പലവുരു പലകഥകളുമായി ഇരുന്നെങ്കിലും ആ വാക്ക് പാലിക്കാനായില്ല; ശ്രീനിവാസനെ ഓര്ത്ത് ലാല്ജോസ്
അതുല്യനടന് ശ്രീനിവാസന്റെ വിയോഗം സിനിമാ കൈരളിയെ വല്ലാത്ത വിഷമത്തിലേക്ക് തള്ളിയിട്ടിരിക്കുന്നു. ഇന്ന് അദ്ദേഹത്തിന്റെ ഭൗതിക ശരീരം ചിതയെടുത്തു. ശ്രീനിവാസന് തന്റെ ജീവിതത്തില് വരുത്തിയ മാറ്റം എടുത്തു പറയുകയാണ് സംവിധായകന് ലാല്ജോസ് ഈ വേളയില്. പാവം പാവം രാജകുമാരന്റെ സെറ്റില് ആദ്യമായി അടുത്തു കണ്ട നിമിഷം മുതല്, ഒന്നിച്ച ആദ്യ സിനിമ മറവത്തൂര് കനവ് വരെ സൂചിപ്പിക്കുന്നു ലാല് ജോസ്.
പുതിയ കാഴ്ച്ചപ്പാടുകളും പുതിയ കഥകളുമായിരുന്നു ശ്രീനിവാസന്. രണ്ട് മാസം മുമ്പ് കണ്ടപ്പോള് പോലും ഒരു കഥ സൂചിപ്പിച്ചിരുന്നു. താന് സംവിധാനം ചെയ്യുമെങ്കില് എഴുതാന് തയ്യാറാണ് എന്ന് ശ്രീനിവാസന് 30 കൊല്ലം മുമ്പ് പറഞ്ഞ ആ നിമിഷം, ജീവിതത്തില് പല മാറ്റങ്ങളും സംഭവിച്ച സമയങ്ങള്, ആ ധൈര്യമാണ് പിന്നീട് മറവത്തൂര് കനവായി മലയാളികള് കണ്ടത്...
ലാല് ജോസ് ശ്രീനിവാസനെ ഓര്ത്ത് പങ്കുവച്ച കുറിപ്പ് വായിക്കാം: ''ശ്രീനിയേട്ടന്റെ ശരീരത്തില് തീയാളുകയാണിപ്പോള്..
പതിറ്റാണ്ടുകള്ക്ക് മുമ്പ് ആ മുഖത്തിനു മുന്നില് ക്ളാപ്പ് ബോര്ഡും പിടിച്ചുനിന്ന ആ പയ്യന് ഇപ്പോള് ഇവിടെ ഒറ്റക്കാണ്. പാവം പാവം രാജകുമാരന്റെ സെറ്റില് പ്രിയനടനെ, ആരാധ്യനായ എഴുത്തുകാരനെ ആദ്യമായി അടുത്തുകണ്ടപ്പോള് അവന്റെയുളളില് ഉണര്ന്ന കൗതുകങ്ങള്, അദ്ഭുതം, ആരാധന..ശ്രീനിയേട്ടാ, അടുത്തപ്പോള് അതൊന്നും ഒട്ടും കുറഞ്ഞില്ല.. എത്രേയോ ഇരട്ടിയായി കൂടിയിട്ടേയുളളൂ.
ഓരോ തവണ കാണുമ്പോഴും പുതിയ ഒരു ശ്രീനിവാസന്, പുതിയ ഒരു കാഴ്ചപ്പാട്, പുതിയ ഒരു കഥ. അതായിരുന്നു അദ്ദേഹം. എന്തിന് രണ്ട് മാസം മുമ്പ് കണ്ടപ്പോഴും ഒരു കഥയുടെ പ്ളോട്ടുണ്ടായിരുന്നു അദ്ദേഹത്തിന് പറയാന്...മുപ്പത് കൊല്ലം മുമ്പ് ലാല്ജോസാണ് സംവിധാനം ചെയ്യുന്നതെങ്കില് താന് എഴുതാം എന്ന് അദ്ദേഹം പറഞ്ഞ ആ നിമിഷം!
