യുഎഇക്ക് പിന്നാലെ ഒമാന്; ഇന്ത്യയുമായി വ്യാപാര കരാര് ഒപ്പിട്ടു, ഇനി ഖത്തര്, സൗദി അറേബ്യ
മസ്കത്ത്: ഇന്ത്യയും ഒമാനും സ്വതന്ത്ര്യ വ്യാപാര കരാറില് ഒപ്പുവച്ചു. ഇരുരാജ്യങ്ങളും പരസ്പരം വ്യാപാരം പ്രോല്സാഹിപ്പിക്കുക എന്ന ലക്ഷ്യത്തോടെയാണിത്. താരിഫ് ഇളവ് ചെയ്ത് വ്യാപാരം നടത്താന് സഹായിക്കുന്നതാണ് സ്വതന്ത്ര്യ വ്യാപാര കരാര് (എഫ്ടിഎ). ഇരുരാജ്യങ്ങള്ക്കും യഥേഷ്ടം തടസമില്ലാതെ ചരക്കുകള് അയക്കാന് ഇനി സാധിക്കും.
പ്രധാനമന്ത്രി നരേന്ദ്ര മോദിയുടെ ഒമാന് സന്ദര്ശന വേളയിലാണ് ചരിത്ര കരാറില് ഒപ്പുവച്ചത്. ജോര്ദാന്, എത്യോപ്യ എന്നീ രാജ്യങ്ങള് സന്ദര്ശിച്ച് ഒമാനിലെത്തിയ മോദി ഒമാന് സുല്ത്താന് ഹൈതം ബിന് താരിഖുമായി ചര്ച്ച നടത്തി. ഒമാനിലെ പ്രവാസി സമൂഹവുമായി മോദി സംവദിച്ചു. ഇനി കൂടുതല് ജിസിസി രാജ്യങ്ങള് ഇന്ത്യയുമായി എഫ്ടിഎ ഒപ്പുവയ്ക്കും എന്നാണ് വിവരം.
ഒമാനും ഇന്ത്യയും കൂടുതല് സഹകരിച്ച് പ്രവര്ത്തിക്കുന്നതിന്റെ ഭാഗമായിട്ടാണ് പുതിയ കരാര്. ഇന്ത്യയില് നിന്ന് ഇറക്കുമതി ചെയ്യുന്ന വസ്തുക്കള്ക്ക് 98 ശതമാനം താരിഫ് ഇളവ് നല്കിയാണ് ഒമാന് കരാറിന് തയ്യാറായിരിക്കുന്നത്. ഏതാനും വസ്തുക്കള് മാത്രമാണ് ഇളവില് നിന്ന് ഒഴിവാക്കിയിട്ടുള്ളത്. കഴിഞ്ഞ വര്ഷം ഇരുരാജ്യങ്ങളുടെയും വ്യാപാരം 897 കോടി ഡോളറിന്റേതായിരുന്നു. ഈ വര്ഷം 1061 കോടി ഡോളറിന്റേതായി ഉയര്ന്നു.
പുതിയ കരാര് നിലവില് വരുന്നതോടെ ഉഭയകക്ഷി വ്യാപാരം ഇനിയും ശക്തിപ്പെടും. 2023ലാണ് ഒമാനുമായി ഇന്ത്യ വ്യാപാര കരാര് ചര്ച്ച തുടങ്ങിയത്. കഴിഞ്ഞ മാസം എല്ലാ ചര്ച്ചകളും പൂര്ത്തിയാക്കി. ഏതൊക്കെ ചരക്കുകള് കരാറിന്റെ പരിധിയില് കൊണ്ടുവരണം, എത്രത്തോളം ഇളവ് നല്കാം തുടങ്ങിയ കാര്യങ്ങളില് ധാരണയായ ശേഷമാണ് കരാര് ഒപ്പുവച്ചത്.
