കേന്ദ്രസർക്കാരിന് കീഴിൽ ഒഴിവുകൾ; ഈ യോഗ്യതയുണ്ടോ..അപേക്ഷിക്കാം, ശമ്പളം അറിയാം

By Desk

Published: Monday, June 8, 2026, 15:00 [IST]

കേന്ദ്ര സർക്കാരിന്റെ കീഴിലുള്ള കാർഷിക-സംസ്കരിച്ച ഭക്ഷ്യ ഉൽപ്പന്ന കയറ്റുമതി വികസന അതോറിറ്റിയായ (APEDA) വിവിധ തസ്തികകളിലേക്ക് അപേക്ഷ ക്ഷണിച്ചു. 2 അസിസ്റ്റന്റ് ജനറൽ മാനേജർ (ഫിനാൻസ്), അസിസ്റ്റന്റ് മാനേജർ, അസിസ്റ്റന്റ് മാനേജർ (അഗ്രികൾച്ചർ) എന്നീ തസ്തികകളിലായി നാല് ഒഴിവുകളാണുള്ളത്. യോഗ്യത, ശമ്പളം, അപേക്ഷിക്കേണ്ടത് എങ്ങനെ തുടങ്ങിയ വിവരങ്ങൾ അറിയാം

അസിസ്റ്റന്റ് ജനറൽ മാനേജർ (ഫിനാൻസ്)

ഒഴിവ്: 1 (അൺറിസർവ്ഡ്)
ശമ്പളം: പേ ലെവൽ 10 (56,100 – 1,77,500)
പ്രായപരിധി: 35 വയസ്
യോഗ്യത: ഫിനാൻസ്/ഫിനാൻഷ്യൽ മാനേജ്മെന്റിൽ ബിരുദാനന്തര ബിരുദം അല്ലെങ്കിൽ എംബിഎ (ഫിനാൻസ്) അല്ലെങ്കിൽ ICAI അംഗീകൃത ചാർട്ടേഡ് അക്കൗണ്ടൻസി.
പ്രവൃത്തിപരിചയം: യോഗ്യത നേടിയ ശേഷം ബന്ധപ്പെട്ട മേഖലയിൽ അഞ്ച് വർഷത്തെ പരിചയം.

അസിസ്റ്റന്റ് മാനേജർ

ഒഴിവ്: 2 (അൺറിസർവ്ഡ്)
ശമ്പളം: പേ ലെവൽ 6 (35,400 – 1,12,400)
പ്രായപരിധി: 30 വയസ്
യോഗ്യത: അഗ്രികൾച്ചർ, ഹോർട്ടികൾച്ചർ, പ്ലാന്റേഷൻ, അഗ്രികൾച്ചറൽ എഞ്ചിനീയറിങ്, വെറ്ററിനറി സയൻസ്, ഡയറി സയൻസ്, ഡയറി ടെക്നോളജി, ഫുഡ് പ്രോസസിങ്, ഫുഡ് ടെക്നോളജി, ഫുഡ് സയൻസ് തുടങ്ങിയ വിഷയങ്ങളിലെ ബിരുദം.

അസിസ്റ്റന്റ് മാനേജർ (അഗ്രികൾച്ചർ)

ഒഴിവ്: 1 (അൺറിസർവ്ഡ്)
ശമ്പളം: പേ ലെവൽ 6 (35,400 – 1,12,400)
പ്രായപരിധി: 30 വയസ്
യോഗ്യത: അഗ്രികൾച്ചർ, ഹോർട്ടികൾച്ചർ, പ്ലാന്റേഷൻ, അഗ്രികൾച്ചറൽ എഞ്ചിനീയറിങ്, വെറ്ററിനറി സയൻസ്, ഡയറി സയൻസ്, ഡയറി ടെക്നോളജി, ഫുഡ് പ്രോസസിങ്, ഫുഡ് ടെക്നോളജി, ഫുഡ് സയൻസ് തുടങ്ങിയ വിഷയങ്ങളിലെ ബിരുദം.

കൂടുതൽ വിവരങ്ങൾക്ക് https://apeda.gov.in/sites/default/files/2026-05/RECRUITMENT_ADVERTISEMENT_NO_12026.pdf

സംസ്ഥാന സർക്കാരിന് കീഴിൽ താത്കാലിക ഒഴിവുകൾ

ഡാറ്റാ എൻട്രി ഓപ്പറേറ്റർ ഒഴിവ്

നെടുമങ്ങാട് ഐ.ടി.ഡി പ്രൊജക്ട് ഓഫീസറുടെ അധികാരപരിധിയിൽ കട്ടേലയിൽ പ്രവർത്തിക്കുന്ന ഡോ.അംബേദ്കർ മെമ്മോറിയൽ മോഡൽ റസിഡൻഷ്യൽ സ്‌കൂളിൽ ഡാറ്റാ എൻട്രി ഓപ്പറേറ്ററുടെ താത്ക്കാലിക ഒഴിവുണ്ട്. ഡിഗ്രിയും അംഗീകൃത സർക്കാർ സ്ഥാപനത്തിൽ നിന്നുള്ള ഡിസിഎ മലയാളം അല്ലെങ്കിൽ ഇംഗ്ലീഷ് ടൈപ്പിംഗ് ആണ് യോഗ്യത.

പ്രവർത്തി പരിചയം ഉള്ളവർക്ക് മുൻഗണന ലഭിക്കും. പ്രായപരിധി 45 വയസ്സ്. യോഗ്യരായ ഉദ്യോഗാർത്ഥികൾ ബയോഡാറ്റയും സർട്ടിഫിക്കറ്റുകളും അവയുടെ പകർപ്പുകളും സഹിതം ഇന്ന് (ജൂൺ 9) രാവിലെ 10ന് സ്‌കൂളിൽ നടക്കുന്ന അഭിമുഖത്തിൽ പങ്കെടുക്കണമെന്ന് സീനിയർ സൂപ്രണ്ട് അറിയിച്ചു.

വാക്ക്-ഇൻ ഇന്റർവ്യൂ

തിരുവനന്തപുരം ബാർട്ടൺഹിൽ സർക്കാർ എൻജിനിയറിംഗ് കോളേജിന്റെ വനിതാ ഹോസ്റ്റലിലേക്ക് ദിവസ വേതനാടിസ്ഥാനത്തിൽ കിച്ചൺ ഹെൽപ്പറുടെ ആറ് ഒഴിവ് നിലവിലുണ്ട്. എട്ടാം ക്ലാസും 40 നും 60 നും ഇടയിൽ പ്രായവുമുള്ള വനിത ഉദ്യോഗാർഥികൾക്ക് ജൂൺ 17 ഉച്ചയ്ക്ക് 2 ന് കോളേജ് ഓഫീസിൽ നടക്കുന്ന വാക്ക്-ഇൻ ഇന്റർവ്യൂവിൽ പങ്കെടുക്കാം. പ്രവൃത്തി പരിചയം അഭിലഷണീയം. താൽപര്യമുള്ളവർ വയസ്, യോഗ്യത, പ്രവൃത്തി പരിചയം, തിരിച്ചറിയൽ രേഖ എന്നിവയുടെ അസൽ രേഖകൾ സഹിതം അഭിമുഖത്തിന് ഹാജരാകണം.

Published On June 8, 2026