അപ്രന്റീസും ജൂനിയര് അസിസ്റ്റന്റും ഒക്കെയായി ഓടിപാഞ്ഞുനടന്ന ചെറുപ്പക്കാരന് അസോസിയേറ്റ് ഡയറക്ടര് എന്ന കുറേക്കുടി വേതനവും പദവിയും ഉളള പദവിയിലേക്ക് സ്ഥാനകയറ്റം കിട്ടിയിട്ടേയുണ്ടായിരുന്നുളളൂ.. കല്ല്യാണം ജസ്റ്റ് കഴിഞ്ഞിട്ടേയുളളൂ..സംവിധാനം എന്ന ഉത്തരവാദിത്വം ഏറ്റെടുത്ത് നടപടിയായില്ലെങ്കില് ജീവിതം വഴിമുട്ടുമെന്ന പേടി..
അന്ന് ആ ചെറുപ്പക്കാരന്റെ ഏക ധൈര്യം ശ്രീനിയേട്ടന്റെ ഉളളിന്റെ ഉളളില് അടുത്തവര്ഷങ്ങളില് എന്നെങ്കിലും തെളിഞ്ഞേക്കാന് സാധ്യതയുളള ഒരു 'കനവ്' ആയിരിന്നു..രണ്ട് രണ്ടരവര്ഷം ആ കനവിനായി ഞങ്ങള് ഒരുമിച്ചിരുന്നു..അത് മറവത്തൂര് കനവായി..ലാല് ജോസ് സംവിധായകനായി..സിനിമയെ എന്നല്ല, ലോകത്തേയും ജീവിതത്തേയും എല്ലാത്തിനേയും അമ്പരപ്പോടെ മാത്രം നോക്കിനിന്നിരുന്ന ഒറ്റപാലംകാരന് പയ്യന് അവന്റെ ലോകത്തിലേക്ക് സഞ്ചരിക്കാനുളള ദിശ നല്കിയ വടക്ക് നോക്കിയന്ത്രമാണ് ഇന്നലെ നിശ്ചലമായത്.
അദ്ദേഹത്തിന്റെ തിരക്കഥയില് ഞങ്ങളൊരുമിച്ച് ഇനിയുമൊരു സിനിമയുണ്ടെന്ന് മറവത്തൂര് കനവ് റിലീസായി എണ്പത്തിനാലാം ദിവസം കയ്യടിച്ച് പറഞ്ഞൊരു വാക്ക്..പലവുരു പലകഥകളുമായി ഇരുന്നെങ്കിലും ആ വാക്ക് പാലിക്കാനായില്ല..എങ്കിലും അപാര സുന്ദരമായ അദ്ദേഹത്തിന്റെ സിനിമാജീവിതത്തിന്റെ ഓരത്ത് ഒരു ചെറു മൈല്ക്കുറ്റിയായി ഞാനും ഉണ്ടായല്ലോ.. എനിക്ക് വഴിയും വെളിച്ചവും കാട്ടിതന്ന ആ മഹാപ്രതിഭയെ മനസ്സാല് നമിക്കുന്നു..ഉളളകാലം എന്നും ഓര്ക്കും..ആത്മാവിനായി പ്രാര്ത്ഥിക്കും..ശ്രീനിയേട്ടാ വിട!''
-
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വർണം വാങ്ങിക്കൂട്ടി, ഇപ്പോൾ വിറ്റൊഴിവാക്കുന്നു: 3 രാജ്യങ്ങളുടെ നീക്കം ഇങ്ങനെ..ഇനി സ്വർണ വില താഴേക്ക്? -
ഗള്ഫ് രാജ്യങ്ങള് പട്ടിണിയിലാകുമോ? ലോകം വന് പ്രതിസന്ധിയിലേക്ക്, ഇന്ത്യയ്ക്കും തിരിച്ചടി -
മോദി-ട്രംപ് ടെലിഫോൺ സംഭാഷണത്തിൽ ഒപ്പം ചേർന്ന് ഇലോൺ മസ്കും; അസാധാരണ നീക്കം, പിന്നാലെ വിവാദം -
"അതവരോട് പോയി ചോദിക്ക്!" എസ്ഡിപിഐ ഡീൽ ചോദ്യങ്ങളിൽ കലിപ്പിലായി മുഖ്യമന്ത്രി -
സ്വര്ണത്തിന്റെ വിലയിടിവ് യാദൃശ്ചികമല്ല... മൂന്ന് തവണ ഇതുപോലെ ഇടിഞ്ഞു! അന്ന് സംഭവിച്ചത് -
നടി ഖുഷ്ബുവിന്റെ ഭര്ത്താവ് തമിഴ്നാട്ടില് സ്ഥാനാര്ഥി; ഇതാണ് മണ്ഡലം, പുതിയ പാര്ട്ടി, രണ്ടില ചിഹ്നം -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ
Click it and Unblock the Notifications
Sign in with Google