അമേരിക്കന് തീരുമാനം ഇസ്രായേലിന്റെ നാശത്തിന്റെ തുടക്കമെന്ന് ഹിസ്ബുല്ല; ഇസ്രായേലിനെതിരേ ഒന്നിക്കാന് ആഹ്വാനം
ബെയ്റൂത്ത്: ഇസ്രായേലിന്റെ തലസ്ഥാനമായി ജെറൂസലേമിനെ അംഗീകരിക്കാനുള്ള അമേരിക്കന് പ്രസിഡന്റ് ഡൊണാള്ഡ് ട്രംപിന്റെ മണ്ടന് തീരുമാനം ഇസ്രായേലിന്റെ നാശത്തിന്റെ തുടക്കമാണ് ലബനാനിലെ ഹിസ്ബുല്ല തലവന് ഹസന് നസ്റുല്ല. ബെയ്റൂത്തില് നടന്ന പ്രതിഷേധ റാലിയെ അഭിസംബോധന ചെയ്ത് സംസാരിക്കുകയായിരുന്നു ശിയാ അനുകൂല സായുധ സംഘമായ ഹിസ്ബുല്ലയുടെ നേതാവ്. മേഖലയിലെ വിജയകരമായ ഇടപെടലുകള്ക്ക് ശേഷം ഇനി ഫലസ്തീന് വിഷയത്തില് തങ്ങള് ശ്രദ്ധകേന്ദ്രീകരിക്കുകയാണെന്ന് അദ്ദേഹം വ്യക്തമാക്കി. ഇസ്രായേലിനെ നേരിടാന് എല്ലാവരും ഒറ്റക്കെട്ടായി തന്ത്രങ്ങള്ക്ക് രൂപം നല്കണമെന്നും അദ്ദേഹം ആഹ്വാനം ചെയ്തു.
ലബനാന് തലസ്ഥാനമായ ബെയ്റൂത്തില് നടന്ന പ്രതിഷേധ പ്രകടനത്തില് പതിനായിരക്കണക്കിന് ഹിസ്ബുല്ല പ്രവര്ത്തകരാണ് അണിനിരന്നത്. അമേരിക്കയ്ക്ക് മരണം, ഇസ്രായേലിന് മരണം തുടങ്ങിയ മുദ്രാവാക്യങ്ങള് അവര് മുഴക്കി. ജെറൂസലേം എന്നും ഫലസ്തീന് തലസ്ഥാനം, ജെറൂസലേം നമ്മുടേത് തുടങ്ങിയ ബാനറുകളുമായായിരുന്നു പ്രകടനം. സിറിയയില് ഇസ്ലാമിക് സ്റ്റേറ്റ് ഭീകരര്ക്കും സര്ക്കാര് വിരുദ്ധ വിമതര്ക്കുമെതിരായ സൈനിക നടപടിയില് സഹകരിച്ച് വിജയകരമായി മടങ്ങിയതിന്റെ ആവേശത്തിലാണ് ഹിസ്ബുല്ല നേതാവിന്റെ പ്രഖ്യാപനം.
ഫലസ്തീനികളുടെ അവകാശങ്ങള് കവര്ന്നെടുക്കാനുള്ള അമേരിക്കയുടെ മറ്റൊരു നീക്കമാണ് ട്രംപിന്റെ ജെറൂസലേം തീരുമാനത്തിലൂടെ വ്യക്തമായതെന്നും നസ്റുല്ല കുറ്റപ്പെടുത്തി. അമേരിക്കന് തീരുമാനത്തിനെതിരേ മുസ്ലിം ലോകത്ത് പ്രതിഷേധം പുകയുന്നതിനിടയിലാണ് ഇറാന് അനുകൂല സംഘടനയുടെ പ്രഖ്യാപനം വന്നിരിക്കുന്നത് എന്നതും ശ്രദ്ധേയമാണ്. നാലര ലക്ഷത്തിലേറെ ഫലസ്തീന് അഭയാര്ഥികള് കഴിയുന്ന രാജ്യമാണ് ലബനാന്. 1948ല് ഇസ്രായേല് രൂപീകരണത്തിനു ശേഷം നാട്ടില് നിന്ന് ആട്ടിയോടിക്കപ്പെട്ടവരാണിവര്.
