കോലിയും സൂര്യകുമാറും അല്ല; ഈ ലോകകപ്പില് താരമാകുക പാണ്ഡ്യയെന്ന് കൈഫ്
മുംബൈ: ഇന്ത്യയുടെ ടി 20 ലോകകപ്പിനുള്ള ടീമില് ഏറ്റവും കൂടുതല് ഇംപാക്ട് ഉണ്ടാക്കാന് പോകുന്നത് ഹര്ദിക് പാണ്ഡ്യയായിരിക്കുമെന്ന് മുന് ഇന്ത്യന് താരം മുഹമ്മദ് കൈഫ്. ഐപിഎല്ലിലെ മോശം ഫോമിന്റെ പേരില് ഹര്ദിക് പാണ്ഡ്യ വിമര്ശനങ്ങള് ഏറ്റുവാങ്ങുന്നതിനിടെയാണ് മുഹമ്മദ് കൈഫ് താരത്തെ പിന്തുണച്ച് രംഗത്തെത്തിയിരിക്കുന്നത്. പത്ത് മത്സരങ്ങളില് നിന്ന് 197 റണ്സും ആറ് വിക്കറ്റും മാത്രമാണ് പാണ്ഡ്യയുടെ സമ്പാദ്യം.
എന്നാല് ഐ സി സി ഇവന്റുകളില് പാണ്ഡ്യക്ക് ശോഭിക്കാന് സാധിക്കും എന്നാണ് കൈഫിന്റെ വിശ്വാസം. അതിനായി പാകിസ്ഥാനെതിരായ പാണ്ഡ്യയുടെ സമീപകാല പ്രകടനങ്ങളും കൈഫ് ചൂണ്ടിക്കാട്ടി. വലിയ വേദിയില് ഇന്ത്യയെ ഏറ്റവും സ്വാധീനിച്ച മാച്ച് വിന്നര് ഹാര്ദിക് പാണ്ഡ്യയാണെന്ന് കൈഫ് പറഞ്ഞു. വിരാട് കോലിയേക്കാളും സൂര്യകുമാര് യാദവിനേക്കാളും ഇംപാക്ട് ഉണ്ടാക്കാന് ഹര്ദിക് പാണ്ഡ്യക്ക് സാധിക്കും എന്നാണ് കൈഫിന്റെ അഭിപ്രായം.
മെല്ബണില് വിരാട് കോലി പാകിസ്ഥാനെതിരെ 82 റണ്സ് നേടിയെങ്കിലും 40 റണ്സിന്റെ നിര്ണായക കൂട്ടുകെട്ടുണ്ടാക്കി മൂന്ന് വിക്കറ്റ് വീഴ്ത്തിയത് ഹാര്ദിക് പാണ്ഡ്യയാണ്. ഏഷ്യാ കപ്പില്, പാക്കിസ്ഥാനെതിരായ മത്സരത്തിനിടെ ദിനേശ് കാര്ത്തിക്കും ജഡേജയും പുറത്തായതിന് ശേഷം അവസാന ഓവര് എറിഞ്ഞ നവാസിനെതിരെ മികച്ച പ്രകടനം നടത്തി പാണ്ഡ്യ തന്റെ ഫിനിഷിംഗ് കഴിവ് പ്രകടിപ്പിച്ചു എന്നും കൈഫ് പറഞ്ഞു.
ടി 20 ലോകകപ്പില് ടീം ഇന്ത്യയുടെ വൈസ് ക്യാപ്റ്റനുമാണ് പാണ്ഡ്യ. അതേസമയം ലോകകപ്പില് ടീം ഇന്ത്യയുടെ സാധ്യതകളെ കുറിച്ചും കൈഫ് വിലയിരുത്തി. സ്ക്വാഡിനെ കുറിച്ച് മുഹമ്മദ് കൈഫിന് പരാതിയില്ലെങ്കിലും, നോക്കൗട്ട് ഗെയിമുകള് കളിക്കുമ്പോള് ടീമിന് ഉണ്ടാകാവുന്ന മാനസികാവസ്ഥയെക്കുറിച്ച് ആശങ്കയുണ്ട് എന്നും അദ്ദേഹം പറഞ്ഞു. ഇത് ഐപിഎല് അല്ലെന്ന് മനസ്സിലാക്കേണ്ടത് നിര്ണായകമാണ്.
'ഐപിഎല്ലില് നിങ്ങള്ക്ക് 14 ലീഗ് മത്സരങ്ങളുണ്ട്. ഗെയിമുകള് തോറ്റാngx തിരിച്ചുവന്ന് ട്രോഫി നേടാം. പക്ഷേ, ലോകകപ്പ് ഫോര്മാറ്റ് വ്യത്യസ്തമാണ്. പ്രാരംഭ ഘട്ടത്തില്, നിങ്ങള് പാകിസ്ഥാനെയോ ഇംഗ്ലണ്ടിനെയോ പോലെയുള്ള ശക്തമായ ടീമുകളെ മറികടന്ന് സെമിഫൈനലില് പ്രവേശിക്കണം, നിങ്ങള് രണ്ട് പ്രധാന മത്സരങ്ങളില് വിജയിക്കണം,' മുഹമ്മദ് കൈഫ് ചൂണ്ടിക്കാട്ടി.
കഴിഞ്ഞ ടി 20 ലോകകപ്പിന്റെ സെമിഫൈനലില് ഇന്ത്യയെ പത്ത് വിക്കറ്റിന് ഇംഗ്ലണ്ട് തകര്ത്തിരുന്നു. ഏകദിന ലോകകപ്പ് ഫൈനലില് പരാജയപ്പെട്ടതിനാല് ടി 20 ലോകകപ്പ് നേടി ഐസിസി ട്രോഫി വരള്ച്ച അവസാനിപ്പിക്കാനുള്ള തയ്യാറെടുപ്പിലാണ് രോഹിത് ശര്മ്മയും കൂട്ടരും.
Click it and Unblock the Notifications
Sign in with Google