പാലക്കാട്ടെ കൊമ്പനെ മെരുക്കിയെടുക്കാന് മുത്തങ്ങയിലെ സംഘം: കൂടൊരുക്കി തുടങ്ങി
കല്പറ്റ: പാലക്കാട്ടില് പ്രശ്നങ്ങള് ഉണ്ടാക്കി കൊണ്ടിരിക്കുന്ന കൊമ്പനെ ഒന്ന് മെരുക്കാന് വയനാട്ടിലെ സംഘം. മുത്തങ്ങയില് ഈ കാട്ടുകൊമ്പനായി കൂടൊരുങ്ങുകയാണ്. പാലക്കാട്ടെ ധോണി വനമേഖലയില് നിന്ന് നാട്ടിലിറങ്ങി സ്ഥിരം പ്രശ്നങ്ങളുണ്ടാക്കുന്ന കൊമ്പനെ മയക്കുവെടി വെച്ച് പിടിക്കാന് ഉത്തരവായതോടെയാണ് മുത്തങ്ങയിലും ഒരുക്കങ്ങള് തുടങ്ങിയത്.
ഈ ആനയെ മെരുക്കിയെടുക്കുന്നതിനും മറ്റുള്ളവരുമായി ഇണങ്ങാന് പഠിപ്പിക്കുന്നതിനും മുത്തങ്ങ ആന പരിശീലന കേന്ദ്രം സഹായിക്കും. ഇവിടെ മാസങ്ങളോളം കൂട്ടിലായിരിക്കും ഈ ആന. അങ്ങനെയാണ് ഇതിനെ മെരുക്കിയെടുക്കുക. വമ്പന് കൂടാണ് ഒരുങ്ങുന്നത്.
പാലക്കാട്ടെ കൊമ്പനെ മുത്തങ്ങയിലെ മിടുക്കനായ കുങ്കിയാനയായി മാറ്റാന് ഈ പരിശീലനം കൊണ്ട് സാധിക്കും. പതിനൊന്ന് ആനകള് ഉള്ള മുത്തങ്ങ പന്തിയിലേക്ക് പന്ത്രണ്ടാമനായാണ് പാലക്കാട് കൊമ്പന് വരുന്നത്. 15 അടി വീതിയിലും 15 അടി നീളത്തിലും, പതിനെട്ടടി ഉയരത്തിലുമാണ് ആനക്കൊട്ടില് നിര്മിക്കുന്നത്.
നാട്ടാനകളെ നിര്ത്താനായി പണിതെടുക്കുന്ന തരത്തില് അല്ല ഈ കൂടിന്റെ നിര്മാണമം. അതേസമയം കൊമ്പനെ മയക്കുവെടി വെച്ച് പിടിക്കുന്നതിനും മുത്തങ്ങയില് എത്തിക്കുന്നതിനും 22 അംഗ വനപാലക സംഘമാണ് വയനാട് വന്യജീവി സങ്കേതത്തില് നിന്ന് യാത്രയാവുക.
Skin Care: റെഡ് വൈന് അത്ര നിസ്സാരക്കാരനല്ല; ചര്മത്തിന് കിട്ടാന് പോകുന്നത് ഇതാ ഈ ഗുണങ്ങള്!!
കൂട് നിര്മാണം പൂര്ത്തിയാക്കി പത്തൊന്പതിന് ശേഷം പാലക്കാട്ടേക്ക് ഇവര് തിരിക്കും. നേരത്തെ ഡോക്ടര് അജേഷ് മോഹന്ദാസിന്റെ നേതൃത്വത്തിലുള്ള സംഘം കഴിഞ്ഞ ഒരാഴ്ച്ച പാലക്കാട് ക്യാമ്പ് ചെയ്ത് കാട്ടാനയുടെ സ്വഭാവ സവിശേഷതകള് പഠിച്ചിരുന്നു. ഒപ്പം ദൗത്യം നടപ്പാക്കേണ്ട കാടിന്റെ പ്രത്യേകതകളും മനസ്സിലാക്കിയിരുന്നു.
ഈ കാട്ടില് ഏതെങ്കിലും ഭാഗത്തായി ഈ ആന സ്ഥിരമായി തമ്പടിക്കാറുണ്ട്. തുടര്ന്ന് വൈകീട്ട് ആറ് മണിക്കാണ് നാട്ടിലിറങ്ങുക. സ്ഥിരം രീതിയാണിത്. അതേസമയം വയനാട്ടില്നിന്നുള്ള മൂന്ന് കുങ്കിയാനകളും കൊമ്പനെ പിടിക്കാനായി പാലക്കാട്ടേക്ക് യാത്ര തിരിക്കും. ഇവയ്ക്കായി ലോറി ആംബുലന്സുകളും തയ്യാറാക്കിയിട്ടുണ്ട്.
Click it and Unblock the Notifications
Sign in with Google