വിമാനയാത്രാ വിവാദം: ജോസഫ് കുറ്റവിമുക്തന്
ശ്രീപെരുമ്പത്തൂര് ജില്ലാ മജിസ്ട്രേട്ട് കോടതി ജഡ്ജി കൃഷ്ണസ്വാമിയാണ് കേസില് വിധി പറഞ്ഞത്. വിധി കേള്ക്കാനായി പിജെ ജോസഫും കുടുംബാംഗങ്ങളും കേരളകോണ്ഗ്രസ് നേതാക്കളും കോടതിയില് എത്തിയിരുന്നു. വിധി പ്രസ്താവനത്തെത്തുടര്ന്ന് ദൈവത്തിന് നന്ദിപറയുകയാണെന്ന് ജോസഫ് പ്രതികരിച്ചു.
അതേസമയം വിധിക്കെതിരെ അപ്പീല് പോകുമെന്ന് പരാതിക്കാരിയായ ലക്ഷ്മി ഗോപകുമാറിന്റെ അഭിഭാഷക അറിയിച്ചു. 2006 ആഗസ്റ്റ് 3 കേസിനാണ് കേസിനാസ്പദമായ സംഭവം നടന്നത്. ചൈന്നൈയില് നിന്നും കൊച്ചിയിലേയ്ക്കുള്ള വിമാനയാത്രക്കിടയില് സഹയാത്രികയായ ലക്ഷ്മിയോട് ജോസഫ് അപമര്യാദയായി പെരുമാറി എന്നാണ് കേസ്.
വിമാനത്തിലെ സീറ്റിന്റെ വിടവിലൂടെ ജോസഫ് ലക്ഷ്മിയെ കടന്നുപിടിയ്ക്കുകയും തുടര്ന്ന് പരാതി പറഞ്ഞ ലക്ഷ്മിയ്ക്ക് എയര്ഹോസ്റ്റസ് മറ്റൊരു സീറ്റ് നല്കി ആശ്വസിപ്പിക്കുകയായിരുന്നു. തുടര്ന്ന് വിമാനത്തിലെ പരാതിക്കാര്ഡ് പൂരിപ്പിച്ച് അവര് അയര്ഹോസ്റ്റസിന് നല്കുകയും ചെയ്തു- ഇതായിരുന്നു ലക്ഷ്മിയുടെ പരാതിയുടെ ഉള്ളടക്കം.
ആരോപണത്തെത്തുടര്ന്ന് ജോസഫിനെതിരെ ഐജി ബി സന്ധ്യം വിശദമായ തെളിവെടുപ്പ് നടത്തി. ആദ്യം പൊലീസില് പരാതി നല്കാന് വിമുഖത നല്കിയ ലക്ഷ്മി ഐജിയുടെ റിപ്പോര്ട്ടിന്മേല് നടപടികളൊന്നും ഉണ്ടാവാഞ്ഞതിനെത്തുടര്ന്ന് 2006 ഒക്ടോബര് മൂന്നിന് ചെന്നൈ വിമാനത്താവളം പൊലീസില് പരാതി നല്കുകയായിരുന്നു.
Click it and Unblock the Notifications
Sign in with Google