രതിഷേധവുമായി കുറുവിലങ്ങാട് മഠത്തിലെ കന്യാസ്ത്രീകള് രംഗത്ത്. വൈദിന് മുസ്ലീം വിരുദ്ധ പരാമര്ശം നടത്തിയെന്നാണ് കന്യാസ്ത്രീകള് പറയുന്നത്. മുസ്ലീങ്ങളുടെ കടയില് നിന്നും സാധനങ്ങള് വാങ്ങരുതെന്നും ഓട്ടോയില് കയറരുത് എന്നൊക്കെയാണ് വൈദിന്റെ പരാമര്ശമെന്ന് കന്യാസ്ത്രീകള് വ്യക്തമാക്കുന്നു. പാല ബിഷപ്പിന്റെ നാര്ക്കോട്ടിക് ജിഹാദ് വിവാദമായ സാഹചര്യത്തിനിടെയാണ് കോട്ടയത്ത് നിന്നും മറ്റൊരു സംഭവം റിപ്പോര്ട്ട് ചെയ്യുന്നത്.
മഠത്തിലെ ചാപ്പലിലെ കുര്ബാനക്കിടെയാണ് വൈദികന് വര്ഗീയ പരാമര്ശം നടത്തിയെന്നും ഇതിനെ എതിര്ത്തുവെന്നും കന്യാസ്തീ സംഘത്തിലൊരാളായ സിസ്റ്റര് അനുപമ പറഞ്ഞു. പ്രതിഷേധത്തിന്റെ ഭാഗമായി ചാപ്പലില്നിന്ന് കുര്ബാന കൂടാതെ ഇറങ്ങിപ്പോയെന്നും സിസ്റ്റര് അനുപമ പറഞ്ഞു. പാലാ ബിഷപ്പിന്റെ നാര്കോട്ടിക് ജിഹാദ് പ്രസ്താവന ശരിവച്ച് കൊണ്ടായിരുന്നു വൈദികന് ഇക്കാര്യങ്ങള് പറഞ്ഞത്.
അതേസമയം, വൈദികന്റെ പരാമര്ശത്തെ പിന്തുണക്കുന്നില്ലെന്നും കന്യാസ്ത്രീകള് മാധ്യമങ്ങളോട് വ്യക്തമാക്കി. അന്തേവാസികളായ നാലുപേരും 12 കന്യാസ്ത്രീകളും മാത്രമാണ് കുര്ബാനയില് പങ്കെടുത്തിരുന്നത്. പുറത്തുനിന്ന് വിശ്വാസികളാരും ഉണ്ടായിരുന്നില്ല. ഇംഗ്ലീഷിലായിരുന്നു വൈദികന് സംസാരിച്ചതെന്നും കന്യാസ്ത്രീകള് വ്യക്തമാക്കുന്നു.
പീഡനക്കേസില് അറസ്റ്റിലായ ജലന്ധര് ബിഷപ്പ് ഫ്രാങ്കോ മുളയ്ക്കലിനെതിരെ ശക്തമായ നിലപാട് സ്വീകരിച്ച കന്യാസ്ത്രീകളാണ് ഇവര്. ക്രിസ്തു പഠിപ്പിച്ചിരിക്കുന്നത് വര്ഗീയത വിതയ്ക്കാനല്ലെന്നും പരസ്പരം സ്നേഹിക്കാനാണെന്നുമാണ് കന്യാസ്ത്രീകള് പറയുന്നത്. കന്യാസ്ത്രീകളായ അനുപമ, ആല്ഫി, നീനാ റോസ്, ജോസഫിന് എന്നിവരാണ് വൈദികനെതിരേ ആരോപണം ഉന്നയിച്ചത്. വൈദികന്റെ വര്ഗീയ പ്രസംഗത്തിനിടെ കന്യാസ്ത്രീകള് പ്രതിഷേധിച്ച് ഇറങ്ങിപ്പോവുകയും ചെയ്തു.
ക്രിസ്ത്യാനികള്ക്ക് പലര്ക്കും കുട്ടികള് ഉണ്ടാകാതിരിക്കുന്നതുതന്നെ അതിനായി ചില മരുന്നുകള് പ്രയോഗിക്കുന്നതുകൊണ്ടാണെന്ന് വൈദികന് ഇന്നത്തെ പ്രസംഗത്തില് പറഞ്ഞതായി കന്യാസ്ത്രീകള് ആരോപിക്കുന്നു. ഇത് ആദ്യമായല്ല ഈ വൈദികന് വര്ഗീയ പരാമര്ശം നടത്തുന്നത്. ഇതിന് മുന്പും മുസ്ലിം വിഭാഗത്തില് അവഹേളിച്ചുകൊണ്ട് പ്രസംഗിക്കാറ് പതിവാണെന്നും നാദിര്ഷയുടെ ഏറ്റവും പുതിയ ചിത്രമായ ഈശോയുമായി ബന്ധപ്പെട്ടും ഇത്തരം പരാമര്ശനം നടത്തിയെന്നും ആരോപണമുണ്ട്.
മുസ്ലിം സമുദായത്തില്പ്പെട്ട നിരവധി പേരുമായി ഇടപെടാറുണ്ട്. അവരില്നിന്നൊന്നും മോശം അനുഭവം ഉണ്ടായിട്ടില്ല. ക്രിസ്തു പഠിപ്പിച്ചിരിക്കുന്നത് വര്ഗീയത വിതയ്ക്കാനല്ല. അയല്ക്കാരെയും മറ്റുള്ളവരെയും സ്നേഹിക്കാനാണ്. ആ മാര്ഗത്തിന് വിരുദ്ധമായി പോകുന്നത് കണ്ടപ്പോള് പ്രതികരിക്കാതിരിക്കാന് സാധിച്ചില്ലെന്നും കന്യാസ്ത്രീകള് പറഞ്ഞു.
അതേസമയം, പാല ബിഷപ്പിന്റെ നാര്ക്കോട്ടിക് ജിഹാദ് പരാമര്ശം വലിയ വിവാദമാണ് സൃഷ്ടിച്ചിരിക്കുന്നത്. സാമൂഹിക രാഷ്ട്രീയ മേഖലയിലുള്ളവര് ഇതിനെതിരെ രൂക്ഷവിമര്ശനമാണ് ഉന്നയിക്കുന്നത്. സമമുദായങ്ങള് തമ്മില് വര്ഗീയ വളര്ത്താനെ ഇത് ഉപകരിക്കുകയുള്ളൂ എന്നാണ് വിമര്ശകര് ഉന്നയിക്കുന്ന ആരോപണം.
-
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി -
ജയിച്ച ആദ്യ സിനിമാക്കാരൻ എംഎൽഎ ആയില്ല- നിയമസഭയിലെ സിനിമാ വിശേഷങ്ങൾ
Click it and Unblock the Notifications
Sign in with Google