കരടു വോട്ടര്‍ പട്ടിക ബുധനാഴ്ച പ്രസിദ്ധീകരിക്കും

തിരുവനന്തപുരം: തദ്ദേശസ്വയംഭരണസ്ഥാപനങ്ങളിലേക്കു നടക്കുന്ന തിരഞ്ഞെടുപ്പിനുള്ള കരട് വോട്ടര്‍പട്ടിക എല്ലാ തദ്ദേശസ്വയംഭരണസ്ഥാപനങ്ങളിലും ജൂണ്‍15 ബുധനാഴ്ച പ്രസിദ്ധീകരിക്കും.

2005 ജനുവരി ഒന്നിന് 18 വയസു പൂര്‍ത്തിയായ എല്ലാവരേയും പട്ടികയിലുള്‍പ്പെടുത്തും. വാര്‍ഡ് അടിസ്ഥാനത്തില്‍ തയ്യാറാക്കിയ വോട്ടര്‍ പട്ടിക പൊതുജനങ്ങള്‍ക്ക് പരിശോധിക്കാം.

സംസ്ഥാനത്ത് തദ്ദേശസ്വയംഭരണസ്ഥാപനങ്ങളിലേക്ക് സെപ്റ്റംബറില്‍ തിരഞ്ഞെടുപ്പു നടക്കുമെന്നാണ് തിരഞ്ഞെടുപ്പു കമ്മീഷന്‍ അറിയിച്ചിരിക്കുന്നത്.