ഒരു രാജ്യമായാല് ഇങ്ങനെ വേണം: ശമ്പളത്തിന്റെ കാര്യത്തില് ഞെട്ടിച്ച് യുഎഇ, ചിലവിനെ പേടിക്കേണ്ടതില്ല
ദുബായ്: ജീവിതിച്ചിലവിന് ഉയരുന്നതിന് അനുസരിച്ച് ശമ്പളം വർധിക്കുന്നില്ലെന്നതാണ് നമ്മളില് പലരും നേരിടുന്ന പ്രധാന പ്രശ്നം. ഇതോടെയാണ് ആളുകള് ചെലവുകള് വഹിക്കുന്നതിന് വേണ്ടി കടം വാങ്ങുന്നത് ഉള്പ്പെടേയുള്ള കാര്യങ്ങളിലേക്ക് നീങ്ങുന്നത്. എന്നാല് ഇതില് നിന്നെല്ലാം വ്യത്യസ്തമായ ഒരു വാർത്തയാണ് യു എ ഇയില് നിന്നും പുറത്ത് വരുന്നത്. അതായത് യു എ ഇയില് ചിലവ് ഉയരുന്നതിനേക്കാള് കൂടുതല് ശമ്പള നിരക്ക് വർധിക്കുമെന്നാണ് റിപ്പോർട്ടുകള് വ്യക്തമാക്കുന്നത്.
മികച്ച പ്രതിഭകളുടെ വർദ്ധിച്ച ആവശ്യകതയുടെയും മൊത്തത്തിലുള്ള സമ്പദ്വ്യവസ്ഥയിലെ വളർച്ചയുടെയും പശ്ചാത്തലത്തിൽ ഈ വർഷം യു എ ഇയിലെ പണപ്പെരുപ്പ നിരക്ക് വർദ്ധനയെക്കാൾ വേഗത്തിൽ ശമ്പളം വർദ്ധിക്കുമെന്നാണ് പ്രതീക്ഷ. ആഗോള ഹ്യൂമൻ ക്യാപിറ്റൽ കൺസൾട്ടൻസിയായ മെർസർ പറയുന്നതനുസരിച്ച്, പണപ്പെരുപ്പത്തിൽ 2.3 ശതമാനം വർദ്ധനവുണ്ടായപ്പോൾ യുഎഇയിലെ ശരാശരി ശമ്പളം ഈ വർഷം 4 ശതമാനം വർദ്ധിക്കുമെന്നാണ് വിലയിരുത്തല്.
ഊർജ കമ്പനികളിൽ ജോലി ചെയ്യുന്ന ജീവനക്കാർക്ക് ഈ വർഷം 4.3 ശതമാനത്തേക്കാളും അൽപ്പം ഉയർന്ന ശമ്പള വർദ്ധനവ് ഉണ്ടാകുമെന്നും കൺസ്യൂമർ ഗുഡ്സ് സ്ഥാപനങ്ങളിലെ ജീവനക്കാർക്ക് ശരാശരി 4.1 ശതമാനം ശമ്പളം ഉണ്ടാകുമെന്നുമാണ് 2024-ലെ മെർസർ മിഡിൽ ഈസ്റ്റ് ടോട്ടൽ റെമ്യൂണറേഷൻ സർവേ അഭിപ്രായപ്പെടുന്നത്. ലൈഫ് സയൻസസ്, ഹൈടെക് കമ്പനികള് തുടങ്ങിയ മേഖലകള് ശമ്പളം ഏകദേശം നാല് ശതമാനം വർദ്ധിപ്പിക്കാൻ പദ്ധതിയിടുന്നു.
2023-ൽ യുഎഇയിലെ എല്ലാ വ്യവസായങ്ങളിലും ശരാശരി ശമ്പളം 4.1 ശതമാനം വർദ്ധിച്ചു. വർധിച്ച് വരുന്ന ജീവിതച്ചിലവുകള്ക്കിടയില് ഇത് ആശ്വാസമാകുന്ന ഘടകമാണ്. യുഎഇ തൊഴിൽ വിപണിയിൽ സ്ഥിരതയും വളർച്ചയും ആവേശവും ഉണ്ടെങ്കിലും ജീവിതച്ചെലവാണ് വലിയ പ്രശ്നങ്ങളിലൊന്ന്, പ്രധാനമായും കഴിഞ്ഞ രണ്ട് വർഷമായി വാടകയിൽ ഉണ്ടായ വർധനവാണ് കാരണം.
വർദ്ധിച്ചുവരുന്ന ചെലവുകൾക്കിടയിലും, യു.എ.ഇ.ക്ക് ധാരാളം സാധ്യതകളും അവസരങ്ങളും ഉണ്ടെന്നും വിദഗ്ധർ പറയുന്നു. "വിപണിയിൽ നിരവധി പ്രാദേശിക, ബഹുരാഷ്ട്ര സ്ഥാപനങ്ങൾ ഉള്ളതിനാൽ ഇവിടെ ജോലി ചെയ്യാൻ ആഗ്രഹിക്കുന്ന ആളുകൾക്ക് യു എ ഇ വളരെ ആകർഷകമാണ്. യു എ ഇയിലെ കമ്പനികൾ രാജ്യത്തിനകത്തും മേഖലയിലെ മറ്റ് രാജ്യങ്ങളിൽ നിന്നും വർദ്ധിച്ചുവരുന്ന മത്സരം നേരിടുന്നു. ഇവർ പ്രതിഭകളെ ആകർഷിക്കാനും സ്വന്തമാക്കാനും ശ്രമിക്കുന്നു, " കരിയർ പ്രിൻസിപ്പൽ ആൻഡ്രൂ എൽ സെയ്ൻ പറഞ്ഞു.
16.3 ശതമാനം യുഎഇ കമ്പനികളും തങ്ങളുടെ ജീവനക്കാരുടെ എണ്ണം ഈ വർഷം വർദ്ധിപ്പിക്കാൻ പദ്ധതിയിടുന്നുവെന്നാണ് റിപ്പോർട്ട്. എന്നാല് 7.8 ശതമാനം മാത്രമാണ് ഈ വർഷം തൊഴിലാളികളെ കുറയ്ക്കാൻ ഉദ്ദേശിക്കുന്നത്. എമിറേറ്റ്സിലെ 75.9 ശതമാനം കമ്പനികളും തങ്ങളുടെ തൊഴിലാളികളെ കൂട്ടാനോ കുറയ്ക്കാനോ ഉദ്ദേശിക്കുന്നില്ല.
Click it and Unblock the Notifications
Sign in with Google