നിധിശേഖരത്തിന് ഭീഷണിയായി തുരങ്കങ്ങള്
ക്ഷേത്രത്തിനു തൊട്ടടുത്തു കൂടി പോകുന്ന വലിയ അഴുക്കുചാലുകളാണ് സുരക്ഷാഭീഷണി സൃഷ്ടിയ്ക്കുന്നത്. ഭീഷണി ഉയര്ന്ന സാഹചര്യത്തില് രഹസ്യാന്വേഷണവിഭാഗം ഈ ഭൂഗര്ഭ തുരങ്കങ്ങളുടെ സ്കെച്ച് തയ്യാറാക്കിയിട്ടുണ്ട്.
ക്ഷേത്രത്തിനു സമീപത്തേക്ക് എത്തുന്ന രണ്ട് തുരങ്കസമാനമായ രണ്ട് അഴുക്കുചാലുകളാണ് ഉള്ളത്. കരിമഠംകോളനിയില്നിന്ന് ആരംഭിക്കുന്ന അഴുക്കുചാലായ തെക്കനംകര ഓടയാണ് ഇതിലൊന്ന്. ഒരു നൂറ്റാണ്ടിലധികം പഴക്കമുള്ള തുരങ്കമാണിത്. രണ്ടര അടി വീതിയും രണ്ടര അടി നീളവുമുള്ള ഈ ഓടയിലൂടെ ഒരാള്ക്ക് നൂഴ്ന്ന് പോകാനാവും. പലയിടത്തുനിന്നും ഈ തുരങ്കത്തിലേക്ക് ഇറങ്ങാന് കഴിയുമെന്ന പ്രത്യേകതയുമുണ്ട്.
കുതിരമാളിക, ചെമ്പകത്തുമൂട് നട, വൈകുണ്ഡം കല്യാണ മണ്ഡപം എന്നിവിടങ്ങളിലൂടെ പോകുന്ന തുരങ്കത്തിന് ക്ഷേത്രവുമായി 30 മീറ്റര് ദൂരമേയുള്ളൂ. ഈ അഴുക്കുചാലുകളില് നിന്ന് ക്ഷേത്രത്തിലേക്ക് തുരങ്കമുണ്ടോയെന്നും പൊലീസ് സംശയിക്കുന്നുണ്ട്. പതിറ്റാണ്ടുകള് പഴക്കമുള്ളതില് ഈ അഴുക്കുചാലുകളുടെ കൈവഴികള് എവിടെയാണെന്ന് ആര്ക്കുമറിയില്ല.
ആസ്തിതിട്ടപ്പെടുത്താന് ബുദ്ധിമുട്ടുള്ള നിധിശേഖരത്തിന് വന്ഭീഷണിയാണ് ഈ തുരങ്കങ്ങളെന്ന് അധികൃതര്ക്ക് മനസ്സിലാക്കിയിട്ടുണ്ട്. ഇതുകൂടി കണക്കിലെടുത്താവും ക്ഷേത്രത്തിലെ സുരക്ഷാസംവിധാനങ്ങള് ക്രമീകരിയ്ക്കുക.
Click it and Unblock the Notifications
Sign in with Google