Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ഷാര്‍ജയില്‍ വൈദ്യുതി ബില്ല് അധികമാണെന്ന പ്രചാരണം ശരിയല്ല; സീവ ചെയര്‍മാന്‍
ഷാര്‍ജ: മറ്റ് എമിറേറ്റുകളെ അപേക്ഷിച്ച് ഷാര്‍ജയില്‍ വൈദ്യുതി ബില്ല് അധികമായി വരുന്നു എന്ന പ്രചാരണം ശരിയല്ലെന്ന് ഷാര്‍ജ വൈദ്യുതി ജല അതോറിറ്റി ചെയര്‍മാന്‍ ഡോ.റാഷിദ് അല്‍ ലീം വ്യക്തമാക്കി. ഉപയോഗിച്ച യൂനിറ്റിനു മാത്രമെ സീവ ചാര്‍ജ് ഈടാക്കാറുള്ളൂ, എന്നാല്‍ ഒരേ കെട്ടിടത്തില്‍ ഒരേ സൗകര്യത്തില്‍ താമസിക്കുന്നവര്‍ തമ്മില്‍ വൈദ്യുതിജല ഉപയോഗത്തിന്റെ രീതി വിത്യസ്തമായിരിക്കുമെന്ന് അദ്ധേഹം അഭിപ്രായപ്പെട്ടു.
ആവശ്യം കഴിഞ്ഞാല്‍ പലരും ശൗചാലയത്തിലെ എക്‌സോസ്റ്റ് ഫാന്‍ ഓഫാക്കാന്‍ പോലും തയ്യാറല്ല. ഇത്തരം ചെറിയ കാര്യങ്ങളിലുടെ വലിയ തോതില്‍ വൈദ്യുതി പാഴാകുന്നതാണ് തൊട്ടടുത്ത താമസക്കാരനെ അപേക്ഷിച്ച് തനിക്ക് വരുന്ന ബില്ല് കൂടുതലാണെന്ന ധാരണ സാധാരണക്കാരിലുണ്ടാകുന്നതെന്ന് അദ്ധേഹം വിശദീകരിച്ചു. സ്വദേശികള്‍ താമസിക്കുന്ന ഏരിയകളില്‍ വൈദ്യുതി മുടങ്ങാറില്ല മുടങ്ങിയാല്‍ തന്നെ നിമിഷ നേരത്തിനുള്ളില്‍ പ്രശ്‌നം പരിഹരിക്കുന്നു എന്നൊക്കെയുള്ള വാര്‍ത്തകള്‍ തികച്ചും അടിസ്ഥാന രഹിതമാണ്.
കാരണം മിക്ക സ്ഥലങ്ങളിലും സ്വദേശികളും വിദേശികളും പരസ്പരം ഒരുമിച്ചാണ് താമസിക്കുന്നത്. അവിടങ്ങളില്‍ വിദേശി താമസിക്കുന്ന വില്ലയെന്നോ സ്വദേശി താമസിക്കുന്ന വില്ലയെന്നോ വേര്‍തിരിവു സീവ കാണിക്കാറില്ലെന്നും ഡോ.റാഷിദ് വ്യക്തമാക്കി. ചില സന്ദര്‍ഭങ്ങളില്‍ സാങ്കേതിക തകരാറുകള്‍ പരിഹരിക്കാന്‍ താമസം എടുക്കാറുണ്ട്. എന്നാല്‍ എത്രയും വേഗത്തില്‍ പ്രശ്‌നം പരിഹരിക്കാനാണ് എഞ്ചിനീയര്‍മാര്‍ ശ്രമിക്കാറുള്ളതെന്നും അദ്ധേഹം പറഞ്ഞു.
ചില മാധ്യമങ്ങള്‍ ലഭിക്കുന്ന വിവരങ്ങള്‍ വളച്ചൊടിക്കുമ്പോഴാണ് ജനങ്ങളില്‍ ആശയക്കുഴപ്പമുണ്ടാകുന്നതെന്നും, ദിവസങ്ങളോളം വൈദ്യുതി മുടങ്ങിയെന്നൊക്കെ ചില മാധ്യമങ്ങള്‍ തെറ്റായി വാര്‍ത്തകള്‍ നല്‍കിയതായും ഡോ.റാഷിദ് അല്‍ ലീം വ്യക്തമാക്കി
