മകളെ 18വര്ഷം പീഡിപ്പിച്ച പിതാവ് അറസ്റ്റില്
ഭുവനേശ്വര്: പതിനെട്ടു വര്ഷമായി മകളെ ലൈംഗികമായി ചൂഷണം ചെയ്യുന്ന പിതാവ് അറസ്റ്റില്. ഒറീസയിലെ രാജ്ഗുരുപൂര് ഗ്രാമവാസിയായ ബിഷ്ണുമോഹന് പാണ്ഡെയാണ് അറസ്റ്റിലായത്.
മകളുടെ പരാതിയെത്തുടര്ന്നാണ് പൊലീസ് ഇയാളെ അറസ്റ്റുചെയ്തത്. ഇപ്പോള് മുപ്പത്തിരണ്ടുകാരിയായ മകള് ഒന്പതാം ക്ലാസില് പഠിക്കുന്ന കാലം തുടങ്ങി പിതാവ് ലൈംഗികമായി ചൂഷണം ചെയ്യുകയാണ്.
അച്ഛനില് നിന്നും ഗര്ഭിണിയായ യുവതിയ്ക്ക് ഒട്ടേറെ തവണ ഗര്ഭഛിദ്രത്തിന് വിധേയയാകേണ്ടിവന്നിട്ടുമുണ്ട്. ഇപ്പോള് ഇവര് വിവാഹിതയും രണ്ടു കുട്ടികളുടെ അമ്മയുമാണ്.
തീര്ത്തും ദരിദ്രനായ ഒരാള്ക്ക് മകളെ വിവാഹം ചെയ്തു കൊണ്ടുത്തശേഷം സ്വന്തം വീട്ടില്ത്തന്നെ നിര്ബ്ബന്ധിച്ച് താമസിപ്പിച്ച് ഇയാള് വിവാഹ ശേഷവും മകളെ പീഡിപ്പിച്ചുകൊണ്ടിരുന്നു.
തന്റെ ഇംഗിതങ്ങള്ക്ക് എതിരുനില്ക്കുകയോ ഇക്കാര്യങ്ങള് മറ്റാരോടെങ്കിലും പറയുകയോ ചെയ്താല് വന്ഭവിഷത്തുകള് അനുഭവിക്കേണ്ടിവരുമെന്ന് പറഞ്ഞ് ഭീഷണിപ്പെടുത്തിയാണ് അമ്പത്തിയെട്ടുകാരനായ പാണ്ഡെ മകളെ പീഡിപ്പിച്ചുകൊണ്ടിരുന്നത്.
കഴിഞ്ഞ ആഗസ്റ്റ് 30ന് ഇയാള് മകളെ ഇരുമ്പു കമ്പികൊണ്ട് മര്ദ്ദിച്ചു. ഇതിന്ശേഷം അയല്ക്കാരില് ഒരാളുടെ സഹായത്തോടെ യുവതി പൊലീസ് സ്റ്റേഷനിലെത്തി പരാതി നല്കുകയായിരുന്നു.
പാണ്ഡെ ഇപ്പോള് ജുഡീഷ്യല് കസ്റ്റഡിയിലാണ്. അടുത്ത കാലങ്ങളില് ഇത്തരത്തിലുള്ള സംഭവങ്ങള് വര്ധിക്കുകയാണെന്ന് പൊലീസ് പറയുന്നു.