ശ്രദ്ധേയമായി ജീവനക്കാരുടെ പങ്കാളിത്തം ; സിവില് സ്റ്റേഷനും പരിസരവും ശുചീകരിച്ചു
കോഴിക്കോട്: ജില്ലാ ഭരണകൂടത്തിന്റെ ആഭിമുഖ്യത്തില് ഹരിതകേരളമിഷന് മറ്റ് വകുപ്പുകളുമായി ചേര്ന്ന് സിവില് സ്റ്റേഷന് പരിസരം ശുചീകരിച്ചു. ജില്ലാ കലക്ടര് സാംബശിവറാവുവിന്റെ നേതൃത്വത്തിലാണ് മുഴുവന് ജീവനക്കാരും ചൂലും കൊട്ടയും അരിവാളും തൂമ്പയുമായി സിവില് സ്റ്റേഷന് പരിസരം വൃത്തിയാക്കാനിറങ്ങിയത്. എരഞ്ഞിപ്പാലത്ത് പ്രവര്ത്തിക്കുന്ന പ്രീറിക്രൂട്ടമെന്റ് ട്രെയിനിംഗ് സെന്ററില് നിന്ന് അഡ്മിനിസ്ട്രേറ്റീവ് നവാസ് ജാന്, ക്യാപ്റ്റന് സറീന നവാസ് എന്നിവരുടെ നേതൃത്വത്തില് 25 പേരടങ്ങുന്ന വളണ്ടിയര്മാരുടെ സേവനവും ലഭിച്ചു.
ഉച്ചയ്ക്ക് രണ്ട് മുതല് ആറ് വരെയായിരുന്നു ശുചീകരണം. ഓരോ ഓഫീസിനും സ്വന്തം ഓഫീസും പരിസരവും കൂടാതെ ശുചീകരണത്തിന് പ്രത്യേക ഭാഗങ്ങള് നിര്ണയിച്ച് നല്കിയിരുന്നു. ഇതിനായി ഹരിതകേരള മിഷന്റെ നേതൃത്വത്തില് ഓഫീസുകളെ 18 ക്ലസ്റ്ററുകളായി തിരിച്ച് ഓരോ ക്ലസ്റ്ററിനും തെരഞ്ഞെടുത്ത ഒരു ഉദ്യോഗസ്ഥന് ചുമതല നല്കിയാണ് പ്രവൃത്തി നടത്തിയത്. ജില്ലാ ശുചിത്വമിഷന്, ആരോഗ്യവകുപ്പ് എന്നിവരുടെ നേതൃത്വത്തില് ശുചീകരണത്തിനാവശ്യമായ മാസ്ക്, കയ്യുറ, പ്രതിരോധ ഗുളിക, ചാക്ക് എന്നിവ വിതരണം ചെയ്തു.
കാട് വെട്ടിത്തെളിച്ച് അനാവശ്യമായി കൂട്ടിയിട്ട മുഴുവന് സാധനങ്ങളും സിവില് സ്റ്റേഷന് പരിസരത്ത് നിന്ന് മാറ്റി. കടലാസ്, പ്ലാസ്റ്റിക് മാലിന്യങ്ങള്, ജൈവമാലിന്യങ്ങള് എന്നിങ്ങനെ വേര്തിരിച്ചാണ് ചപ്പുചവറുകള് പെറുക്കി സംസ്കരിക്കുന്നതിനായി നീക്കിയത്. ശുചീകരണത്തിന് ശേഷം ജൈവ അജൈവ മാലിന്യങ്ങള് പ്രത്യേകം തരം തിരിച്ചു. ശേഖരിച്ച നാല് ലോഡ് അജൈവ വസ്തുക്കള് ഗ്രീന് എന്വിറോണ് ഏജന്സിയുടെ നേതൃത്വത്തില് സംസ്കരണത്തിന് അയച്ചു. ജില്ലാ കലക്ടര് മുഴുവന് ഓഫീസുകളിലും സന്ദര്ശനം നടത്തി ശുചീകരണം വിലയിരുത്തി. എല്ലാ മാസവും രണ്ട് മണിക്കൂര് ഓഫീസും പരിസരവും ശുചീകരിക്കുന്നതിന് മാറ്റി വെക്കാനും നിര്ദ്ദേശം നല്കി.
കലക്ടറേറ്റ് പരിസരത്ത് ജില്ലാ പഞ്ചായത്ത് പ്രസിഡന്റ് ബാബു പറശ്ശേരി, ജില്ലാ കലക്ടര് സാംബശിവറാവു എന്നിവര് ചേര്ന്ന് ശുചീകരണ പ്രവര്ത്തനം ഉദ്ഘാടനം ചെയ്തു. എഡിഎം ഇ.പി മെഴ്സി, വിവിധ വകുപ്പുകളുടെ ജില്ലാതല ഉദ്യോഗസ്ഥര് എന്നിവര് പങ്കെടുത്തു. സംസ്ഥാനത്തുടനീളം പരിസര ശുചീകരണവുമായി ബന്ധപ്പെട്ട് ആരോഗ്യ ജാഗ്രതാ പരിപാടികള് നടക്കുന്നതിന്റെ ഭാഗമായാണ് ശുചീകരണം.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google