45 ലക്ഷത്തിന്റെ പിക്കാസോ ചിത്രം മോഷണം പോയി

സാന്‍ഫ്രാന്‍സിസ്‌കോ: പ്രശസ്ത ചിത്രകാരന്‍ പാബ്ലോ പിക്കാസോയുടെ ചിത്രം സാന്‍ഫ്രാന്‍സികോ ആര്‍ട്ട് ഗാലറിയില്‍ നിന്ന് മോഷണം പോയി. ചിത്രത്തിന്റെ മതിപ്പ് വില ഏകദേശം ഒരു ലക്ഷം ഡോളറെങ്കിലും (ഏതാണ്ട് 45 ലക്ഷം രൂപ) വരുമെന്നാണ് കണക്കാക്കുന്നത്.

1965ല്‍ പിക്കാസോ വരച്ച 'ടിറ്റി ഡെ ഫെമ്മെ എന്ന ചിത്രമാണ് ഗാലറിയില്‍ നിന്ന് മോഷണം പോയത്. യൂണിയന്‍ സ്‌ക്വയറിലെ ഗീരി സ്ട്രീറ്റിലുള്ള വീന്‍സ്റ്റീന്‍ ഗാലറിയിലാണ് ചിത്രം സൂക്ഷിച്ചിരുന്നത്.

കറുത്ത കണ്ണട ധരിച്ച ഒരു മുപ്പതു വയസുകാരനെയാണ് സംശയമെന്ന് പോലീസ് പറഞ്ഞു. ഇയാള്‍ ചിത്രം വിറ്റുകളയാനുള്ള സാധ്യതയുള്ളതിനാല്‍ പോലീസ് പരിശോധന കര്‍ശനമാക്കിയിട്ടുണ്ട്.

ലോകത്തേറ്റവുമധികം മോഷ്ടിയ്ക്കപ്പെട്ട ചിത്രങ്ങള്‍ പിക്കാസോയുടേതാണ്. വ്യാജന്മാര്‍ക്ക് പ്രിയവും പിക്കാസോയോട് തന്നെ.

English summary

The well-dressed man in dark glasses didn't attract a second glance when he walked into a gallery near Union Square on Tuesday