കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നാനോയുടെ അരങ്ങേറ്റത്തിന്‌ മണിക്കൂറുകള്‍ മാത്രം

  • By Staff
Google Oneindia Malayalam News

Tata Nano
മുംബൈ: സാധാരണക്കാരന്റെ കാര്‍ സ്വപ്‌നങ്ങള്‍ക്ക്‌ നിറം പകര്‍ന്നു കൊണ്ട്‌ ടാറ്റയുടെ ഒരു ലക്ഷം രൂപ കാര്‍ നാനോ തിങ്കളാഴ്‌ച വിപണയിലേക്ക്‌. മാര്‍ച്ച്‌ 23ന്‌ നാനോയെ പൊതുവിപണിയില്‍ എത്തിയ്‌ക്കുമെങ്കിലും കാറിന്റെ ആവശ്യകതയും ലഭ്യതയും തമ്മിലുള്ള അന്തരം ഏറെക്കാലം നീണ്ടു നില്‌ക്കാനാണ്‌ സാധ്യത.

തിങ്കളാഴ്‌ച അനാവരണം ചെയ്യുന്ന നാനോ കാര്‍ അടുത്ത ദിനം മുതല്‍ രാജ്യമൊട്ടാകെയുള്ള ഡീലര്‍ ഷോപ്പുകളില്‍ പ്രദര്‍ശിപ്പിച്ച്‌ തുടങ്ങുമെന്നാണ്‌ കരുതപ്പെടുന്നത്‌. ഏപ്രില്‍ പകുതിയോടെ കാറിന്റെ ബുക്കിംഗ്‌ സ്വീകരിയ്‌ക്കാനാണ്‌ ടാറ്റ മോട്ടോഴ്‌സ്‌ പദ്ധതി.

നാനോയുടെ ലോഞ്ചിങ്‌ ഒരു ചരിത്ര സംഭവമാകുമെന്നാണ്‌ കരുതപ്പെടുന്നത്‌. വിപണിയിലിറക്ക്‌ രണ്ടാഴ്‌ചയ്‌ക്കുള്ളില്‍ പത്ത്‌ ലക്ഷം ബുക്കിംഗാണ്‌ ടാറ്റാ മോട്ടോഴ്‌സ്‌ പ്രതീക്ഷിയ്‌ക്കുന്നത്‌. ഇതിന്‌ മുമ്പ്‌ ഫിയറ്റ്‌ യുനോയ്‌ക്കാണ്‌ ഏറ്റവും അധികം ബുക്കിംഗ്‌ ഉണ്ടായത്‌. 95-96 കാലഘട്ടത്തില്‍ ഏകദേശം 2.90 ലക്ഷം കാറിന്റെ ബുക്കിംഗാണ്‌ നടന്നത്‌.

നാനോയുടെ ബുക്കിംഗിലൂടെ ആദ്യ രണ്ടാഴ്‌ചയ്‌ക്കുള്ളില്‍ 7,000 കോടി രൂപ സമാഹരിയ്‌ക്കാന്‍ കഴിയുമെന്നാണ്‌ കമ്പനി കണക്കുകൂട്ടല്‍. ടാറ്റാ മോട്ടോഴ്‌സിന്റെ ഡീലര്‍മാരിലൂടെയും സ്‌റ്റേറ്റ്‌ ബാങ്ക്‌ ഓഫ്‌ ഇന്ത്യയുടെ തിരഞ്ഞടുത്ത ശാഖകളിലൂടെയും കാറിന്റെ ബുക്കിംഗ്‌ സ്വീകരിയ്‌ക്കും.

കാര്‍ വിപണിയിലെ ചൂടപ്പമായി നാനോ മാറുമെന്നാണ്‌ പ്രതീക്ഷിയ്‌ക്കുന്നതെങ്കിലും ഗുജറാത്തിലെ സാനന്ദില്‍ ടാറ്റ സ്ഥാപിയ്‌ക്കുന്ന ഫാക്ടറിയില്‍ നാനോ ഉത്‌പാദനം തുടങ്ങുന്നത്‌ ഒക്ടോബര്‍-നവംബര്‍ മാസത്തോടെ മാത്രമാവും. അതുവരെ ഉത്തര്‍ഖണ്ഡിലെ പന്ത്നഗറിലുള്ള നിര്‍മാണശാലയില്‍ നിന്നാണ്‌ നാനോ നിരത്തിലെത്തുക.

കയ്യില്‍ കാശുള്ളവര്‍ക്ക്‌ കാര്‍ ബുക്ക്‌‌ ചെയ്യാമെങ്കിലും നാനോ ആദ്യം സ്വന്തമാക്കണമെങ്കില്‍ ഭാഗ്യദേവതയുടെ അനുഗ്രഹവും വേണമെന്ന സ്ഥതിയാണുള്ളത്‌. കാര്‍ ബുക്ക്‌ ചെയ്യുന്നവരില്‍ നിന്നും നറുക്കെടുപ്പ്‌ വഴി തിരഞ്ഞെടുക്കുന്നവര്‍ക്ക്‌ മാത്രമായിരിക്കും തുടക്കത്തില്‍ നാനോ സ്വന്തമാവുക.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X