Click it and Unblock the Notifications
Just In
Don't Miss
-
ശരീരത്തില് മരവിപ്പോ, ബലഹീനതയോ നിസ്സാരമല്ല: എഴുന്നേല്ക്കാനാവാത്ത വിധം കിടത്തുന്ന ലക്ഷണങ്ങള് -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ -
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
വേള്‍ഡ് മലയാളി കൗണ്‍സില്‍ ആഗോള സമ്മേളനം കൊളംബോയില്‍
കേരളത്തിന്റെ വികസനത്തിനും ലോകമാകെയുള്ള മലയാളികളുടെ ക്ഷേമത്തിനുമായി ഒട്ടേറെ ആശയങ്ങള്‍ക്ക് സമ്മേളനം രൂപം നല്‍കും.
ദുബായ്: വേള്‍ഡ് മലയാളി കൗണ്‍സിലിന്റെ പത്താമത് ദ്വൈവാര്‍ഷിക ആഗോള സമ്മേളനം നവംബര്‍ പത്ത് മുതല്‍ 12 വരെ കൊളംബോയില്‍ നടക്കും. കേരളത്തിന്റെ വികസനത്തിനും ലോകമാകെയുള്ള മലയാളികളുടെ ക്ഷേമത്തിനുമായി ഒട്ടേറെ ആശയങ്ങള്‍ക്ക് സമ്മേളനം രൂപം നല്‍കും. ലോകത്തിന്റെ വിവിധ ഭാഗങ്ങളില്‍ നിന്നായി നാനൂറോളം പ്രതിനിധികള്‍ സമ്മേളനത്തില്‍ സംബന്ധിക്കും.
വിദേശ ഇന്ത്യക്കാര്‍ക്ക് വോട്ടവകാശം നേടിയെടുക്കുന്നതിനായുള്ള നിയമയുദ്ധം സജീവമായി മുന്നോട്ടു കൊണ്ടുപോകാനുള്ള ശ്രമങ്ങള്‍ക്ക് സമ്മേളനം രൂപം നല്‍കുമെന്ന് കൗണ്‍സില്‍ ഗ്ലോബല്‍ വൈസ് പ്രസിഡണ്ട് ടി.എം. ജേക്കബ് (ജര്‍മ്മനി) ദുബായില്‍ പറഞ്ഞു. 1998 ല്‍ തന്നെ ഈ ആവശ്യം കൗണ്‍സില്‍ എം.പി. മാര്‍ മുഖേന പാര്‍ലമെന്റില്‍ ഉന്നയിച്ചിരുന്നു.
ഇപ്പോള്‍ ഈ ആവശ്യം മുന്‍നിര്‍ത്തി നിയമയുദ്ധം നടത്തുന്നവരുമായി യോജിച്ചോ അല്ലെങ്കില്‍ സംഘടന നേരിട്ട് തന്നെയോ ഇതിനായി രംഗത്തിറങ്ങും. ഇന്ത്യന്‍ പൗരന് സ്വന്തമായ ഒരു തിരിച്ചറിയല്‍ കാര്‍ഡ് ഉണ്ടാക്കിയെടുക്കുക എന്ന ആവശ്യവും കൗണ്‍സില്‍ ഉന്നയിക്കും. ലോകത്തിന്റെ വിവിധ ഭാഗങ്ങളില്‍ വിവിധ മേഖലകളില്‍ സേവനമനുഷ്ഠിക്കുന്ന മലയാളികളുടെ അറിവും അനുഭവവും കേരളത്തിന് പ്രയോജനപ്പെടുത്താന്‍ അധികൃതരുടെ ഭാഗത്ത് നിന്ന് ശ്രമം ഉണ്ടാവണം.
പ്രവാസികളുടെ പുനരധിവാസം, കേരളത്തിലെ മാലിന്യസംസ്‌കരണം എന്നീ രംഗങ്ങളിലും പുതിയ ദിശാബോധത്തോടെയുള്ള സമീപനങ്ങളുണ്ടാവണമെന്ന് അദ്ദേഹം ആവശ്യപ്പെട്ടു. വിവിധ ആവശ്യങ്ങള്‍ക്കായി തിരുവനന്തപുരത്തെത്തുന്ന പ്രവാസികള്‍ക്ക് താമസസൗകര്യം നല്‍കുന്നതുള്‍പ്പെടെയുള്ള കാര്യങ്ങള്‍ക്കായി വേള്‍ഡ് മലയാളി സെന്റര്‍ പണിയാനും തീരുമാനമായതായി ജേക്കബ് അറിയിച്ചു.
