കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആഗോള മലയാളി സമ്മേളനം കൊച്ചിയില്‍

  • By Staff
Google Oneindia Malayalam News

കൊച്ചി: നാലാമത് ആഗോള മലയാളി സമ്മേളനം കൊച്ചിയില്‍ ആഗസ്ത് 18ന് ആരംഭിക്കും. രണ്ടു ദിവസത്തെ സമ്മേളനത്തില്‍ സെമിനാറും, ആരോഗ്യ ക്യാമ്പും ടൂറിസം, ആയുര്‍വേദം, നിക്ഷേപം എന്നീ മേഖലകളെക്കുറിച്ച് ചര്‍ച്ചയും നടക്കും.

യൂണിയന്‍ ഓഫ് ജര്‍മ്മന്‍ മലയാളി അസോസിയേഷന്‍(ഉഗ്മ) ആണ് ഈ സമ്മേളനം സംഘടിപ്പിക്കുന്നതെന്ന് അസോസിയേഷന്‍ പ്രസിഡന്റ് അബ്രഹാം ജോണ്‍ നെടുംതുരുത്തിമൈലില്‍ ജൂണ്‍ 25 ചൊവാഴ്ച വാര്‍ത്താസമ്മേളനത്തില്‍ വ്യക്തമാക്കി.

കേരളത്തിലെ ഐടി വിദഗ്ധര്‍ക്ക് പരിശീലനം നല്കാനായി ഒരു പ്രത്യേക ഗ്രൂപ്പിന് ഈ സമ്മേളനം രൂപം നല്കും. കേരളത്തെ വിവരസാങ്കേതികവിദ്യാരംഗത്ത് മുന്‍നിരയിലെത്തിക്കാന്‍ ഉദ്ദേശിച്ചുകൊണ്ടുള്ളതാണ് ഈ നീക്കം. ജര്‍മ്മനിയില്‍ നിന്ന് കേരളത്തിലെ വിവരസാങ്കേതികവിദ്യാ മേഖലയില്‍ മുതല്‍ മുടക്കെത്തിക്കാനും പരിശ്രമിക്കും.

കേരളത്തിലെ വിനോദസഞ്ചാരമേഖലയെ വളര്‍ത്തുന്നതിന്റെ ഭാഗമായി ഉഗ്മ ജര്‍മ്മനിയില്‍ 2003 മാര്‍ച്ചില്‍ മൂന്നു ദിവസത്തെ പ്രത്യേക കേരളോത്സവം സംഘടിപ്പിക്കും. വിദേശഇന്ത്യക്കാര്‍ക്ക് വേണ്ടി കേരളത്തില്‍ പ്രത്യേക വിനോദസഞ്ചാരകേന്ദ്രങ്ങള്‍ വികസിപ്പിക്കാനുള്ള പദ്ധതിയ്ക്കും ഈ സമ്മേളനം രൂപം നല്കുമെന്ന് ഉഗ്മ പ്രസിഡന്റ് അബ്രഹാം ജോണ്‍ പറഞ്ഞു.

പാവങ്ങള്‍ക്ക് ചികിത്സയ്ക്ക് ധനസഹായം നല്കാനുള്ള പദ്ധതി ഉടനെ തുടങ്ങും. അടുത്ത ആഗോള മലയാളി സമ്മേളനം ലണ്ടനില്‍ 2003 ഒക്ടോബറില്‍ നടക്കുമെന്നും അബ്രഹാം ജോണ്‍ പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X