പാകിസ്ഥാൻ പൊതുതിരഞ്ഞെടുപ്പ്; ഭൂരിപക്ഷം സീറ്റുകളിലും ലീഡ് നേടിയെന്ന് ഇമ്രാൻ ഖാന്റെ പാർട്ടിയായ പിടിഐ
ന്യൂഡൽഹി: പാകിസ്ഥാനിലെ ദേശീയ തെരഞ്ഞെടുപ്പിന്റെ വോട്ടെണ്ണൽ പുരോഗമിക്കവേ മികച്ച നേട്ടം സ്വന്തമാക്കിയെന്ന അവക്ഷവാദവുമായി മുൻ ക്രിക്കറ്റ് താരവും പിടിഐ നേതാവുമായ ഇമ്രാൻ ഖാൻ. ഭൂരിപക്ഷം സീറ്റുകളിൽ മികച്ച ലീഡ് നേടിയതായി ഇമ്രാന്റെ പാർട്ടിയായ പിടിഐ അവകാശപ്പെട്ടു. ഫലസൂചന ലഭ്യമായ 184 സീറ്റിൽ 114 ഇടത്ത് പിടിഐ സ്വതന്ത്രർക്ക് ലീഡുണ്ടെന്നാണ് അവർ പറയുന്നത്.
മുൻ പ്രധാനമന്ത്രി നവാസ് ഷരീഫിന്റെ പിഎംഎൽഎൻ പാർട്ടിക്ക് 41 ഇടത്ത് ലീഡ് ഉണ്ടെന്നും പിടിഐ പറയുന്നു. ഇമ്രാൻ ഖാന്റെ പിന്തുണയുള്ള സ്ഥാനാർത്ഥികൾ വിജയിച്ചതിനെ തുടർന്ന് രാജ്യത്തുടനീളമുള്ള തിരഞ്ഞെടുപ്പ് ഫലങ്ങൾ വൈകുകയാണെന്ന് പാകിസ്ഥാൻ തെഹ്രീകെ ഇൻസാഫ് (പിടിഐ) അവകാശപ്പെട്ടതായി ഇംഗ്ലീഷ് ദിനപത്രമായ ഡോൺ റിപ്പോർട്ട് ചെയ്തു. രാജ്യത്ത് പലയിടത്തും ഇന്റർനെറ്റ് സേവനങ്ങൾ തടസപ്പെട്ടതാണ് ഫലം അറിയുന്നത് വൈകാൻ ഇടയാക്കുന്നത്.
ഇതിനിടെ വിവിധ വോട്ടെടുപ്പ് കേന്ദ്രങ്ങളിൽ പിടിഐ പ്രവർത്തകർ ആഘോഷം തുടങ്ങിയിട്ടുണ്ട്. പാകിസ്ഥാൻ തെഹ്രീകെ ഇൻസാഫ് (പിടിഐ) ഇസ്ലാമാബാദിലെ പോളിംഗ് സ്റ്റേഷൻ 244, എൻഎ 48ൽ ആഘോഷങ്ങൾ ആരംഭിച്ചു. തങ്ങളുടെ സ്ഥാനാർത്ഥി അലി ബുഖാരി വൻ ഭൂരിപക്ഷത്തിൽ വിജയിച്ചുവെന്ന് പിടിഐ അവകാശപ്പെട്ടു.
വോട്ടെണ്ണൽ പുരോഗമിക്കവേ പാർട്ടിയുടെ മുന്നേറ്റത്തിൽ ജനങ്ങളോട് നന്ദി അറിയിക്കാൻ ഇമ്രാൻ ഖാൻ സമൂഹ മാധ്യമമായ എക്സിൽ പോസ്റ്റ് പങ്കുവച്ചു. "ജനങ്ങളുടെ താൽപര്യം തകർക്കാൻ സാധ്യമായ എല്ലാ രീതികളും അവലംബിച്ചിട്ടും, നമ്മുടെ ആളുകൾ ഇന്ന് വോട്ടിനായി വൻ ജനക്കൂട്ടമായി ഇറങ്ങി. നമ്മൾ ആവർത്തിച്ച് പറഞ്ഞതുപോലെ, "സമയമെത്തുമ്പോൾ ഒരു ആശയത്തെയും പരാജയപ്പെടുത്താൻ ഒരു ശക്തിക്കും കഴിയില്ല." ഇമ്രാൻ ചൂണ്ടിക്കാട്ടി.
അതേസമയം, തിരഞ്ഞെടുപ്പിൽ പിടിഐക്ക് നേരിട്ട് മത്സരിക്കുന്നതിൽ വിലക്കുണ്ടായിരുന്നു. പാകിസ്ഥാൻ തിരഞ്ഞെടുപ്പ് കമ്മീഷൻ (ഇസിപി) ജയിലിൽ കിടക്കുന്ന 71 കാരനായ മുൻ ക്രിക്കറ്റ് താരവും പ്രധാനമന്ത്രിയുമായിരുന്ന ഇമ്രാൻ ഖാന്റെ പാർട്ടിയുടെ തിരഞ്ഞെടുപ്പ് ചിഹ്നമായ 'ബാറ്റ്' അസാധുവാക്കിയിരുന്നു. ഇതോടെയാണ് സ്ഥാനാർത്ഥികൾ സ്വതന്ത്രരായി മത്സരിക്കാൻ നിർബന്ധിതരായത്.
വോട്ടെണ്ണൽ പുരോഗമിക്കുന്ന പാകിസ്ഥാനിൽ ആകെയുള്ള 336 സീറ്റിൽ കേവലഭൂരിപക്ഷം ഉറപ്പിക്കാൻ 169 സീറ്റുകളാണ് നേടേണ്ടത്. ആകെ 336ൽ 266 ദേശീയ അസംബ്ലി സീറ്റുകളിലേക്കാണ് തിരഞ്ഞെടുപ്പ് നടക്കുന്നത്. മറ്റൊരു 60 സീറ്റുകൾ സ്ത്രീകൾക്കും 10 എണ്ണം ന്യൂനപക്ഷങ്ങൾക്കും സംവരണം ചെയ്തിരിക്കുന്നു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ
Click it and Unblock the Notifications
Sign in with Google