താല്പ്പര്യത്തോടെ കൂടുതല് ജിസിസി രാജ്യങ്ങള്
നേരത്തെ യുഎഇ സമാനമായ വ്യാപാര കരാര് ഇന്ത്യയുമായി ഒപ്പുവച്ചിരുന്നു. 2022 മെയ് മാസത്തിലാണ് ഇന്ത്യയും യുഎഇയും എഫ്ടിഎ ഒപ്പുവച്ചത്. ക്രൂഡ് ഓയില്, സ്വര്ണം, രാസവസ്തുക്കള് എന്നിവയെല്ലാം ഈ കരാറിന്റെ പരിധിയില് വന്നത് ഇന്ത്യയ്ക്ക് നേട്ടമായി. ഇപ്പോള് ഒമാനും കരാര് ഒപ്പുവച്ചു. ഇന്ത്യയുമായി വ്യാപാര കരാറിന് താല്പ്പര്യമുണ്ട് എന്ന് ഖത്തര് അറിയിച്ചിട്ടുണ്ട്. പിന്നാലെ സൗദിയും കരാറിലെത്തുമെന്നാണ് റിപ്പോര്ട്ടുകള്.
ഒമാനുമായി കരാര് ഒപ്പുവയ്ക്കുമ്പോള് അതുവഴി ഇന്ത്യയ്ക്ക് മുമ്പില് തുറക്കുന്നത് വലിയ വിപണി സാധ്യതകളാണ് എന്നത് എടുത്തു പറയണം. ഒമാന് വഴി മറ്റു രാജ്യങ്ങളിലേക്കുള്ള ചരക്കുകടത്തുകളും ഇനി വേഗത കൂടും. യുഎഇയുമായി കരാര് ഒപ്പുവച്ച ശേഷം ഇരുരാജ്യങ്ങളുടെയും വ്യാപാരം ശക്തിപ്പെട്ടിരുന്നു. സമാനമായ പുരോഗതി ഒമാനുമായും ഉണ്ടാകുമെന്നാണ് പ്രതീക്ഷ.
ഇന്ത്യന് പ്രവാസികള് കൂടുതല് ജോലി ചെയ്യുന്നത് ഗള്ഫ് മേഖലയിലാണ്. അതിലൊരു രാജ്യമാണ് ഒമാന്. ഖത്തര്, സൗദി അറേബ്യ എന്നീ രാജ്യങ്ങളുമായി വ്യാപാര കരാര് ഒപ്പുവച്ചാല് ഇന്ത്യയ്ക്ക് വലിയ നേട്ടമാകും. ഓസ്ട്രേലിയ, ബ്രിട്ടന് തുടങ്ങിയ രാജ്യങ്ങളുമായും ഇന്ത്യ അടുത്തിടെ സ്വതന്ത്ര്യ വ്യാപാര കരാര് ഒപ്പുവച്ചിരുന്നു. അമേരിക്ക വ്യാപാര രംഗത്ത് ഇന്ത്യയ്ക്ക് മുമ്പില് ഉടക്ക് വച്ചിരിക്കുന്ന സാഹചര്യത്തില് പ്രത്യേകിച്ചും.
-
യുഎഇ നിവാസികളുടെ ശ്രദ്ധയ്ക്ക്; വെള്ളിയാഴ്ച വരെ മഴ തുടരാൻ സാധ്യത, പൊടിക്കാറ്റിനെയും സൂക്ഷിക്കണം, കാഴ്ച മറയും -
സൗദി അറേബ്യയും യുഎഇയും സുപ്രധാന നീക്കത്തിന്; ദമ്മാമില് നിന്ന് ഷാര്ജയിലേക്ക് പുതിയ പാത -
ട്രംപിന്റെ ബിസിനസ് ബുദ്ധി? 20 മിനുട്ടില് 840 കോടിയുടെ ലാഭം, ഇറാന് പ്രഖ്യാപനം വ്യാജമോ -
ഖത്തറും സൗദി അറേബ്യയും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സൗദി അറേബ്യ സ്ഥാപിക്കുന്നതിന് മുമ്പ് മക്കയും മദീനയും ഭരിച്ചത് ആര്? തുര്ക്കിക്ക് ഇവിടെ എന്തുകാര്യം -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ
Click it and Unblock the Notifications
Sign in with Google