പത്തേമാരിയിലെ തൂക്ക് വിളക്ക് കഥവീടിന് വെളിച്ചമാകുന്നു
ദുബായ്: സാധാരണ പ്രവാസികളുടെ നൊമ്പരക്കഥ പറഞ്ഞ 'പത്തേമാരി' സിനിമയില് നന്മയുടെ പ്രതീകമായി കടന്നുവന്ന തൂക്കുവിളക്ക് ലേലത്തില് വില്ക്കാന് പത്തേമാരിയുടെ അണിയറ പ്രവര്ത്തകര് തയ്യാറെടുക്കുന്നു. പത്രപ്രവര്ത്തകനും കഥാകൃത്തുമായ കണ്ണൂരിലെ അശ്രഫ് ആഡൂരിനും കുടുംബത്തിനും വേണ്ടിയാണ് വിളക്ക് ലേലത്തിന് വെച്ചിരിക്കുന്നതെന്ന് പത്തേമാരിയുടെ അണിയറ പ്രവര്ത്തകര് വാര്ത്താ കുറിപ്പില് അറിയിച്ചു.
കൂലിവേല ചെയ്താണ് അശ്രഫ് കുടുംബംപുലര്ത്തിയിരുന്നത്. പിന്നീട് കണ്ണൂരിലെ ഒരു പ്രാദേശിക കേബിള് ചാനലില് ജോലി ചെയ്തു. കുടുംബത്തിന്റെ അത്താണിയായിരുന്ന അശ്രഫ് ആകസ്മികമായാണ് കുഴഞ്ഞുവീണത്. അതിന് ശേഷം പരിയാരം മെഡിക്കല് കോളേജ് ആശുപത്രിയില് അബോധാവസ്ഥയില് കഴിയുകയാണ്. സുഹൃത്തുക്കളുടെയും നാട്ടുകാരുടെയും കാരുണ്യത്തിലാണ് അശ്രഫും ഭാര്യയും രണ്ടുമക്കളുമടങ്ങുന്ന കുടുംബത്തെ സഹായിച്ചു കൊണ്ടിരിക്കുന്നത്.
ആത്മസുഹൃത്ത് പി.എസ്.വിനോദ്, കഥാകാരന് ഈയ്യ വളപട്ടണം, സി.പി.എം കണ്ണൂര് ഏരിയ സിക്രട്ടറി കെ.പി.സുധാകരന്,കെ.പി.സി.സി അംഗം സി.രഘുനാഥ് തുടങ്ങിയ വ്യത്യസ്ത മേഖലയില് നിന്നുള്ളവര് ഒരേ മനസോടെ അശ്രഫിന് ചുറ്റുമുണ്ട്. കണ്ണൂര് ജില്ലാ മുന് പഞ്ചായത്ത് പ്രസിഡന്റ് പ്രൊഫസര് സരള, ഡി.വൈ.എഫ്.ഐ നേതാവ് പി.പി. ദിവ്യ തുടങ്ങിയവരും എല്ലാ സഹായവുമായി മുന്നിട്ടിറങ്ങിയിട്ടുണ്ട്. കഥവീട് എന്ന പേരില് അശ്രഫിന് നാട്ടില് ഒരു വീടുയര്ന്നുകൊണ്ടിരിക്കുകയാണ്. കടമ്പൂര് പഞ്ചായത്ത് പ്രസിഡണ്ട് കെ.ഗിരീശനും സുഹൃത്തുക്കളുമാണ് സൗജന്യമായി വീടിന്റെ പെയിന്റിംഗ് ജോലികള് ചെയ്തുകൊണ്ടിരിക്കുന്നത്.
പത്തേമാരി യുടെ സംവിധായകന് സലിം അഹമ്മദ്, നിര്മാതാക്കളായ അഡ്വ.ഹാഷിക്,ടി.പി. സുധീഷ് എന്നിവരും ഇപ്പോള് ഈ കൂട്ടായ്മയില് അണിചേര്ന്നിരിക്കുകയാണ്. പത്തേമാരിയില് നായക കഥാപാത്രമായ പള്ളിക്കല് നാരായണന് മജീദ് നല്കുന്ന സ്നേഹസമ്മാനമായ തൂക്കുവിളക്ക് അശ്രഫിന്റെ വീട്ടിലേക്കുള്ള വൈദ്യുതീകരണ ജോലിക്കാവശ്യമായ തുക കണ്ടത്തൊനായി ലേലം ചെയ്യുകയാണ്. http://www.auctionfloor.in എന്ന സൈറ്റിലൂടെ നിങ്ങള്ക്കും ലേലത്തില് പങ്കാളിയാകാം.ലേലത്തിന്റെ അവസാന ദിവസം ഡിസംബര് 10 ആണ്.
പത്തേമാരിയുടെ 75ാം ദിനാഘോഷ വേളയില് പള്ളിക്കല് നാരായണനായി വേഷമിട്ട മമ്മൂട്ടിയായിരിക്കും കൂടുതല് തുക നല്കുന്നയാള്ക്ക് തൂക്കുവിളക്ക് കൈമാറുക. ഹരികൃഷ്ണന് എന്ന വ്യക്തിയാണ് ഇതിനകം ലേലത്തില് ഏറ്റവും കൂടുതല് തുക വാഗ്ദാനം ചെയ്തിരിക്കുന്നത്. മനുഷ്യനന്മയുടെ ഈ സ്നേഹ വീട്ടിലേക്ക് വെളിച്ചം പകരാന് ലേലത്തിലേക്ക് കൂടുതലാളുകള് വരുമെന്ന പ്രതീക്ഷയിലാണ് 'പത്തേമാരി'ക്കാര്.
-
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി
Click it and Unblock the Notifications
Sign in with Google