സ്വര്ണവില പറക്കുന്നു; വെള്ളിയും കുതിച്ചു, ഈ മാസത്തെ ഉയര്ന്ന നിരക്കില് മഞ്ഞലോഹം, പവന് വില
കൊച്ചി: കേരളത്തില് സ്വര്ണവില ഓരോ ദിവസവും കുതിക്കുകയാണ്. ഇന്ന് 1680 രൂപ വര്ധിച്ചു. ഇനിയും ഉയരുമെന്നാണ് വിപണിയില് നിന്നുള്ള വിവരം. ഈ മാസം രേഖപ്പെടുത്തുന്ന ഏറ്റവും ഉയര്ന്ന നിരക്കിലാണ് സ്വര്ണം. വെള്ളിയുടെ വിലയും വലിയ കുതിപ്പ് നടത്തുന്നുണ്ട്. സ്വര്ണത്തിനും വെള്ളിക്കും ആവശ്യക്കാര് ഏറിവരുന്നതാണ് വില ഉയരാന് കാരണം.
ആഗോള വിപണിയില് സ്വര്ണവില ഔണ്സിന് 4209 ഡോളറായി ഉയര്ന്നു. ഡോളര് സൂചിക 99.50 ആയി. ഡോളറിനെതിരെ ഇന്ത്യന് രൂപയുടെ മൂല്യം 88.67 ആണ്. രാജ്യാന്തര വിപണിയിലെ സ്വര്ണവിലയും ഡോളര്, രൂപ മൂല്യവും ഒത്തുനോക്കിയാണ് കേരളത്തില് ജ്വല്ലറി വ്യാപാരികള് സ്വര്ണവില നിശ്ചയിക്കാറുള്ളത്. ഇനി ഇന്നത്തെ സ്വര്ണവില അറിയാം, കൂടെ വില ഉയരാനുള്ള കാരണവും അറിയാം...
കേരളത്തില് 22 കാരറ്റ് സ്വര്ണമായിരുന്നു കൂടുതല് പ്രചാരത്തില്. എന്നാല് വില വലിയ തോതില് ഉയര്ന്നതോടെ മറ്റു ചെറിയ കാരറ്റിലുള്ള ആഭരണങ്ങള് വാങ്ങുന്നവരുടെ എണ്ണം കൂടിയിട്ടുണ്ട്. 22 കാരറ്റ് സ്വര്ണം ഗ്രാമിന് ഇന്ന് 210 രൂപയാണ് വര്ധിച്ചത്. ഒരു ഗ്രാമിന്റെ വില 11715 രൂപയും പവന് 93720 രൂപയുമായി ഉയര്ന്നു. ഈ മാസം രേഖപ്പെടുത്തുന്ന റെക്കോര്ഡ് വിലയാണിത്.
അതേസമയം, 18 കാരറ്റ് സ്വര്ണം ഗ്രാമിന് ഇന്ന് 170 രൂപ ഉയര്ന്നു. ഗ്രാം വില 9635 രൂപയും പവന് വില 77080 രൂപയുമാണ്. 14 കാരറ്റ് സ്വര്ണം ഗ്രാമിന് 135 രൂപ വര്ധിച്ച് 7505 രൂപയായി. പവന് വില 60040 രൂപയിലെത്തി. 9 കാരറ്റ് സ്വര്ണം ഗ്രാമിന് 90 രൂപ വര്ധിച്ച് 4845 രൂപയിലെത്തി. പവന് 38760 രൂപ നല്കണം. ഇന്ന് വെള്ളിയുടെ വില ഏഴ് രൂപ വര്ധിച്ച് ഗ്രാമിന് 172 രൂപയിലെത്തി.
സ്വര്ണവില ഉയരാനുള്ള കാരണം ഇതാണ്
ഡോളര് മൂല്യം ഇടിഞ്ഞതാണ് സ്വര്ണവില കുറയാനുള്ള ഒരു കാരണം. ഡോളര് മൂല്യം ഇടിയുമ്പോള് യൂറോ, പൗണ്ട്, യെന്, യുവാന് ഉള്പ്പെടെയുള്ള ലോകത്തെ പ്രധാന ആറ് കറന്സികള് മൂല്യം ഉയരും. അവ ഉപയോഗിച്ച് കൂടുതല് സ്വര്ണം വാങ്ങാന് സാധിക്കുന്ന സാഹചര്യമാകും. സ്വര്ണം വാങ്ങാന് ആവശ്യക്കാര് ഉയരുമ്പോള് സ്വര്ണവില കൂടും.
അതേസമയം, അമേരിക്കയിലെ ഭരണപ്രതിസന്ധി അവസാനിച്ചതും സ്വര്ണവില ഉയരാനുള്ള ഒരു കാരണമാണ്. മാത്രമല്ല, വൈകാതെ അമേരിക്കയുടെ സാമ്പത്തിക വിവര കണക്കുകള് പുറത്തുവരും. ഇതോടെ കേന്ദ്ര ബാങ്കായ ഫെഡറല് റിസര്വ് പലിശ നിരക്ക് കുറച്ചേക്കും. ഈ നടപടി നിക്ഷേപ വരുമാനം കുറയ്ക്കുക മാത്രമല്ല, ജനങ്ങളുടെ കൈവശം കൂടുതല് പണം എത്തിക്കുകയും ചെയ്യും.
സ്വര്ണം വാങ്ങുന്നവരുടെ എണ്ണം ഉയര്ത്തുന്ന അവസ്ഥയാണിത്. ഇതും സ്വര്ണവില ഉയരാന് കാരണമാകുന്ന പ്രധാന ഘടകമാണ്. ഈ മാസവും അടുത്ത മാസവും അമേരിക്ക പലിശ നിരക്ക് കുറച്ചേക്കുമെന്ന പ്രചാരണം നിക്ഷേപകരെ സ്വര്ണത്തിലേക്ക് കൂടുതലായി ആകര്ഷിക്കും.
-
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
എല്ലാ ആഴ്ചയിലും ഒരു ഗ്രാം പൊന്ന്! കൊച്ചിക്കാരെ പോലെ സ്വര്ണം വാങ്ങി നോക്കിയാലോ? -
സ്വർണം കൂട്ടത്തോടെ വിറ്റ് റഷ്യ; 25 വർഷത്തിനിടെ ആദ്യം..വില ഇനി കുത്തനെ ഇടിയും? -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
സ്വർണത്തിന് ഇന്ത്യയിൽ 'പുല്ലുവില'യാകുമോ; വർഷം 600 കിലോഗ്രാം ഖനനം ചെയ്യും, വമ്പൻ ലോട്ടറിയാകാൻ ജോന്നഗിരി -
സ്വര്ണ വിപണി ദുബായില് നിന്ന് മാറുമോ? ഏഷ്യയിലെ ഗോള്ഡ് ഹബ്ബാകാന് സിംഗപ്പൂര് -
വെള്ളിയില് നിന്ന് സ്വര്ണത്തിലേക്ക് മാറണോ.. സ്വര്ണ-വെള്ളി അനുപാതം കൂടി -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
ഇന്ത്യക്കാര് സ്വര്ണം വാങ്ങിത്തുടങ്ങി... 61 ഡോളര് വരെ കിഴിവ്, ഡിമാന്ഡേറുന്നു, ചൈന വീണു -
സ്വര്ണം വന്തോതില് ഒഴുകും; അമേരിക്ക ഇളവ് പ്രഖ്യാപിച്ചു, യുഎഇ, തുര്ക്കി എന്നിവര്ക്ക് നേട്ടം
Click it and Unblock the Notifications
Sign in with Google