165 വര്‍ഷം; നെപ്റ്റിയൂണ്‍ ചുറ്റിയടിച്ചു വന്നു

ലണ്ടന്‍: സൗരയൂഥത്തിലെ എട്ടാമന്‍ നെപ്റ്റിയൂണിന് ഒന്നാം പിറന്നാള്‍. മനുഷ്യദൃഷ്ടിയില്‍ നീലഗ്രഹം വന്നതിന് ശേഷം സൂര്യനെ ഒരു തവണ പ്രദിഷണം പൂര്‍ത്തിയാക്കിയെന്ന കണക്കിലാണ് ഒന്നാം പിറന്നാള്‍.

സൂര്യനെ ആധാരമാക്കിയുള്ള 329 ഡിഗ്രി 1020 രേഖാംശത്തിലാണ് ഗ്രഹത്തെ ആദ്യമായി മനുഷ്യര്‍ കണ്ടെത്തിയത്. അതില്‍പ്പിന്നെ അതേ രേഖാംശത്തില്‍ ഗ്രഹം നമ്മുടെ ദൃഷ്ടിയിലെത്തുക ജൂലൈ 13 ഇന്ത്യന്‍ സമയം പുലര്‍ച്ചെ 3.06നാണ്. ഭൂമിയിലെ ഒരു വര്‍ഷത്തിന്റെ കണക്കെടുക്കുമ്പോള്‍ സൂര്യനെ ഒന്നു ചുറ്റിവരാന്‍ നെപ്റ്റിയൂണിന് 164.79 വര്‍ഷം വേണ്ടിവരും. അതായത് നെപ്റ്റിയൂണിന്റെ ഒരു വര്‍ഷം നമ്മുടെ 164.79 വര്‍ഷമെന്ന് ചുരുക്കം.

1846 സെപ്റ്റംബര്‍ 23. ജര്‍മ്മന്‍ ജ്യോതിശാസ്ത്രജ്ഞന്‍ യോഹാന്‍ ഗോട്ഫ്രിഡ് ഗോല്‍ തന്റെ ടെലസ്‌കോപ്പിലൂടെ ആദ്യമായി നെപ്റ്റൂണിനെ കണ്ടെത്തിയത്. സൗരയൂഥത്തിലെ എട്ടാമത്തെ ഗ്രഹമായ നെപ്റ്റൂണ്‍ 13 ഉപഗ്രഹങ്ങളുടെ അധിപന്‍ കൂടിയാണ്.

നീലവര്‍ണത്തില്‍ ശോഭിയ്ക്കുന്ന ഗ്രഹത്തിന്റെ അന്തരീക്ഷത്തില്‍ 80 ശതമാനം ഹൈഡ്രജനും 19 ശതമാനം ഹീലിയവും ഒരു ശതമാനം മീതെയ്‌നുമാണുള്ളത്. ഭൂമിയെക്കാളും 38.87 മടങ്ങ് വലുപ്പമുള്ള ഈ ഗ്രഹത്തിലെ താപനില മൈനസ് 235 ഡിഗ്രി സെല്‍ഷ്യസ് ആണ്. സൂര്യനില്‍ നിന്നും ഏറെ അകലെയായതിനാലാണ് നെപ്റ്റിയൂണിലെ ഈ കൊടുംശൈത്യത്തിന് കാരണം.

English summary

Neptune -- the blue coloured eighth planet of the solar system, will this year complete its first revolution of the sun since its discovery in 1846. The heavenly body will celebrate its birthday on July 13 at 03:06 IST when it reaches approximately the same heliocentric longitude 329°.1020 as at the time of its discovery, R C Kapoor of Indian Institute of Astro Physics said.