ദില്ലി സ്ഫോടനം: എന്ഐഎ അന്വേഷണം തുടങ്ങി
സ്ഫോടനമുണ്ടായ സാഹചര്യത്തില് പോലീസ് ദില്ലിയില് കനത്ത ജാഗ്രത നിര്ദ്ദേശം പുറപ്പെടുവിച്ചു. അമോണിയം നൈട്രേറ്റാണ് സ്ഫോടനത്തിന് ഉപയോഗിച്ചതെന്ന് പ്രാഥമിക നിഗമനം.
സ്ഫോടനം നടന്ന സ്ഥലത്തെ തെളിവു ശേഖരിക്കാന് ശക്തമായ മഴ തടസ്സമായി. സ്ഫോടനമുണ്ടായി അരമണിക്കൂര് കഴിഞ്ഞതോടെ ആരംഭിച്ച മഴയില് പല നിര്ണ്ണായക തെളിവുകളും നഷ്ടപ്പെട്ടേക്കാമെന്ന് അന്വേഷണ ഏജന്സികള് ഭയക്കുന്നു.
അമോണിയം നൈട്രേറ്റ്, പൊട്ടാസ്യം നൈട്രേറ്റ് എന്നിവയാകാം സ്ഫോടനത്തിന് ഉപയോഗിച്ചതെന്ന് നിഗമനത്തിലാണ് പോലീസ്. ഭീകരാക്രമണമാണെന്ന് കേന്ദ്ര ആഭ്യന്തരമന്ത്രാലയം സ്ഥിരീകരിച്ചിട്ടുണ്ട്.
ദില്ലിയിലേക്കുള്ള പാതകള് എല്ലാം പോലീസ് അടച്ചു. സ്ഫോടനം നടത്തിയവര് ഡല്ഹിക്കു പുറത്തേക്കു കടക്കുന്നത് തടയുന്നതിനാണിത്.
മെയ് 25 നു സമാനമായ രീതിയില് ഹൈക്കോടതി പരിസരത്ത് നടന്നിരുന്നു. അന്ന് ആളപായമൊന്നും ഉണ്ടായിരുന്നില്ല.
Click it and Unblock the Notifications
Sign in with Google