കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പന്നിപ്പനി: ആശങ്ക വേണ്ടെന്ന്‌ ആരോഗ്യമന്ത്രി

  • By Staff
Google Oneindia Malayalam News

ദില്ലി: പന്നിപ്പനിയെ ലോകാരോഗ്യ സംഘടന മാഹമാരിയായി പ്രഖ്യാപിച്ചതില്‍ രാജ്യത്തെ ജനങ്ങള്‍ക്ക്‌ ആശങ്ക വേണ്ടെന്ന്‌ കേന്ദ്ര ആരോഗ്യമന്ത്രി ഗുലാം നബി ആസാദ്‌.

ഏത്‌ സാഹചര്യവും നേരിടാന്‍ രാജ്യം സജ്ജമാണെന്നും പന്നിപ്പനിയുടെ പ്രതിരോധ മരുന്നയാ താമിഫ്‌ളൂവിന്റെ കരുതല്‍ ശേഖരം ആവശ്യത്തിനുണ്ടെന്നും കൂടുതല്‍ മരുന്ന്‌ ഉത്‌പാദിപ്പിക്കാന്‍ മരുന്നു നിര്‍മ്മാണ കമ്പനികള്‍ക്ക്‌ നിര്‍ദ്ദേശം നല്‍കിയിട്ടുണ്ടെന്നും മന്ത്രി അറിയിച്ചു.

ഇന്ത്യയില്‍ ഇതുവരെ റിപ്പോര്‍ട്ട്‌ ചെയ്യപ്പെട്ടിട്ടുള്ള എച്ച്‌1എന്‍1 വൈറസ്‌ ബാധയുള്ളവരെല്ലാം അമേരിക്കയില്‍ നിന്നും എത്തിയവരിലാണ്‌. അതുകൊണ്ട്‌ പ്രാദേശികമായി രോഗം പടരാന്‍ സാധ്യതിയില്ലെന്നാണ്‌ മന്ത്രി പറയുന്നത്‌.

രോഗം പൂര്‍ണമായും ഭേദപ്പെടുമെന്നും ഇതുവരെ രോഗം സ്ഥിരീകരിച്ച അഞ്ചു രോഗികള്‍ രോഗം പൂര്‍ണഭേദമായി ആശുപത്രി വിട്ടുവെന്നും മന്ത്രി പറഞ്ഞു.

ഇന്ത്യയില്‍ ഇതേവരെ 17 പേരിലാണ്‌ വൈറസ്‌ ബാധ സ്ഥിരീകരിച്ചത്‌. സംസ്ഥാനതലങ്ങളില്‍ പന്നിപ്പനി ബാധയെ നേരിടുന്നതിനായി പ്രത്യേക മെഡിക്കല്‍ സംഘമായ റാപ്പിഡ്‌ റസ്‌പോണ്‍സ്‌ ടീമുകളെ പരിശീലിപ്പിച്ച്‌ സജ്ജമാക്കിയിട്ടുണ്ട്‌. ഭാവിയില്‍ ജില്ലാ തലങ്ങളിലും ഇത്തരം സംഘങ്ങളെ സജ്ജമാക്കും-മന്ത്രി അറിയിച്ചു.

ഇതിനിടെ വെള്ളിയാഴ്‌ച ഒറു ആറുവയസ്സുകാരിയില്‍ക്കൂടി രോഗം സ്ഥിരീകരിച്ചിട്ടുണ്ട്‌. മെയ്‌ ഒന്‍പതിന്‌ ന്യൂയോര്‍ക്കില്‍ നിന്നും മാതാപിതാക്കളോടൊപ്പം ഹൈദരാബാദ്‌ വിമാനത്താവളത്തിലെത്തിയ കുട്ടിയിലാണ്‌ വൈറസ്‌ ബാധ സ്ഥിരീകരിച്ചത്‌. കുട്ടി ഹൈദരാബാദിലെ സ്വകാര്യ ആശുപത്രിയില്‍ ചികത്സയിലാണ്‌.

രോഗം ആഗോള തലത്തില്‍ പടരുന്ന സാഹചര്യം കണക്കിലെടുത്താണ്‌ പിന്നിപ്പനിയെ ലോകാരോഗ്യ സംഘടന മഹാമാരിയായി പ്രഖ്യപിച്ചത്‌. എല്ലാ രാജ്യങ്ങള്‍ക്കും സംഘടന ജാഗ്രതാ നിര്‍ദ്ദേശവും നല്‍കിയിട്ടുണ്ട്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X