• search

ഇറാഖ് തന്ത്രം: സഖ്യസേന വെള്ളംകുടിക്കുന്നു

  • Posted By:
Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts
    War on Iraq
    ബാഗ്ദാദ്: ഇറാഖി സൈന്യത്തിന്റെ കൗശലം നിറഞ്ഞ നീക്കങ്ങളില്‍ പെട്ട് യുഎസ്-ബ്രിട്ടീഷ് സേന വെള്ളംകുടിക്കുന്നു. വടക്കന്‍ അയര്‍ലന്റിലെ പോരാളികള്‍ സ്വീകരിച്ച അതേ ഗറില്ല തന്ത്രങ്ങളാണ് ഇറാഖും പയറ്റുന്നതെന്ന് ബ്രിട്ടീഷ് സേന പറയുന്നു. പ്രത്യേകമായ യുദ്ധമുന്നണിയില്ല, സൈനികകേന്ദ്രീകരണമില്ല, സൈനികര്‍ പ്രത്യേക സ്ഥാനങ്ങളില്‍ സ്ഥലം പിടിക്കുന്നില്ല. പകരം ചെറുസംഘങ്ങള്‍ പെട്ടെന്ന് ആക്രമിക്കുന്നു, എവിടെയോ മറയുന്നു. ഈ തന്ത്രങ്ങളില്‍ പെട്ട് പലയിടത്തും സഖ്യസേനയുടെ യുദ്ധതന്ത്രങ്ങള്‍ പാളുന്നു.

    ഇതിനെല്ലാം പുറമെ മണല്‍ക്കാറ്റും സ്വന്തം പിഴവുകളും സഖ്യസേനയുടെ മുന്നേറ്റത്തിന്റെ വേഗം കുറയ്ക്കുന്നു. ബസ്ര നഗരം പിടിച്ചെന്ന് രണ്ട് ദിവസം മുന്‍പ് അവകാശപ്പെട്ട ബ്രിട്ടീഷ് സേനയ്ക്ക് ഇപ്പോള്‍ ബസ്രയില്‍ നിന്ന് പിന്‍വാങ്ങേണ്ടിവന്നു. അത്രയ്ക്ക് ശക്തമായ ചെറുത്തുനില്പാണ് ഇറാഖി സൈന്യം നടത്തിയത്. ബസ്രയില്‍ ചെറുത്തുനില്പ് നടത്തുന്നത് പ്രാദേശിക സേനയാണെന്നായിരുന്നു നേരത്തെ ബ്രിട്ടീഷ്-യുഎസ് മാധ്യമങ്ങള്‍ പറഞ്ഞിരുന്നത്.

    ഇപ്പോള്‍ പറയുന്നത് സാധാരണക്കാരുടെ വേഷത്തിലെത്തിയ റിപ്പബ്ലിക്കന്‍ ആര്‍മിയായിരിക്കാം ബസ്രയില്‍ ആക്രമണം നടത്തുന്നതെന്നാണ്. എന്തായാലും റിപ്പബ്ലിക്കന്‍ സേന ബസ്രയില്‍നിന്നും ബ്രിട്ടീഷ് സേനയെ ശരിക്കും വിരട്ടിയോടിച്ചു.

    ബസ്രയില്‍ പല പല തന്ത്രങ്ങളാണ് ഇറാഖി സേന കൈക്കൊണ്ടത്. ചിലര്‍ കീഴടങ്ങാനാണെന്ന ഭാവേന ബ്രിട്ടീഷ് സേനയെ സമീപിച്ചശേഷം പെട്ടെന്ന് ആക്രമിക്കുകയായിരുന്നു. ഇത് ബ്രിട്ടീഷ് സേന പ്രതീക്ഷിച്ചില്ല.

    മറ്റൊന്ന് ഉം ഖസര്‍, നസീറിയ, ബസ്ര എന്നിവിടങ്ങളിലേക്ക് നീങ്ങിയ ബ്രിട്ടീഷ് ടാങ്കുകളെ ആരും എതിര്‍ത്തിരുന്നില്ല. ഇതോടെ ബസ്രയിലേക്ക് നീങ്ങുന്നത് സുരക്ഷിതമാണെന്ന് ബ്രിട്ടീഷ് സേന കരുതി. പക്ഷെ മുന്‍പേ നീങ്ങിയ ടാങ്കുകള്‍ക്ക് മറ്റ് യുദ്ധസാമഗ്രികളുമായി നീങ്ങിയ ടാങ്കുകളെ പെട്ടെന്ന് വശങ്ങളില്‍ നിന്ന് പതിയുരന്ന ഇറാഖി സൈനികര്‍ ആക്രമിക്കുകയായിരുന്നു. ഈ ആക്രമണവും പ്രതീക്ഷിച്ചില്ല. പൊതുവെ ഇറാഖികളുടെ യുദ്ധതന്ത്രങ്ങളെ കുറച്ചുകണ്ടു എന്നതാണ് ബ്രിട്ടീഷ് യുഎസ് സേനയ്ക്ക് പറ്റിയ പിഴവ്.

    യൂഫ്രട്ടീസ് നദിയ്ക്ക് കുറുകെയുള്ള രണ്ട് പാലങ്ങള്‍ പിടിക്കാന്‍ പോയ ബ്രിട്ടീഷ് സേനയ്ക്കും ഇതേ പിഴവ് പറ്റി. കീഴടങ്ങാനാണെന്ന വ്യാജേനയെത്തി ഇറാഖി സൈനികര്‍ മിന്നലാക്രമണം നടത്തി. ഇതില്‍ ബ്രിട്ടീഷ് സേന തകര്‍ന്നു. ഇപ്പോള്‍ ഈ രണ്ടു പാലങ്ങളും തകര്‍ക്കാനുള്ള ശ്രമത്തിലാണ് സഖ്യസേന.

    ബാഗ്ദാദിലേക്ക് നീങ്ങിയ ടാങ്കുകള്‍ക്ക് കഴിഞ്ഞ രണ്ട് ദിവസമായി അതിശക്തമായ മണല്‍ക്കാറ്റ് മൂലം മുന്നേറാന്‍ കഴിയുന്നില്ല. മാത്രമല്ല, ബാഗ്ദാദിന് ഏകദേശം 100 കിലോമീറ്ററോളം അടുത്തെത്തിയിട്ടും ഈ ടാങ്കുകളെ ആരും ആക്രമിച്ചില്ല എന്നതും സഖ്യസേനയെ ഭയപ്പെടുത്തുന്നു. ബാഗ്ദാദില്‍ എത്തിയാല്‍ ഒരു പക്ഷെ സംഘം ചേര്‍ന്ന് ആക്രമിക്കാനാണോ ഇറാഖിന്റെ തീരുമാനം എന്ന് സഖ്യസേന കരുതുന്നു.

    എന്തായാലും സദ്ദാമിന്റെ നേതൃത്വത്തില്‍ ഇറാഖ് സൈന്യം ശക്തമായി പിടിച്ചുനില്ക്കുകയാണെന്ന് വ്യക്തം. ഇറാഖി ടെലിവിഷനില്‍ കൂടെക്കൂടെ ഇറാഖിന്റെ മന്ത്രിമാര്‍ ഒന്നിനുപുറകെ ഒന്നായി വാര്‍ത്താസമ്മേളനം നടത്തുന്നുമുണ്ട്.

    Iraq Map

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more