Click it and Unblock the Notifications
Just In
Don't Miss
-
T20 World Cup 2024: മൂന്നാമനായി കോലി വേണ്ട! പകരം റിഷഭ് കളിക്കട്ടെ. കാരണം പറഞ്ഞ് മുന് പേസര് -
എത്ര വെള്ളി കാശിനാ ജാസ്മിനെ നീ ഈ പാവത്തിനെ ഒറ്റിയത് ? ഈ സീസണിലെ റിയല് പോരാളി ജിന്റോ -
മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള് -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
പിണറായി വിചാരണ നേരിടണം: വീരന്‍
കോഴിക്കോട്‌: പാര്‍ട്ടി വിരുദ്ധ പ്രവര്‍ത്തനം നടത്തിയ നേതാക്കള്‍ക്കെതിരെ നടപടി എടുക്കാന്‍ ജനതാദള്‍ എസ്‌ സംസ്ഥാന അധ്യക്ഷന്‍ എംപി വീരേന്ദ്രകുമാറിനെ പാര്‍ട്ടി സംസ്ഥാന സെക്രട്ടേറിയറ്റ്‌ ചുമതലപ്പെടുത്തി. പാര്‍ട്ടി നേതാക്കള്‍ക്കും ഓഫീസുകള്‍ക്കും നേര്‍ക്ക്‌ സിപിഎം നടത്തിയ ആക്രമണത്തില്‍ പ്രതിഷേധിച്ച്‌ 12ന്‌ കോഴിക്കോട്‌ ധര്‍ണ നടത്താനും യോഗത്തില്‍ തീരുമാനമായി.
മുന്‍മന്ത്രി എന്‍എം ജോസഫുള്‍പ്പെടെയുള്ള നേതാക്കള്‍ക്കെതിരെയാണ്‌ നടപടിയുണ്ടാവുക. തിരഞ്ഞെടുപ്പില്‍ എല്ഡിഎഫ് അനുകൂല നിലപാട്‌ സ്വീകരിച്ച സികെ ഗോപി, ഗംഗാധരന്‍ നാടാര്‍, മുഹമ്മദ്‌ ഷാ എന്നിവര്‍ക്കെതിരെയും നടപടിയുണ്ടാവും.
ലാവലിന്‍ കേസില്‍ പിണായി വിജയനെ പ്രോസിക്യൂട്ട്‌ ചെയ്യാന്‍ അനുമതി നല്‌കേണ്ടെന്ന്‌ അഡ്വക്കേറ്റ്‌ ജനറല്‍ നിയമോപദേശം നല്‌കിയതിനെതിരെ യോഗം പ്രമേയം പാസാക്കി. ലാവ്‌ലിന്‍ കേസില്‍ സിപിഎം സംസ്ഥാന സെക്രട്ടറി പിണറായി വിജയന്‍ വിചാരണ നേരിടുകയാണ്‌ വേണ്‌ടതെന്ന്‌ വീരേന്ദ്രകുമാര്‍ പറഞ്ഞു.
അതേസമയം, ദളിന്റെ യുഡിഎഫ്‌ പ്രവേശനം അധികം വൈകില്ലെന്നാണ്‌ സൂചന. തിരഞ്ഞെടുപ്പ് ഫലങ്ങള്‍ പുറത്തു വന്നതിന്‌ ശേഷം മെയ്‌ 21, 22 തീയതികളില്‍ ചേരുന്ന സംസ്ഥാന സമിതി യോഗത്തില്‍ ഇത്‌ സംബന്ധിച്ച്‌ അന്തിമ തീരുമാനം ഉണ്ടാകുമെന്നാണ്‌ കരുതപ്പെടുന്നത്‌.
അതിനിടെ ജനതാദള്‍ നേതൃത്വവുമായി ഇടഞ്ഞു നില്‌ക്കുന്ന മാത്യു ടി തോമസ്‌, ജോസ്‌ തെറ്റയില്‍ എന്നിവരോട്‌ സ്വീകരിയ്‌ക്കേണ്ട സമീപനത്തെക്കുറിച്ച്‌ യോഗത്തില്‍ തീരുമാനമായില്ല. ഇവര്‍ രണ്ടു പേരുമൊഴിച്ച്‌ വീരേന്ദ്രകുമാറിന്റെ അധ്യക്ഷതയില്‍ ചേര്‍ന്ന യോഗത്തില്‍ മറ്റു മൂന്ന്‌ എംഎല്‍എമാരും പങ്കെടുത്തു.
