കൊവിഡ് നിയന്ത്രണത്തിലും സിപിഎമ്മിന്റെ മെഗാതിരുവാതിര; എംഎ ബേബി അടക്കമുള്ളവര് കാഴ്ചക്കാര്
തിരുവനന്തപുരം: സംസ്ഥാനത്ത് കൊവിഡ് കേസുകള് വര്ദ്ധിച്ചുവരികയാണെന്നും കൂടുതല് ജാഗ്രത പാലിക്കണമെന്ന മുന്നറിയിപ്പ് കഴിഞ്ഞ ദിവസമാണ് ആരോഗ്യമന്ത്രി വീണ ജോര്ജ് അറിയിച്ചത്. കഴിഞ്ഞ ആഴ്ചയെക്കാള് ഈ ആഴ്ചയില് കോവിഡ് കേസുകളുടെ എണ്ണത്തില് 100 ശതമാനം വര്ധനവ് ഉണ്ടായി. ആരോഗ്യ പ്രവര്ത്തകര്ക്കും കൂടുതലായി കോവിഡ് ബാധിക്കുന്നതായാണ് റിപ്പോര്ട്ട്.
രോഗ വ്യാപനത്തിന്റെ പശ്ചാത്തലത്തില് ആള്ക്കൂട്ട നിയന്ത്രണം സംസ്ഥാനത്ത് പ്രാബല്യത്തില് വന്നിരുന്നു. എന്നാല് ഈ നിയന്ത്രണങ്ങള് എല്ലാം ലംഘിച്ച് തിരുവനന്തപുരത്ത് അഞ്ഞൂറിലേറെ പേര് പങ്കെടുത്ത സമൂഹ തീരുവാതിര സംഘടിപ്പിച്ച് സിപിഎം. ജില്ലാ സമ്മേളനത്തിന് മുന്നോടിയായി പാറശാലിയിലാണ് പാര്ട്ടിയുടെ നേതൃത്വത്തില് മേഗാ തീരുവാതിര സംഘടിപ്പിച്ചത്. കൊവിഡിന്റെ പശ്ചാത്തലത്തില് ആള്ക്കൂട്ട നിയന്ത്രിക്കാനായി സര്ക്കാര് ശക്തമായ നടപടികള് എടുക്കുമ്പോഴാണ് സിപിഎം പോളിറ്റ് ബ്യൂറോ അംഗമടക്കം നിയന്ത്രണങ്ങള് ലംഘിച്ചത്.
പാറശ്ശാല ഏരിയ കമ്മിറ്റിയിലെ 501 സ്ത്രീകള് ആണ് സമൂഹ തിരുവാതിരയില് പങ്കെടുത്തത്. കാഴ്ചക്കാരായി നിരവധി പേര് എത്തിയിരുന്നു. സിപിഎമ്മിന്റെ പോളിറ്റ് ബ്യൂറോ അംഗം എം എ ബേബിയും ജില്ലാ സെക്രട്ടറി ആനാവൂര് നാഗപ്പനും കാഴ്ചക്കാരായി എത്തിയിരുന്നു. നിയന്ത്രണങ്ങള് ലംഘിച്ച് ആളുകള് കൂടിയിട്ടും പൊലീസ് ഇതൊന്നും കാണാതെ സുരക്ഷയൊരുക്കി. ഭരിക്കുന്ന പാര്ട്ടി.ുടെ നേതൃത്വത്തില് തന്നെ ഇത്തരമൊരു നടപടിയുണ്ടായത് വിമര്ശനങ്ങള്ക്ക് ഇടയാക്കിയിട്ടുണ്ട്.
കൊവിഡ് കേസുകളുടെ പശ്ചാത്തലത്തില് പൊതു ചടങ്ങുകളില് പങ്കെടുക്കുന്ന ആള്ക്കാരുടെ എണ്ണത്തില് നിയന്ത്രണം ഏര്പ്പെടുത്തിയിരുന്നു. വിവാഹ- മരണാനന്തര ചടങ്ങുകളില് പങ്കെടുക്കുന്നവരുടെ എണ്ണം പരമാവധി 50 പേരായി ചുരുക്കി. പൊതുപരിപാടികള് ഓണ്ലൈനായി നടത്താനും നിര്ദ്ദേശിച്ചിരുന്നു.
അതേസമയം, കോവിഡ് പ്രോട്ടോകോള് പാലിക്കാതെയുള്ള ആള്ക്കൂട്ടം ഉണ്ടാകാതിരിക്കാന് എല്ലാവരും ശ്രദ്ധിക്കണം. എല്ലാ യോഗങ്ങളും കോവിഡ് പ്രോട്ടോകോള് പാലിച്ച് നടത്തേണ്ടതാണെന്നും കഴിഞ്ഞ ദിവസം ആരോഗ്യ മന്ത്രിയും അറിയിച്ചിരുന്നു. കൊവിഡ് വര്ധിക്കുന്ന സാഹചര്യത്തില് ആരോഗ്യ വകുപ്പിന്റെ നേതൃത്വത്തില് 13 കമ്മിറ്റികള് പുനസംഘടിപ്പിച്ചിട്ടുണ്ട്. 416.63 മെട്രിക് ടണ് ഓക്സിജനാണ് സംസ്ഥാനത്ത് ഉത്പാദിക്കപ്പെടുന്നത്. കേന്ദ്ര സര്ക്കാരിന്റെ മാര്ഗനിര്ദേശമനുസരിച്ചുള്ള പരിശോധനയാണ് നടത്തുന്നത്. പ്രായമുള്ളവര്, മറ്റനുബന്ധ രോഗങ്ങളുള്ളവര് എന്നിവര് പ്രത്യേകം ശ്രദ്ധിക്കണം. ജീവിതശൈലീ രോഗമുള്ളവര്ക്കുള്ള മരുന്നുകള് വീടുകളിലെത്തിക്കാന് നിര്ദേശം നല്കിയിട്ടുണ്ട്. അതിന് വേണ്ടി അവര് ആരോഗ്യ കേന്ദ്രത്തിലേക്ക് എത്തേണ്ടതില്ല. അനാവശ്യ യാത്രകള് എല്ലാവരും ഒഴിവാക്കണം.
കഴിഞ്ഞ ആഴ്ചയുമായി താരതമ്യം ചെയ്യുമ്പോള് 20 വയസു മുതല് 40 വയസുവരെയുള്ളവരിലാണ് കേസുകള് കൂടുതലായി കണ്ടിട്ടുള്ളത്. ക്രിസ്തുമസ്, ന്യൂ ഇയര് കാലമായതിനാല് സമൂഹവുമായി ധാരാളം ഇടപഴകിയിരുന്നു. സമ്പര്ക്കത്തിലൂടെയാണ് ഇവര്ക്ക് രോഗം ബാധിച്ചത്.
Click it and Unblock the Notifications
Sign in with Google