മൂന്ന് പതിറ്റാണ്ട് മുമ്പ് രൂപീകൃതമായ ഹിസ്ബുല്ല ഒരു ചെറുത്തുനില്പ്പ് പ്രസ്ഥാനമായായിരുന്നു അടുത്തകാലം വരെ വിശേഷിപ്പിച്ചിരുന്നതെങ്കിലും ഇന്നത് മേഖലയിലെ കരുത്തരായ സൈനിക ശക്തിയായാണ് വിലയിരുത്തപ്പെടുന്നത്.
-
ക്രിസ്ത്യാനിയായിട്ടും പൊങ്കാലയിട്ടു; ബിജെപിയിലേക്കു പോകുന്നു: വിവാദങ്ങളില് പ്രതികരണവുമായി ബീന ആന്റണി -
രണ്ട് വര്ഷത്തിനിടെ സ്വര്ണം വാരിക്കൂട്ടി, ഇനി അതെല്ലാം വില്ക്കാന് പോളണ്ട്! സ്വര്ണവില കുത്തനെ ഇടിയും! -
വിജയ്ക്ക് തൃഷയോട് മാത്രമായിരുന്നിരിക്കില്ല ബന്ധം..നടൻ മിടുക്കൻ, ഭാര്യയുടെ ഉദ്ദേശം നടക്കില്ല'; അഡ്വ ജയശങ്കർ -
മീനാക്ഷിയെ പോലെ പണം വാരുന്ന ഡോക്ടറാണോ? അച്ഛന്റെ സ്വപ്നം സഫലമാക്കി ശ്രീലക്ഷ്മി, കലാഭവൻ മണിയുടെ മകൾക്ക് കയ്യടി -
നഴ്സുമാരുടെ ശമ്പള വര്ധനവില് ഉത്തരവ് ഉടനെന്ന് മന്ത്രി, 'ഉത്തരവാദിത്തം മാനേജ്മെന്റിന്' -
ദുബായില് വീണ്ടും സ്വര്ണവില ഉയര്ന്നു... ഈ വര്ഷം ഇനി വിലയിടിയില്ല! ഇതുവരെ കൂടിയത്.. -
കെ റെയിൽ പദ്ധതിയിൽ നിലപാട് ആവർത്തിച്ച് കേന്ദ്രം; ഡിപിആർ പരിഷ്കരിക്കണം, ബ്രോഡ്ഗേജ് മതി -
മിനിറ്റുകൾക്കുള്ളിൽ സർവ്വനാശം: ലോകാവസാന മിസൈൽ പരീക്ഷിച്ച് യുഎസ് -
സ്വർണ വില പവന് കുറഞ്ഞത് 8040 രൂപ: ഇനിയും താഴോട്ട്? ഈ 4 കാര്യങ്ങൾ നടന്നാൽ സംഭവിക്കുന്നത് -
സ്വർണ വില ഉച്ചയ്ക്ക് വീണ്ടും കുറഞ്ഞു, വാങ്ങാൻ ഇതിലും മികച്ച സമയം ഇല്ല..പവൻ, ഗ്രാം നിരക്കറിയാം -
വല്ലാത്ത ചെയ്ത്തായിപ്പോയി..! രവിയെ തമിഴ്നാട് ഗവര്ണര് സ്ഥാനത്ത് നിന്ന് മാറ്റിയതില് ഡിഎംകെ -
പശ്ചിമേഷ്യ കത്തുന്നു: സൗദിക്കു നേരെ മിസൈൽ വർഷം, ബഹ്റൈനിലും ആക്രമണം
Click it and Unblock the Notifications
Sign in with Google